Luuka 24:27 - Emakhuwa Bible

²⁷ Vano, okhuma Moisesi ni maprofeeti ootheene, aahaathalihera sootheene saalempwa sa Yooworu.

Luuka 24:27 Iomraidhean Croise

Epacerero 12:3

Miyo nkaareelihe yaawo eneera yooreeliheni ni nkaalaphe yaawo eneera yoolapheeni. Vanonto, mwaha wa nyuwo nsireelihiwe miloko sootheene sa mweelaponi.”

Epacerero 22:18

Vano mwaha wa yeeyo miloko sootheene sa elapo ya vathi nsireelihiwe niwoko nyuwo mookiiwelela.”

Epacerero 26:4

Vano nkaandyeerere ekhapiraanyu ntoko ithenyeeri sa wiirimu, nitho nkivahe ilapo sootheene iya. Mwaha wa ekhapiraanyu miloko sootheene sa elapo ya vathi nsireelihiwe,

Epacerero 3:15

Nkiittanihe variyariwawo ni muthiyana, variyari wa ekhapiraawo ni ya muthiyana. Owo anaaswanye murwaawo ni weyo onuulume etthottopwaawe.”

Epacerero 49:10

Ekopo kheerwa ekuxiwa wa Yuda, aani ekopo yoolamula eniikhale eriyari ya nyettosawe mpaka aneeraawe arwe yoowo ori muneene a ekopweene yeeyo. Ni miloko nsimwiiwelele yoowo.

Icipo 132:11

Yave aamuroromeliha murumeiyaawe Davide – nlipelo na ekhaikhai noohiceendyeya: “Kinoomukhaliha vahiceniwanyu ya emwene mmoha a ekhapiraanyu xaxaxa.

Yesaya 1:23

Anamalamulaanyu ari anamavaanya aneetta vamoha ni anamwiiya; awosa ootheene ansivela makhwankwa yaasaasaka soovahiwa. Awosa khaanaakiha soophwanela sa akwaasuni ni khaanaasaasa osuwela mulattu wa asinaamukhweli.

Yesaya 50:6

Kaawinnyerera ettulaaka yaale yaakimana, ekhovaaka yaale yaarosola irerusaka; nkaahulunxe ekhovaaka mootthebwiwani ni moosenyeliwani.

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Yesaya 8:17

Kinooweherera mwa Yave, mwa Yoowo oniipithihera ekhovaawe ekhapira ya Yakobe. Mwa Yoowo kinoomuroromela.

Yesaya 9:1

Wa soothesene, kheekhalatho epiphi wa yaale yaakacamiheiye. Khalayi Owo aayeviha elapo ya Zebuloni ni Nafitali, vaheera muhoolommo Owo onoottittimiha elapo ya oGalileya ya amalapo, musewe wa mphareiya, mukerekhere Yordanu.

Ezekiyeli 34:23

Kinoomwiikaathi eriyaraaka mukukhuli mmoha, murumeiyaaka Davide, ni owo anaakosoope seiyo ni anaakhale mukukhulaaya.

Ezekiyeli 37:25

Eniikhalase mulaponi kimvanghaaka murumeiyaaka Yakobe, elapoweene yeeyo yaakhalaaya makholowaaya. Awosa vamoha ni anamwanaaya, mpakatho osuulwaaya eniikhalewo wa mahuku ootheene, ni murumeiyaaka Davide onookhala mwaana a emwenaaya wa mahuku ootheene.

Daniyeli 7:13

Mmoonelonimwaka ohiyu kaaweha ni aakhala ohoolowaka mmoha aalikana ni mwaana a mutthu arwaaka mmahutteni a wiirimu. Owo aamwaattamela Muluku Oohimala, anaronghiwa vamaithoniwawe.

Mikeyasi 5:6

Awosa anoolamula elapo ya awAsiriya ni ekatana, ni elapo ya Ninrode evarenleene ekatana. Mwenaahu onoonitapuxa awAsiiriya yaavoleelaka elapwaahu, ni yaalapuwaka nyiinanosahu.

Mikeyasi 7:20

Munoomoonihera Yakobe ororomeleya, ni munoommorela ikharari Abrahaamu, ntoko mwaaroromelinghaanyu ni nlipelo makholowaahu khalayeene.

Zakariya 13:7

“Ii! Ekatana, muvenye ni ngwaneke ni mukukhulaaka, yoowo ori mukhwaaka!” ongima Yave a ikuru sootheene.”Mummane mukukhuli ni muhuwo onoomwaraxeya ni kinimwaarukunuwela asikhaani.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Malekiya 4:2

Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Nuumeru 21:14

Tivawo eneeriwaaya mulivuruni ya ikhotto sa Yave: “oWayebi mulaponi mwa wOsufa ni moovinavineya mwa mooloko wArenoni

Marku 4:34

Khaaleela etthu, ohikhanle ni soolikanyiha. Vano, aakhalaawe ni oohuseraawe paahi, annaathalihera sootheene.

Luuka 24:25

Owo aaweerela: “Nyuwo onnoohaleelani wiiwexexa ni munnalekela ororomela sootheene seiyo yaalokolenlaaya maprofeeti.

Luuka 24:44

Vano aaweerela: “Ti yeeyo kooleenlaakani kireene nlelo ni nyuwo: ‘Waatthuneya weera sikwaniheriwe sootheene silempwe mwaha wa Miyo mmalamuloni a Moisesi, mmaprofeetini ni mulivuruni ya icipo.’”

Yohaane 1:45

Owo aamphwanya Nataneyeli ni aamweerela: “Noomphwanya Yoole aamulempaawe Moisesi mmalamuloni, nitho mwa Yoowo maprofeeti yaamulempaaya: Yeesu muNasarete, Mwaana a Yoseefe.”

Yohaane 12:41

Yesaya aahima yeeyo niwoko aahoona ovuwa wa Yeesu ni aahuuluma sa Yoowo.

Yohaane 5:37

Atiithi akirumihale, Awo aneenaaya yaakikhalela onamoona. Nyuwo khamunatoko wiiwa nsunaya, hata woona ekhalelowaaya.

Yohaane 5:39

Nyuwo munsoma Yoolempwa* nnenesene niwoko munuupuwela weera mmwiphwanyemo okumi woohimala. Ti Yoolempwa* enkikhalela onamoona.

Miteko 10:43

Maprofeeti ootheene animukhalela onamoona Yoowo weera ootheene animuroromela Yoowo, animwaakhela elevelelo ya soottheka mwa Nsinanawe.”

Miteko 3:18

Waaritho hiiho Muluku okwanihenraawe yeeyo aahimalaawe khalayi ni iyano sa maprofeeti ootheene, yeeraka weera Kristwaawe eera ahaawe.

Miteko 3:22

Vano Moisesi aaheera: ‘Apwiya Mulukwaanyu animookhaliherani variyariwanyu mprofeeti ntoko miyo. Mmwiiwe sootheene seiyo Owo aneeraawe ooleeleni.

Miteko 3:24

Mwa yeeyo maprofeeti ootheene okhuma Samuweli mpaka ohoolo, khula mutthu a yaawo, yaahima sa mahuku ala.

Miteko 7:37

Owo ti Moiseseene yoowo aaweerenle aYixrayeli: ‘Muluku anaamukhalihe variyari wa axunninyu mprofeeti ntoko miyo.’

Miteko 8:35

Filipe, apaceraka ni mpatta ole wa Yoolempwa*, aamulaleera masu ooreeraxa a Yeesu.

Deuteronomiyo 1:45

Mwaahokolowasa muniinla vamaithoni wa Yave, mene Owo khiiwale wiikhupanyerawanyu hata khoopwatthanseni.

Deuteronomiyo 18:15

Yave Mulukwaanyu onookhaliherani mprofeeti ntoko miyo oothanliwa variyari wa axunninyu. Mmwiiwelele yoowo.

Ethupululo 19:10

Kaamorela inaawosawe weera kimulape, mene owo aakeerela: “Muhipake yeeyo! Kiri murumeiyi ntoko nyuwo, ni ntoko axunninyu anlipihera moota woororomeleya onamoona wa Yeesu. Mmulape Muluku! Vano, okhalela onamoona mwaha wa Yeesu ti othalihera otthuna wa Muluku mmunepani.”