Luuka 3:11 - Emakhuwa Bible

¹¹ Yohaane aawaakhula: “Yoowo orino mikaandyo miili, akawane ni yoowo ohikhalanne, ni yoowo orino yooca, apake hiihotho.”

Luuka 3:11 Iomraidhean Croise

Ezekiyeli 18:7

Owo khanimuhasularu mutthu, mene onghokoloxera yeeyo eemexenraawe mookoongoranimwawe. Khaniiya, mene onaavaha yooca oovoliwa aakawelaka soowara oothaaleliwa.

Daniyeli 4:27

Tivawo, amwene, mwaakhulele olakawaka: muhiyeke sootthekasanyu mpakaka yeeyo eri ya ekhaikhai ni muhiyeketho soonanarasanyu, ngwooniheraka oohooxiwa murima wooreera. Apaale vano opuhawanyu onoopwaherera.”

Matheyo 25:40

Mwene anaakhule: ‘Miyo kinooleelani ekhaikhai: ‘Yeeyo mwaampakenlaanyu mmoha a axunnaka ooyevaxa, mwaakipakenle Miyo.

Luuka 11:41

Mwaavahetho yeeyo eri mpuwa wa esasaani oohaawa,ni mmoone weera sootheene moorapiheliwa.

Luuka 18:22

Iiwaka yeeyo, Yeesu aamweerela: “Yohoohaleelani etthu emoha. Mwathumihe sootheene murinaanyu ni mwaavahe musurukhu oohaawa, ni mmwikhaleno muhakhu wiirimu. Vahoolowaya, ngwe ni mukitthare.”

Luuka 19:8

Zakaiyo aavenya ni aaweerela Apwiya: “Moone, Apwiya, kinimwaavaha atthu oohaawa eriyari ya sooreelasaka, ni kaamwiiyenre mutthu etthu emoha, kinoomuhokoloxera imaara ixexetho.”

Yohaane 13:29

Woonaka weera Yudasi aari namalipelela a musurukhu, akina yuupuwela weera Yeesu aamweerela athume yeeyo entthuneya ofestani, hoye hoye aavahe etthu oohaawa.

Miteko 10:2

Owo ni amusaawe ootheene yaari a murima wa omuluku ni yannamoova Muluku. Owo annavaha soovaha sincipale wa muloko wa atthu, ni annavekela wa Muluku.

Miteko 10:31

ni aakeerela: ‘Korneliyu, Muluku ohiiwa nivekelonanyu ni ohuupuwelela soovahasanyu.

Miteko 10:4

Oowoopihiweene owo aangweha, anamukoha: “Eheeni, Apwiya?” Ndyelo aamwaakhula: “Mavekelowaanyu ni sooveleelasanyu soowela ntoko yooveleela yoowuupuxera ohoolo wa Muluku.

awEfeso 4:28

Yoowo iiya, ahiiyetho. Ohiyanawaya, avare muteko, apakaka etthu yootthuneyaxa ni matataawe weera akhalane etthu yoomvaha yoowo ori moohaawani.

1 Timootheyo 6:17

Waaleele yaawo ari oopuha ehuhu ela weera ehikhale oowiixoona, naari ehiroromele mihakhu soohilekela, mene emuroromele Muluku onnivaha sootheene woowaatta weera nihakalale.

1 Timootheyo 6:18

Waaleele weera epake yooreera, ekhale oopuha mmitekoni sooreera, oolikana ovaha ni ookawela itthusaya.

aHeberi 6:10

Muluku khahiyono oohiroromeleya, Owo kharwa attiwala mitekosanyu, naari osivelawanyu mmoonihenraanyu, niwoko mohaakhavihera ootteela ni nlelo mumpwaherera waakhavihera yaawo.

Yakobe 1:27

Vano, ediini Muluku Atithihu onaakhulelaawe ntoko yootteela ni yoohikhala malepa, ti ela: waakosoopa akwaasuni ni asinaamukhweli mohaawanimwaya ni wiisusiha wa soovaliha sa mweelaponi.

Yakobe 2:14

Emvareleya eheeni, axunnaka, akhala mukina oneera ookhalano nroromelo, owo ahikhanleno miteko? Apaale nroromelo nno ninoowera omvuluxa?

1 Yohaane 3:17

Akhalano mukina mihakhusawe ni amoonaka munneiye ahaawelaka etthu aahimukhaviheratho, onuukhale hai osivela wa Muluku mwa yoowo?

1 Yohaane 4:20

Akhala mukina oneera: “Miyo kinimusivela Muluku,” amuthanyakatho munneiye, owo namootha, niwoko yoowo ohinimusivela munneiye onooneya, khangwera omusivela Muluku ori oohooneya.