Luuka 21:19 - Emakhuwa Bible

¹⁹ Moovilelani, nyuwo mmwiwine okumi.

Luuka 21:19 Iomraidhean Croise

Icipo 37:7

Mukhaleke oomaaleene vamaithoni wa Yave ni mungweherere ni ovilela. Muhinyoonyiwe niwoko na opuha wa atakhali, hata wa yaale amvaanelela soonanara.

Icipo 40:1

Koongweherera Yave ni ovilela; Owo ookiweha, aniiwa okhuwelawaka.

Habakuki 3:16

Kohiiwa ni murimaaka woosareya woova; eyanowaaka yaathukumela; ophwata waakitteengula ni nyettosaka saaveveleya. Hata hiiho kinooweherera ni ovilela nihuku noowuuliha muru nneera niphiyere muloko onniwanano.

Matheyo 10:22

Atthu ootheene eniyoothanyeeni niwoko na Miyo, mene yoowo anaavilele mpaka ommaleloni, anaavuluxiwe.

Matheyo 24:13

mene yoowo anaavilele mpaka ommaleloni anaavuluxiwe.

Luuka 8:15

Mmiso waamorenle vatthayani yooreera ti yaawo aniiwa nsu na Muluku ni murima wooreera ni wa nnene, ansunga nno mmirimanimwaya, ni anniima soowiima moovilelani.

aRooma 15:4

Sootheene silempwe khalayi, silempwe weera sinixuttihe, mooteene yoowo weera niwoko na ovilela ni olipihiwa onrweela wa Yoolempwa*, nikhaleke ni oweherera.

aRooma 2:7

Owo anaavahe okumi woohimala wa yaawo ampwaherera opaka nnene ni anaasaasa ovuwa, nttittimiho, ni okumi woohimala.

aRooma 5:3

Khoohiyono mwa yeeyo paahi, mene ninnahakalalatho moohaawani, niwoko noosuwela weera ohaawa onruwera ovilela;

aRooma 5:4

ovilela onruwera ekhalelo yooreera; ni ekhalelo ela enruwera oweherera.

aRooma 8:25

Vaheera naroromela yeeyo nlelo nihoonnaahu, ningweherera ni ovilela.

1 aTesalonika 1:3

Ninnuupuwelela mahuku ootheene vamaithoni wa Muluku mitekosanyu sinruweriwa ni nroromelo; nthitinanyu nneettihiwa ni osivela, ni ovilelawanyu onrweela wa waaweherera Apwiyaahu Yeesu Kristu.

2 aTesalonika 3:5

Apwiya yeettiheke mirimasanyu moosivelani wa Muluku ni moovilelani wa Kristu.

aHeberi 10:36

Ontthuneya weera nyuwo muvilele mooteene yoowo weera mwaamalihaka opaka otthuna wa Muluku, nyuwo mwaakhele yeeyo Owo ororomelihalaawe.

aHeberi 6:11

Nintthuna weera khula mutthu a nyuwo oonihere nthiti noolikana ntoko hiiho mpaka ommaleloni, weera mulipihere owehererawanyu.

aHeberi 6:15

Hiiho, vahoolo wa oweherera ni ovilela, Abrahaamu aahaakhela yoororomelihiwa ele.

Yakobe 1:3

niwoko moosuwela weera nroromelonanyu neereriwa, ninruwera ovilela.

Yakobe 1:4

Ontthuneya weera ovilela okwaniheriwe weera nyuwo mukhale atokweene munroromeloni, ni a ekhaikhai ehoohaleelakani etthu.

2 Pedru 1:6

osuwelawanyu ni wiisuumaaliha, wiisuumaalihawanyu ni ovilela, ovilelawanyu ni murima wa omuluku,

Ethupululo 1:9

Miyo, Yohaane, munninyu ni mukhwiinyu moohaawani, moomweneni, ni moovilelani mwa Yeesu, kaari ocirumbani yiitthaniwa Patmo niwoko na masu a Muluku ni na onamoona wa Yeesu.

Ethupululo 13:10

Akhala mutthu onrowa okaliposo, okaliposo anaarowe. Akhala mukina aneera iiviwe ni ekatana, aniiviwe ni ekatana. Va ontthuneya ootteela ovilela moota woororomeleya.

Ethupululo 14:12

Va ontthuneya weera evilele ootteela aniiwelela malamulo a Muluku, ni animutthara Yeesu moota woororomeleya.

Ethupululo 3:10

Woonaka weera nyuwo moothokorora maswaaka aneera muvilele, Miyotho nkoothokororeni wa ehuhu yooweereriwa yeeyo ehanle vakhaani ophiyera elapo ya vathi yootheene, weera eweerere yaawo ankhala vathi.