Luuka 2:41 - Emakhuwa Bible

⁴¹ Iyaakha sootheene asinaangolo yannarowa oYerusaleemu ofestani ya mPaska*.

Luuka 2:41 Iomraidhean Croise

Okhuma 12:11

Mwaakhuuraka mukhale oolikaneene ovenya: Laamba muyuununi; ngwanreene ikwakwaatta, ni ekopo mmatatani. Mukhuureke mwaakuvihaka. Ola ti mPaska* a Yave.

Okhuma 12:14

Nihuku nno nikhaleke noowuupuweleliwa nyuwosa ni ekhapiraanyu. Khula eyaakha vanihukuni nno mmuupuwelele mumpakelaka efesta Yave, ntoko nlamulo noohimala.

Okhuma 34:23

Imaara tthaaru sa khula eyaakha asilopwana ootheene yiixoonihereke ohoolo wa Adonai Yave, Muluku a aYixrayeli.

Levitiku 23:5

mPaska* a Yave ompacera mweehuhuni ya wiila vanihukuni nanaamuloko nimaxexe na mweeri woopacera.

Nuumeru 28:16

Vanihukuni nanaamuloko ni maxexe na mweeri woopacera ti mPaska* a Yave.

Luuka 2:42

Yeesu aaraawe ni iyaakha muloko ni piili, awo yaarowa ofestani ntoko yaakhovelelaaya.

Yohaane 11:55

Ekhuveelaka ehuhu ya mPaska* a aYuda, atthu ancipale a elapo yeele yaarowa oYerusaleemu weera ekwanihere ikhovelelo sa orapiha ahinaaye mPaska*.

Yohaane 13:1

Yaahanle ehuhu vakhaani ahinaaye mPaska*. Yeesu aasuwela weera yoophiya ehuhu eeraawe ahiyeke elapo ya vathi ni arowe wa Atiithi. Owo aahaasivela awawe yaari mweelaponi, aani aahaasivela mpaka ommaleloni.

Yohaane 2:13

Yaakhuveelaaya ehuhu ya mPaska* a aYuda, Yeesu aarowa oYerusaleemu.

Yohaane 6:4

Aakhuveela mPaska*, efesta ya aYuda.

Deuteronomiyo 12:11

Vahoolowaya mwarowe nipuro Yave Mulukwaanyu aneeraawe athanle ntoko woomakawo Nsinanawe. Wu mwaronghe sootheene kinoolamulelaakani – sooveleelasanyu soohisa ni sa enama, mipatta sanaamulokwaanyu, samahala sooreerela ni seiyo sootheene mwaaroromelinghaanyu omvaha Yave.

Deuteronomiyo 12:18

Ohiyanawaya, muceeke iyo vamaithoni wa Yave Mulukwaanyu vanipuroni Yave Mulukwaanyu aneeraawe athanle – nyuwosa, anamwaniinyu asilopwana ni asithiyana, ipotthasanyu asilopwana ni asithiyana ni aLeevi a mittetthesanyu. Mwahakalalele ohoolo wa Yave Mulukwaanyu sootheene mpankaanyu.

Deuteronomiyo 16:16

Asilopwana ootheene yiixoonihereke ohoolo wa Yave Mulukwaanyu imaara tthaaru vayaakhani vanipuroni Owo aneeraawe athanle – mweehuhuni ya efesta ya ipaawu soohikhalano eferementu, ya isimana ni ya mmikotthoni. Ahikhale anaaphiye ohoolo wa Yave matataru.

1 Samuweli 1:21

Vano mulopwana owo Elikana aarowaawe vamoha ni emusaawe yootheene weera ampakele Yave sooveleela sa khula eyaakha ni weera akwanihere yoororomelihaawe, Hana khaarongwe.

1 Samuweli 1:3

Khula eyaakha mulopwana ole annavenya esidadaawe arowaka oXilo weera amulape Yave a ikuru sootheene ampakelaka sooveleela. Vano Hofeni ni Pinehasi, anamwane asilopwana a Eli, yaari asaserdoti* a Yave oXilo.