Luuka 2:10 - Emakhuwa Bible

¹⁰ Ndyelotho aaweerela: “Muhoove, miyo kinooruuhelani masu ooreeraxa a ohakalalaxa ari wa muloko wootheene.

Luuka 2:10 Iomraidhean Croise

Epacerero 12:3

Miyo nkaareelihe yaawo eneera yooreeliheni ni nkaalaphe yaawo eneera yoolapheeni. Vanonto, mwaha wa nyuwo nsireelihiwe miloko sootheene sa mweelaponi.”

Yesaya 40:9

Nyuwo munruuhela oSiyoni ihaali sooreera, ngwele vamwaako woorakamelaxa; nyuwo munruuhela oYerusaleemu ihaali sooreera, mukhuwelaxe, muhoovaka. Muleele isidade sa oYuda: “Mulukwaanyu ori va!”

Yesaya 41:27

Miyo kaari oopacera othalihera yeeyo oSiyoni. Koomurihela oYerusaleemu namutthenga a ihaali sooreera.

Yesaya 49:6

Yave oneera: “Wa nyuwo khoonkwana okhala murumeiyaaka paahi weera mureherere ipuumba sa Yakobe ni mwaahokoloxe yaale a aYixrayeli kaathokoronraaka. Kinimootatuxanitho waara wa amalapo weera ovuluxawaka okwanele ekotenle elapo.”

Yesaya 52:10

Yave onimoonihera moonowaawe wootteela vamaithoni wa miloko sootheene ni ekotenle elapo yootheene enimoona ovuluxa wa Mulukwaahu.

Yesaya 52:7

Moota onreeraaya woona sirweelaka mmanyaakoni inaawo sa yaale anruuhela mutthenga wooreera, anlaleiya murettele, anruuhela ihaali sooreeraxa, anghima ovuluxiwa yeerelaka oSiyoni: “Mulukwaanyu onlamula!”

Yesaya 61:1

Munepa wa Yave ori mwa miyo, niwoko Yave ookittikitthela weera kaalaleere oohaawa mutthenga wooreera. Owo ookirumiha weera kaakosoope yaale arino murima woothananaxa, weera kaalaleere otaphuwa anamatthukiwa ni kaatapuxe mpiphini yaawo ari mukaliposo.

Daniyeli 10:19

Owo aakeerela: “Ii! Mulopwana oosiveleyaxa, muhoove. Murettele okhaleke ni nyuwo! Mukhaleke oolipa, aani oolipaxa.” Owo ahimakaru masu ale, kaalipihereya, kinamweerela: “Pwiiyaaka, muulume mweenre mukivaha ikuru.”

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Matheyo 14:27

Yeesutho aaweerela woowaakuveya: “Mulipiheke mirimasanyu, ti Miyo! Muhoove!”

Matheyo 28:18

Yeesu aawaattamela yaawo ni aaweerela: “Koovahiwa ikuru sootheene sa wiirimu ni vathi.

Matheyo 28:5

Ndyelo aaweerela asithiyana: “Muhoove! Koosuwela weera nyuwo mummwaasa Yeesu okhomeliwe.

Marku 1:15

Owo anneera: “Yoophiya ehuhu! Omwene wa Muluku wookhuveela. Murukunxe murima, ni muroromele masu ooreeraxa!”

Marku 16:15

Aaweerela: “Murowe mweelaponi yootheene ni mwaalaleere atthu ootheene masu ooreeraxa.

Luuka 1:13

Ndyelotho aamweerela: “Muhoove Zakariya, nivekelonanyu nohiiwiwa. Amwaarinyu Elisabeti animooyarelani mwaana mulopwana, ni muntthuneya omutteha nsinanawe Yohaane.

Luuka 1:19

Ndyelo aamwaakhula: “Miyo Gabriyeli, kinkhala ohoolo wa Muluku mahuku ootheene. Koorumihiwa weera kooleeleni ni koovaheeni masu ooreera ala.

Luuka 1:30

Vano ndyelo aamweerela: “Muhoove Mariya, niwoko Muluku oowooniherani mahala matokotoko.

Luuka 2:11

Olelo, musidadeni ya Davide, mooyareliwa nyuwo Mvuluxa ori Kristu, Apwiya.

Luuka 24:47

nitho weera mwa Nsinanawe waatthuneya olaleiwa orukunxa murima wa miloko sootheene, okhuma oYerusaleemu, weera yaakhele elevelelo ya soottheka.

Luuka 8:1

Vahoolowaya Yeesu anneetteetta musidadeni ni mmittettheni sikina, alaleiyaka masu ooreeraxa a omwene wa Muluku. Vano oohusera muloko neeli yaari ni Yoowo,

Miteko 13:32

Hiyo ninoolaleerani nyuwo masu ooreeraxa ala: yeeyo Muluku aaroromelihalaawe makholowaahu,

aRooma 10:15

Ni eniilaleiye hai ehirumihiwe? Ntoko elempwalaaya: “Ti sooreeraxa inaawo sa yaale anlaleiya masu ooreeraxa!”

awEfeso 3:8

Kiri mweeraru kireene ooyevaxa variyari wa ootteela, koovahiwa mahala ala oowaalaleera amalapo mihakhu soohaalikeleya sa Kristu,

aKolosi 1:23

mwapwaherera oolipeene ni ookhalihiweene munroromeloni, muhisusaka wa nroromelo mwaakhenlaanyu mwiiwakaru masu ooreeraxa. Awo ti masu ala nyuwo mwiiwalaanyu, ni alaleeriwe atthu ootheene a elapo ya vathi, ni miyo Pawulo koothatuwa murumeiyi a masu ooreeraxa ala.