Luuka 24:47 - Emakhuwa Bible

⁴⁷ nitho weera mwa Nsinanawe waatthuneya olaleiwa orukunxa murima wa miloko sootheene, okhuma oYerusaleemu, weera yaakhele elevelelo ya soottheka.

Luuka 24:47 Iomraidhean Croise

Epacerero 12:3

Miyo nkaareelihe yaawo eneera yooreeliheni ni nkaalaphe yaawo eneera yoolapheeni. Vanonto, mwaha wa nyuwo nsireelihiwe miloko sootheene sa mweelaponi.”

Icipo 22:27

Atthu a elapo ya vathi yootheene anoomuupuwelela, ehokoleeleke wa Yave, ni imusi sootheene sa miloko sinoomukokhorela,

Icipo 67:7

Muluku onoonireeliha ni elapo ya vathi yootheene enoomoova.

Icipo 86:9

Miloko sootheene mpattunxaanyu sinoorowa weera silape ohoolowanyu; Ii! Yave seiyo sinoovuwiha Nsinananyu,

Yesaya 11:10

Vanihukuni nenenenno Mukwankhwaari wa Yixai onuukhale ntoko eneneero wa miloko; iyo sinoomwaattamela ni nipuronawe noowiitthuuwa nnikhale noovuwa.

Yesaya 49:22

Vano Yave onlamula sootheene oneera ha: “Moone, kingwuuvela ntata amalapo; kinimweemexera eneneerowaaka miloko; iyo simmooruuhelani anamwaniinyu asilopwana siwaakandeene ni anamwaniinyu asithiyana veetthuuri.

Yesaya 49:6

Yave oneera: “Wa nyuwo khoonkwana okhala murumeiyaaka paahi weera mureherere ipuumba sa Yakobe ni mwaahokoloxe yaale a aYixrayeli kaathokoronraaka. Kinimootatuxanitho waara wa amalapo weera ovuluxawaka okwanele ekotenle elapo.”

Yesaya 5:4

Kaahipakele eheenitho yeela kaahaapankaaka? Vano siimenleni soonyuunya kaaweherereene sooreera?

Yesaya 52:10

Yave onimoonihera moonowaawe wootteela vamaithoni wa miloko sootheene ni ekotenle elapo yootheene enimoona ovuluxa wa Mulukwaahu.

Yesaya 52:15

hiihotho miloko sincipale sinootikhina ni mamwene animuumiwa owanoni niwoko na yoowo. Vano yeeyo awosa yahaaleeliwaaya, animoona ni yeeyo yahiiwalaaya animwiiwexexa.

Yeremiya 31:34

Khakhalaru mukina anaamuxuttihe mwaattamanaawe hata munneiye, eeraka: ‘Munsuwele Yave,’ niwoko ootheenaawo anookisuwela, okhuma mukhaani mpaka mutokweene,” onghima Yave. “Niwoko Miyo kinimwaalevelela soonanara ni nkuupuwelelatho sootthekasaya.”

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Hoxeya 2:23

Miyo kinimwiiphatteela muloko mulaponi; kinoompwattha ni osivela yoole kaamwiitthanaaka ‘Oohisiveleya.’ Kinoomweerela yoole iitthaniwa ‘Khahiyono mulokwaaka,’ ‘Nyuwo ti mulokwaaka’; ni awosa eniyeere: ‘Nyuwo ti Mulukwaaka.’”

Mikeyasi 4:2

Miloko sincipale sinimoorwa, seeraka: “Nrowe, niwele mwaako wa Yave, Mpaani mwa Muluku a Yakobe. Owo onoonixuttiha iphirosawe weera neette mphironimwawe.” Vano Nlamulo nnoorweela oSiyoni, masu a Yave oYerusaleemu.

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Matheyo 28:19

Tivawo, murowe ni mwaakhalihe oohusera a amalapo ootheene, mwaapatisaka mwa Nsina na Atiithi, na Mwaana ni na Munepa Wootteela,

Matheyo 3:2

“Murukunxe mirima, niwoko omwene wa wiirimu wookhuveela.”

Matheyo 9:13

Murowe ni muupuwele etaphulelowaaya ela: ‘Kintthuna ikharari, sihikhanle sooveleela.’ Miyo nkaaweenle owiitthana atthu oororomeleya, mene anamattheka.”

Luuka 13:34

Yerusaleemu, Yerusaleemu, weyo ongwiiva maprofeeti ni onaavonya maluku yaawo orumiheliwaawo: Imaara ihayi Miyo kaatthunaaka waathukumanya anamwaniinyu ntoko nttehi ninaathukumanyaaya axaanaaya mmapuphani, mene khoontthuna!

Miteko 10:43

Maprofeeti ootheene animukhalela onamoona Yoowo weera ootheene animuroromela Yoowo, animwaakhela elevelelo ya soottheka mwa Nsinanawe.”

Miteko 11:18

Yiiwaka yeeyo, yaahiya omukohakoha, ni yaamvuwiha Muluku yeeraka: “Vano Muluku ohaavaha orukunxa murima wa okumi mpaka amalapo asineenaaya!”

Miteko 13:46

Vano Pawulo ni Barnaba yaawaakhula ni murima woolipa, yeeraka: “Waatthuneya woolaleerani toko nyuwo masu a Muluku, mene mweenre mukhoottaka masu ala, ni hiiho munoonihera weera khamuphwanenle okumi woohimala, vano hiyo ninoohokoleela wa amalapo.

Miteko 2:38

Pedru aawaakhula: “Murukunxeke mirimasanyu, ni mutthu ti mutthi a nyuwo apatisiweke mwa Nsina na Yeesu Kristu wa elevelelo ya sootthekasanyu, ni mmwaakhele mahala a Munepa Wootteela.

Miteko 20:21

Kaahaakhalela onamoona aYuda nitho aGrego weera ontthuneya awo erukunxele murimaaya wa Muluku ni eroromele mwa Apwiyaahu Yeesu.

Miteko 26:18

weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

Miteko 26:20

Woopacera kaahaalaleera yaawo yaari oDamasku; vahoolowaya yaawo yaari oYerusaleemu ni oYudeiya woothewene, nitho wa amalapo, kiweerelaka weera erukunxe murima ni ehokoleele wa Muluku epakaka miteko sinoonihera orukunxawaya murima wa ekhaikhai.

Miteko 28:28

Tivawo kintthunaaka weera musuwele nnenesene weera ovuluxa wu wa Muluku woorumiheliwa wa amalapo; awo eniyiiwe!”

Miteko 3:19

Vano, murukunxe mirimasanyu ni muhokoleele wa Muluku weera sootthekasanyu sikhale soomalihiwa,

Miteko 4:12

Khoowowo ovuluxiwa mwa mukina. Khaniwowo nsina nikina nivahiwe wa atthu mwa nenno ontthuneya weera ninivuluxe.”

Miteko 5:31

Muluku aamvuwiha, amwiikaathiki moonowaawe mulopwana ntoko Mutokweene ni Mvuluxa, weera aavahe aYixrayeli orukunxa murima ni elevelelo ya soottheka.

aRooma 5:20

Nlamulo nivaheriwe weera yoottheka yaandyeerereye. Weiwotho yaattiyaayawo yoottheka, ahaattatho mahala,

awEfeso 1:6

Nnimuttottopele niwoko na ovuwa wa mahalaawe, mwa yaawo Owo onivanghaawe mwa Oosiveleya.

awEfeso 3:8

Kiri mweeraru kireene ooyevaxa variyari wa ootteela, koovahiwa mahala ala oowaalaleera amalapo mihakhu soohaalikeleya sa Kristu,

aKolosi 1:27

Wa yaale Muluku aalakela waasuweliha variyari wa amalapo mihakhu soovuwa sa ntikhinelo nna, nri Kristu mwa nyuwo, oweherera wa ovuwa.

1 Yohaane 2:12

Anamwane, miyo kinoolepelani, niwoko sootthekasanyu sooleveleliwa niwoko na Nsina na Yeesu.