Luuka 6:30 - Emakhuwa Bible

³⁰ Mwaavahe ootheene anoovekelani, ni mukina oneera akuxe yeeyo eri yawinyu, muhinnyeserere woohokoloxerani.

Luuka 6:30 Iomraidhean Croise

Icipo 112:9

Owo ohaakawela soovaha sincipale oohaawa; ororomeleyawawe ompwaherera wa mahuku ootheene; owerawawe onoohakalaleliwa munttittimihoni.

Icipo 41:1

Ooreelihiwa ti yaale anaapwattha oohaawa; Yave onimwaavuluxa mweehuhuni yoohooxa.

Masu a Miruku 19:17

Yoowo onaapwattha oohaawa ommooliha Yave, ni Owo onoomutthuvela.

Masu a Miruku 21:26

Mahuku ootheene owo onnahaawelaxa, oororomeleya eeraka ovakulela.

Masu a Miruku 22:9

Yoowo ori ookwanela onooreelihiwa niwoko onimmeela yoocaawe oohaawa.

Namalaleiya 11:2

Mukawe sa ithannapiili murinaanyu, mpakatho ya ithannatthaaru, niwoko nyuwo khamusuwenle erisa heeni eneera emorele mulaponi.

Namalaleiya 8:16

Kihokoleenleene otthokelela weera kisuwele ni koone miteko sa mutthu mulaponimu; mwa seiyo sinimuruuhela naawalaphile ohiyu ni othana,

Matheyo 18:35

Hiihotho animoopakani Atithaka ari wiirimu nyuwo ootheene mwaahimulevelela munninyu ni murima wootheene.”

Matheyo 5:39

Mene Miyo kinooleelani: muhimwiinlele ikukuttula mutakhali. Yoowo anoomaneeni nrama na moono mulopwana, mmwinnyereretho nrama nikina.

Matheyo 6:12

Munilevelele sootthekasahu ntoko nnaalevelelaahu yaawo annitthekela.

Luuka 11:41

Mwaavahetho yeeyo eri mpuwa wa esasaani oohaawa,ni mmoone weera sootheene moorapiheliwa.

Luuka 12:33

Muthumihe murinaanyu ni mvahe samahala. Mwiipakele mahottha ahinrowa othaala yaaviraka ehuhu, aani muhakhu woohimala wiirimu, weiwo khaawo namwiiya onkhuveela, hata tthumpwiha ohintthumpwihaawemo.

Luuka 18:22

Iiwaka yeeyo, Yeesu aamweerela: “Yohoohaleelani etthu emoha. Mwathumihe sootheene murinaanyu ni mwaavahe musurukhu oohaawa, ni mmwikhaleno muhakhu wiirimu. Vahoolowaya, ngwe ni mukitthare.”

Luuka 6:29

Mukina oomanani nrama nimoha, mumvaheketho nrama nikina. Mukina oorulani malayaanyu, muhimukhoottihere yoowo onoorulanitho mukaandyo.

Luuka 6:31

Mwaapakele akina yeeyo nyuwo muntthunaanyu weera yoopakeleni.

Luuka 6:38

Muvahe, ni mmwivahiwe. Aani, muringo wooreera: wookhitteleiya, woosareyaxa mpaka oyeeheiya. Vano, muringo munringelaanyu, mmwiringeliwetho.”

Miteko 20:35

Moovaranimwaka muteko woovihaxa, kaawooniherani weera ontthuneya waakhavihera oohilipa ni muteko woovihaxa, nuupuwelelaka masu a Apwiya Yeesu mwaneenaaya yeenre: ‘Fataari ovaha, ohikhanle waakhela.’”

2 aKorinto 8:9

Nyuwo moosuwela mahala a Apwiyaahu Yeesu Kristu, weera arookhalaru oopuha, yaahiipaka oohaawa weera, niwoko na ohaawawaya, nyuwo muthatuwe oopuha.

awEfeso 4:28

Yoowo iiya, ahiiyetho. Ohiyanawaya, avare muteko, apakaka etthu yootthuneyaxa ni matataawe weera akhalane etthu yoomvaha yoowo ori moohaawani.