Luuka 20:10 - Emakhuwa Bible

¹⁰ Mweehuhuni ya ohepha, aamurumiha murumeiyi mmoha wa anamalima weera emvaherere mpatta wa soowiima sa ematta ya iwuuva*. Anamalimatho yaammana ni yaamoomola woohikuxa etthu.

Luuka 20:10 Iomraidhean Croise

1 Mamwene 22:24

Zedekiya, mwaana mulopwana a Kenahana, aamwaattamela Mikaya, anammana owiitho, anamukoha: “Okikhumme moota heeni Munepa wa Yave weera wuulume ni nyuwo?”

2 Mamwene 17:13

Yave aahooperera oYixrayeli ni oYuda mwa maprofeetaawe ni anamooniheraawe* ootheene: “Muhiye iphirosanyu soonanara. Mwiiwelele ikanosaka ni malamulowaaka, muttharaka Nlamulo nootheene kaalamulenlaaka makholowaanyu wiiwelela ni koovanghaakani mwa arumeiyaaka maprofeeti.”

1 Nyaha 19:4

Vano Hanuni aahaatthukasa anamitthenga a Davide, anaametthasa ireru, anaahula vakhaani mpatta wa soowarasaya mpaka mmakhuttuni, anawoomolasa.

2 Nyaha 16:10

Mwaha wa yeeyo, Asa aamunyoonyeriwa namoonihera*; aanyoonyaxiwa mpaka olamulela otthukiwa. Ehuhuweene yeele, Asa aahaahasula moololoni akina akina a muloko.

Nehemiya 9:26

Wa soothesene, yaari oohiiwelela yoovaanyakani. Yaarera ettuli Nlamulonanyu. Yaawiiva maprofeetaanyu, mwa yaawo yaawooperera weera yoohokoleeleni Nyuwo. Yaapaka sootakhala sitokotoko.

Nehemiya 9:30

Wa iyaakha sincipale mwaahaavilela. Mwannawooperera mwa Munepaanyu ni mwa maprofeeti. Hata hiiho, khayaawiiwelelani moota wooweera mwaawinnyerera mmatatani mwa miloko soowaattamana.

Icipo 1:3

Owo ori ntoko mwiri ophatteiwe mukerekhere mooloko: oniima ehuhu yootthuneya ni makukhwaaya khaannyaala. Soothesene ompakaawe sinoomweettela nnenesene.

Yeremiya 2:30

“Khoovareleiye muteko ottaruxa mulokwaanyu, awosa khayaakhulenle olakiwa. Ekatanaaya yohaaphwata maprofeetaanyu ntoko mwatto oonyaanyaxa.

Yeremiya 20:2

aalamula weera Yeremiya amaniwe ni atthukeleliwe vatthaabwani vamulako mutokweene wa Benyamini ori vakhiviru wa Empa ya Yave.

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Yeremiya 5:24

Awosa khaaniixeerela: ‘Nrowe, nimooveke Yave Mulukwaahu, mwa Yoowo onrupiha epula mutthulo ni ya mulaala mweehuhunimwaya ni onnivaha isimana sa ohepha mweehuhunimwaya.’

Luuka 13:34

Yerusaleemu, Yerusaleemu, weyo ongwiiva maprofeeti ni onaavonya maluku yaawo orumiheliwaawo: Imaara ihayi Miyo kaatthunaaka waathukumanya anamwaniinyu ntoko nttehi ninaathukumanyaaya axaanaaya mmapuphani, mene khoontthuna!

Luuka 20:11

Owo aamurumihatho murumeiyi mukina, mene yaammanatho ni yaamveiha moota woowuuliha muru, emoomolaka woohikuxa etthu.

Luuka 20:9

Owo aathalihera muloko wa atthu yoolikanyiha ela: “Mulopwana mmoha aaphatteya ematta ya iwuuva*. Aawooliha anamalima akina ematta ele, ni aapwaha wa mahuku mancipale.

Yohaane 15:16

Nyuwo khamukithanlale Miyo, mene Miyo kohoothanlani nyuwo weera murowe ni mwiime soowiima soohimala weera Atiithi yoovaheeni yeeyo muneeraanyu muvekele mwa Nsinanaka.

aRooma 7:4

Hiiho, axunnaka, nyuwotho mookhwela nlamulo niwoko na erutthu ya Kristu, weera mukhale a mukina, a Yoole ovenyerenre mookhwaani, weera nimwiimihere Muluku yoowiima.