Luuka 4:6 - Emakhuwa Bible

⁶ amweerelaka: “Kinimoovaha ovuwa wootheene ni ikuru sootheene sa omwene ole wootheene, niwoko wootheene akivanghaaya miyo, ni miyo kinoomvaha wa yoole kineeraaka kimutthune.

Luuka 4:6 Iomraidhean Croise

Exteri 5:11

aahiivuwiha niwoko na mihakhusawe sincipale, anamwanaawe asilopwana ancipale ni moota aamuttittimihalaawe mwene amukhalihaka mutokweene a maneethi ni asitokweene akina.

Yesaya 23:9

Ti Yave a anakhotto omvaanelela yeeyo weera aphwate wiixoona wa ovuwa wootheene ni aayevihe atthu ootheene arino epili mulaponi.

Yesaya 5:14

Tivawo okhwa onaandyeereraaya ohaawelawaya ohulaka eyanowaaya. Mmwaanomwaya anoolakaseelamo maneethaaya ni ancipalaaya vamoha ni atakhalaaya ni anamawuraaya.

Luuka 4:7

Vano, Weyo wakilapa, wootheene onuukhale wawawo.”

Yohaane 12:31

Yoophiya ehuhu ya nthorihelo na elapo ya vathi ela. Vano mutokweene a elapo ya vathi anoomoliwe.

Yohaane 14:30

Miyo nkinooleelani vancipale niwoko mutokweene a elapo ya vathi aneera arwaaka. Owo khanono ikuru ni Miyo.

Yohaane 8:44

Nyuwo ti anamwane a Diyabu* ni muntthuna opaka ohaawelawawe. Owo aari namwiiva okhuma ompacereroni, ahittharaka ekhaikhai niwoko kheewowo ekhaikhai mwa yoowo. Owo oothaka, onuuluma nuulumonawe muneenaawe niwoko ti namootha ni ori atiithi a wootha.

2 aKorinto 11:14

Ni kheehiyono yootikhiniha, niwoko Satana muneenaawe oniixeera ntoko ndyelo a waara.

awEfeso 2:2

mwa seiyo mweettelaanyu, muttharihaka mukhalelo wa elapo ya vathi ela, aani mwaamuttharaanyu mutokweene a ikuru sa opheyoni, munepa owo omvara muteko vaanaano mwa yaawo ankhala ni ettiyamaaru.

1 Pedru 1:24

Vano: “Omutthu wootheene ori ntoko munyepu, ni ovuwawaya wootheene ntoko ethutu ya ntuphini. Munyepu onoonyaala ni ethutu enoomora,

1 Yohaane 5:19

Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 13:2

Enama ya mmunepani koonnaaka yaalikana ni havara, mene yaarino inaawo ntoko inaawo sa ursu* ni eyano ntoko eyano ya mwatto. Edrakoni* yaavaha enama ele ikurusaya, ehicaaya ni owerawaya otokotoko.

Ethupululo 13:7

Yaavahiwa ikuru weera yaawaneno ekhotto ootteela ni yaawine. Yaavahiwatho ikuru ni ipuumba, miloko, muulumo ni ilapo sootheene.