Luuka 3:16 - Emakhuwa Bible

¹⁶ Yohaane aawaakhula ootheene: “Miyo kinoopatisani ni maahi, onimoowatho Mukina ooweraxa okipwaha miyo. Nkiphwanenle otaphula miramba sa ikwawaattasawe. Yoowo anoopatiseni ni Munepa Wootteela ni mooro.

Luuka 3:16 Iomraidhean Croise

Masu a Miruku 1:23

Mwiiwelela ohiihawaka, Miyo kinimoovahani munepa wa miruku ni kinimoothupululelani soowuupuwelasaka.

Yesaya 32:15

mpaka nneeraahu nikuruxeliwe Munepa wiirimu ni nikare nithatuwe elapo yooruwereya ni imatta sooruwereya sinlikana othako.

Yesaya 4:4

Yave onoorapiha ohitteela wa asithiyana a oSiyoni; onootteeliha ephome eyeehiwe oYerusaleemu ni munepa wa othoriha ni wa mooro.

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Matheyo 3:11

Miyo kinoopatisani ni maahi mpaka orukunxa murima. Ottuliwaka onimoowa Mukina ooweraxa ookipwaha miyo. Nkiphwanenle okuxa ikwakwaattasawe. Yoowo anoopatiseni ni Munepa Wootteela, nitho ni mooro.

Matheyo 3:12

Yoowo ookhalano ethelo mmatatanimwawe weera amveere namwaali a etrigu. Anaathokorore etrigu vatathani, ni anaamuhise namwaali mmooroni woohimala.”

Yohaane 1:26

Yohaane aawaakhula: “Miyo kimpatisa ni maahi; variyariwanyutho ookhala Mukina nyuwo muhimusuwenlaanyu.

Yohaane 1:27

Owo ti Yoowo onrwa ottuliwaka, ni miyo nkimphwanela otaphula miraamba sa ikwakwaattasawe.”

Yohaane 1:33

Miyo nkaarwa omusuwela kahaaleeliwe ni Yoole okirumme opatiso ni maahi: ‘Yoole muneeraanyu mmoone omukhuruwelaka Munepa ni omweemelelaka – ti Yoowo ompatisa ni Munepa Wootteela.’

Yohaane 7:38

Ntoko Yoolempwa* yeenraaya: ‘Yoole onkiroromela Miyo, mmurimanimwawe nsikhume nyooloko sa maahi a okumi.”

Miteko 1:5

Vano, Yohaane aapatisa ni maahi, mene eviraka mahuku vakhaani, nyuwo mmwipatisiwe ni Munepa Wootteela.”

Miteko 10:44

Pedru nlelo uulumaka masu ala, Munepa Wootteela waahaakhuruwela ootheene yaawo yiiwale mutthenga.

Miteko 2:33

Avuwihiweene moono mulopwana wa Muluku, Owo aahaakhela wa Atiithi Munepa Wootteela woororomelihiwa, ni ooyeeha Yoowo ntoko nyuwo vano munoonaanyu ni muniiwaanyu.

1 aKorinto 12:13

Ootheene hiyo noopatisiwa mwa Munepa mmoharu nipakaka erutthu emoha – hata aYuda, hata aGrego, hata ipottha, hata maneethi. Ni wa ootheene hiyo noovahiwa owura wa Munepa mmoharu.