Luuka 2:25 - Emakhuwa Bible

²⁵ Aakhala oYerusaleemu mulopwana mmoha iitthaniwa Simeyoni aari oororomeleya ni a murima wa omuluku. Owo aaweherera opepesiwa wa oYixrayeli, ni Munepa Wootteela waari ni yoowo.

Luuka 2:25 Iomraidhean Croise

Epacerero 6:9

Ola ori mwaha wa Nowe: Nowe aari mulopwana mmoha oororomeleya ni oohikhalano milattu variyari wa muloko wa ehuhuwaawe. Vano owo anneetta vamoha ni Muluku.

Yobi 1:1

Mulaponi ya wUzi aakhala mulopwana iitthaniwa Yobi. Aari mulopwana ookwanela ni oororomeleya; annamoova Muluku, asembaka opaka sootakhala.

Yobi 1:8

Vano Yave aamukoha Satana: “Moomoona murumeiyaaka Yobi? Khawoworu mukina mulaponimu ntoko yoowo, oohihuluxeya, ookwanela ni mulopwana ommoova Muluku, asembaka opaka yootakhala.”

Yesaya 25:9

Nihuku nenenenno awosa eniyeere: “Vekhaikhai Owo ti Mulukwaahu; hiyo nnimuroromela ni Owo oonivuluxa. Owo ti Yave, nnimuroromelaahu. Nihakalalelaxe ovuluxawawe.”

Yesaya 40:1

Muluku oneera: “Mupepese, mupepese mulokwaaka.”

Mikeyasi 6:8

Ii! Mutthu, Owo oowooniherani yeeyo eri yooreera ni yeeyo Yave onnyesererihaawe: Mpake ekhaikhai, musivele ororomeleya ni mweette oowiiyeviheene ni Mulukwaanyu.

Nuumeru 11:25

Yave aakhuruwa munihutteni anamuulumano, anakhumiha mpatta wa munepa waari mwa Moisesi, anahela mwa asitokweene miloko mithannamiili. Munepa waakhuruwelakaru yaawosa, yaathalihera otthuna wa Muluku, mene khayaahokoleenletho opaka yeeyo.

Nuumeru 11:29

Vaheera Moisesi aahaakhula: “Nyuwo munkikhalela nthiti? Kinghaawelaxa weera Yave ahele munepa muloko wootheene ola ni ootheene ekhale maprofeeti!”

Marku 15:43

Yoseefe a wArimatheiya, mutokweene mmoha oosuwanyeyaxa a eSineedriyu*, mwa yoowo aawehereratho omwene wa Muluku, aalipiha murimaawe ni aarowa wa Pilatu amvekelaka muttembo wa Yeesu.

Luuka 1:41

Iiwaka Elisabeti esalaama ya Mariya, mwaana aattikinyeiya mmirimani mwa yoowo, ni Elisabeti aasareya ni Munepa Wootteela.

Luuka 1:6

Ooweeli yaari oororomeleya vamaithoni wa Muluku, yiiwelelaka nnenesene malamulo ootheene ni soolamulela sootheene sa Apwiya.

Luuka 1:67

Atithawe, Zakariya, yaasareya ni Munepa Wootteela ni yaathaliha otthuna wa Muluku yeeraka:

Luuka 2:38

Aphiyaka iwe ehuhu emoharu yeeyo, aamutthapela Muluku ni anuuluma mwaha wa Mwaana wa ootheene yaaweherera ovuluxiwa wa Yerusaleemu.

Luuka 23:51

ahaakupaleenle ni yoolakela ya akina a eSineedriyu*, naari ni yeeyo yaapankaaya. Aari a esidade yiitthaniwa Arimateiya oYudeiya, ni aaweherera omwene wa Muluku.

Miteko 10:2

Owo ni amusaawe ootheene yaari a murima wa omuluku ni yannamoova Muluku. Owo annavaha soovaha sincipale wa muloko wa atthu, ni annavekela wa Muluku.

Miteko 10:22

Asilopwana yaamwaakhula: “Nirweenle mpatta wa kenturiyoni* Korneliyu. Owo mulopwana oororomeleya ni oomoova Muluku, oottittimihiwa ni muloko wootheene wa aYuda. Ndyelo ootteela aamweerela weera onoowiitthanani owannyawe weera owo iiwe maswaanyu.”

Miteko 2:5

Vano, yaakhalawo oYerusaleemu aYuda, atthu emoovaka Muluku, erweelaka wa miloko sootheene sa elapo ya vathi.

Miteko 24:16

Tivawo kinaasaasaaka mahuku ootheene weera kikhale ni murima wooreera vamaithoni wa Muluku ni wa atthu.

Deuteronomiyo 18:15

Yave Mulukwaanyu onookhaliherani mprofeeti ntoko miyo oothanliwa variyari wa axunninyu. Mmwiiwelele yoowo.

2 Pedru 1:21

niwoko khaawowo masu a maprofeeti arwiiye ni otthuna wa mutthu, mene atthu, yeettihiwe ni Munepa Wootteela, yaahuuluma mpatta wa Muluku.