Luuka 18:13 - Emakhuwa Bible

¹³ Namaliviha a musokotho aaheemela ottaiwene. Khaatthuna oweha osulu, mene amanaka ekakasa, aaheera: ‘Muluku, mukimorele ikharari, miyo kiri namattheka.’

Luuka 18:13 Iomraidhean Croise

2 Samuweli 12:13

Vano Davide aamweerela Natani: “Koomutthekela Yave.” Natani aamwaakhula: “Yave oolevelela yootthekaanyu. Nyuwo khamukhwa.

2 Nyaha 33:19

Mmavekelonimwawe ni waakhula wa Muluku, mpaka sootthekasawe ni ohiroromeleyawawe, ohiya mmapuroni aatenkaawe altaari* a miluku soowootha ni nyiri soothipeleliwa sa Axera ni miluku sikina, ahinaaye wiiyeviha, sootheene iyo, silempwale munamalepelani a nyaha sa anamoonihera*.

2 Nyaha 33:23

Vaheera ovirikanawawe ni atithawe Manaxe, khiiyevinghe ohoolo wa Yave, mene aahaandyeerera nthowanawe.

Ezera 9:6

kinamvekela: “Ii Mulukwaaka! Kootepaxa wuulihiwa muru ni kooyevihiwa moota wooweera nkingwera woowehani Nyuwo, Mulukwaaka, niwoko sootthekasahu sookuttelela muruwaahu ni nthowanahu noophiya wiirimu.

Yobi 42:6

Tivawo kiniinyoosaaka muneenaaka, kinarukunxa murima vantthupini ni vattuurani.”

Icipo 106:6

Hiyo noottheka ntoko makholowaahu yaatthenkaaya; hiyo noopaka soonanara, nnakhala attiyamaaru.

Icipo 119:41

Ii! Yave osivelawanyu okiphwanye nitho ovuluxawanyu ntoko muroromelinghaanyu;

Icipo 130:7

Ii! aYixrayeli! Munroromele Yave, niwoko mwa Yoowo wookhala osivela woororomeleya ni ovuluxa wookwanela.

Icipo 25:11

Ii! Yave, mulevelele sootthekasaka sirookhalaru sitokotoko, mwaha wa Nsinanaanyu.

Icipo 25:7

Muhuupuwelele soottheka sa enamwanaaka ni iphirosaka soohiiwelela; mukuupuwelele mwa osivelawanyu, niwoko Nyuwo, Yave ti Ooreeraxa.

Icipo 40:12

Vano sookacamiha soohaalikeleya sookirukureera; sootthekasaka sookiphwanya ni nkingwera woona. Seiye sohaattaxa opwaha mayihaaka ni murimaaka wooporora.

Icipo 41:4

Keenre: “Ii! Yave, mukimorele ikharari; mukilamihe niwoko kohootthekelani.”

Okhuma 33:10

Khula emaara muloko woonaaya nrimbu na mahutte nikhuneenleene mulako wa Eheema, ootheene yanneemela, enalapa – khula mutthu vamulako wa eheemaawe.

Yesaya 1:18

Yave oneera: “Ngwe, nuulume mulattu ola. Naari sootthekasanyu siriipaleene phii, nsikhale sootteela ntoko ephepa; naari sixeeraleene zuu, sinootteela ntoko etthabwe.

Yesaya 6:5

Kaakhuwela: “Maayi miyo! Miyo kooriheya! Niwoko kiri mutthu a eyano yoohitteela ni kinkhala variyari wa muloko wa iyano soohitteela, ni vano maithwaaka aamoona Mwene, Yave a ikuru sootheene!”

Yesaya 66:2

Vekhaikhai, Ntatanaka noopaka itthu sootheene iya ni hiiho sookhala,” onghima Yave. Mutthu Miyo kinimuttittimihaaka ti ola: yoole ori oowiiyeviha ni a munepa woosareya omoova Muluku ni onthukumela woowiiwa maswaaka.

Ezekiyeli 16:63

Vano Miyo kaarehereraka wiiraana mwaha wa nyuwo niwoko na sootheene mpankaanyu, nyuwo munimuupuwelela ni munimuulihiheya muru ni khamuhularutho eyano niwoko na oyeviheyawanyu, onghima Yave onlamula sootheene.’”

Daniyeli 9:5

hiyo noottheka ni nookhalano nthowa. Naari atakhali ni anamavaanya; noohiya soolamulasanyu ni ikanosanyu.

Matheyo 10:3

Filipe ni Bartolomeyo; Tomaxi ni Matheyo, namaliviha a musoko; Yakobe, mwaana a Alfeyu, ni Tadaiyo;

Matheyo 6:5

Nyuwo mwaavekelaka, muhikhale ntoko anamwiixeera. Awo antthuna ovekela yeemenleene muSinagogani* ni mapuro oowooneya, weera yooniweke ni atthu. Miyo kinooleelani vekhaikhai weera ahaakhelela ntthuvelonaya nootheene.

Matheyo 9:13

Murowe ni muupuwele etaphulelowaaya ela: ‘Kintthuna ikharari, sihikhanle sooveleela.’ Miyo nkaaweenle owiitthana atthu oororomeleya, mene anamattheka.”

Marku 11:25

Mwaavekelaka, mwakhalano mulattu ni mukina, munlevelele weeratho Atiithi ari wiirimu yooleveleleni sootthekasanyu.

Luuka 17:12

Avolowaka mmuttettheni mmoha, anamakokho muloko yaamwaattamela Yoowo. Yaaheemela ottaiwene vakhaani

Luuka 22:41

Owo aasusa vakhaani, anakokhora, anapacera ovekela eeraka:

Luuka 23:48

Muloko wa atthu wootheene waathukumanne weera woone yookhumelela, woonaka yeeyo, waapacera omana ekakasa ni osusa.

Luuka 5:8

Oonaka yeeyo, Simeyoni Pedru aakokhorela inaawo sa Yeesu anamweerela: “Mususe wa miyo, Apwiya, niwoko miyo namattheka!”

Miteko 2:37

Yiiwakaru yeeyo, awo yaahoopopiheya ni yaamukoha Pedru ni arummwa akina: “Axunna, nneereke hayi?”

aRooma 5:8

Vaheera Muluku onoonihera onisivelawawe moota ola: Kristu aanikhwenle, hiyo naaraahu nlelo anamattheka.

2 aKorinto 7:11

Moone othanana wu ntoko otthuna wa Muluku onruweraaya mwa nyuwo: nthiti heeni, ohaawela heeni okhala oohikhala ni milattu, onyoonyiwa heeni, woova heeni, munkhela heeni, weeteteya heeni, olipiha murima heeni woomuttaruxa yoowo ori ni nthowa! Mwa sootheene nyuwo mohoonihera weera khamunono milattu mwaha wa yeeyo.

1 Timootheyo 1:15

Masu ala ti oororomeleya ni oophwanela waakhuleliwa nnenesene: Kristu Yeesu aarweenle elapo ya vathi waavuluxa anamattheka, ni a yaawo miyo kiri ootepaxa.

aHeberi 4:16

Okhalaka hiiho, nikhuveeleke ehice ya mahala ni murima woolipa weera naakhele ikharari, ni weera niphwanye mahala annikhavihera ehuhu ya ohaawela.

aHeberi 8:12

Vano, Miyo nkaalevelele sootakhala, ni nkirwa kuupuwelelatho sootthekasaya.”