Luuka 16:8 - Emakhuwa Bible

⁸ Apwiya yaamuulumela nnene mwaha wa namawehaweha oolokottha niwoko na mirukusawe sa mweelaponi. Vano, anamwane a elapo ya vathi ammweetta nakoso mukina ni mukhwaawe ekhalanaka miruku sooratta waapwaha anamwane a waara.

Luuka 16:8 Iomraidhean Croise

Epacerero 3:1

Vano enowa yaari ni miruku soolokottha opwaha inama sootheene sa ntuphini Yave Muluku aapankaawe. Enowa yaamukoha muthiyana: “Ti yeeyo Muluku eenraawe: ‘Muhice naari yoowiima emoha ya nyiri sa ematta’?”

2 Samuweli 13:3

Vano Amenoni aakhalano nthamwene mmoha iitthaniwa Yonadabi, mwaana mulopwana a Ximeya, munneiye Davide. Yonadabi ole aari oocendyera.

2 Mamwene 10:19

Vano ngwiitthane maprofeeti ootheene a Bahali* vamoha ni arumeiyaawe ni asaserdotaawe ootheene. Ahikhaleru anaacombe, niwoko kinoompakela Bahali* yooveleela etokotoko. Yoole anaacombe, onimwiiviwa.” Wa soothesene, nne naari ntapha na Yehu weera aamalamalihe anamarumeela ootheene a Bahali*.

Icipo 17:14

Ii! Yave! Mukivuluxe mwa atthu ale; atthu a elapo ya vathi, mwa yaawosa nttuvelonaya nri mookumini ola. Nyuwo munaavoniha oosiveleyaanyu. Anamwanaaya asilopwana aavonaxa, yaahiyeraka anamwanaaya singhalahala.

Okhuma 1:10

Nrowe naavaanelele weera ehaandyeereranase ni, yakhala enkhumelela ekhotto, ehiiraane ni amwiittanahu ewanaka ni hiyo ni weera ehipwahe mweelaponimu.

Masu a Miruku 12:8

Mutthu onttittimihiwa ottharihiwaka mmirukunimwawe, vaheera yoowo ori a murima woonanara onoonyoosiwa.

Matheyo 12:32

Ootheene yaale ammuulumela masu oonanara Mwaana a mutthu eniileveleliwe, eneeratho yuulumele masu oonanara Munepa Wootteela kheerwa eleveleliwa, hata vaanaano vaava, naari muhoolo.

Matheyo 17:26

“Wa akina,” aamwaakhula Pedru. Yeesu aamweerela: “Vano, anamwane ari maneethi.

Luuka 16:10

Yoole ori oororomeleya ni vakhaani ori oororomeleyatho ni vancipale. Yoole ori oolokottha ni vakhaani, ori oolokotthatho ni vancipale.

Luuka 16:4

Koosuwela kineeraaka kipake weera kaakhumaka muteko va, atthu ekaakhele mmawannyaya.’

Luuka 16:7

Vahoolowaya aamukoha anaaveeli: ‘Ni weyo, okompe hai?’ Owo aamwaakhula: ‘Ilata ncira sa etrigu.’ Owo aamweerela: ‘Okuxe epaphelo ya yookopelaawo ni olepe miloko mithannamiraru.’

Luuka 18:6

Apwiya yaapwaherera: “Mwiiwe yeeyo mphuki oonanara oneeraawe.

Luuka 20:34

Yeesu aawaakhula: “Anamwane a ehuhuweene yeela annathela ni annatheliwa.

Luuka 20:35

Vano yaawo anooniwa ophwanela okhala mpatta wa ehuhu eneera ewe ni wa ovenyerera wa akhwiiye, kheerwa ethela, naari etheliwa.

Yohaane 12:36

Muroromele mwa waara nlelo mureeneno weera muthatuwe anamwane a waara.” Amalihaka wuuluma, Yeesu aavenya ni aawiipitha yaawo.

1 aKorinto 3:18

Muhiilokotthe. Mmoha a nyuwo uupuwela weera ti oosuwela ophimiwa ni ekhalelo ya ehuhu ela, ontthuneya wiitatuxa nsikini weera atatuxiwe musuweli,

awEfeso 5:8

Vano, khalayeene mwaari epiphi, mene vano muri waara mwa Apwiya. Mweetteke ntoko anamwane a waara,

aFilipi 3:19

Mwaha wa yaawo, ommaleloniwaya ti oriheya; mulukwaaya ti nipwiipwi, ni ovuwawaya ori mwa yeeyo eri yoowuuliha muru; awo anuupuwela paahi itthu sa elapo ya vathi.

1 aTesalonika 5:5

Nyuwo ootheene muri anamwane a waara; anamwane a othana. Khanihiyono a ohiyu, naari a epiphi.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.

1 Yohaane 3:10

Mooteene yoowo nohaasuwela taani anamwane a Muluku ni taani anamwane a Diyabu*: yoole ohimpaka ekhaikhai nitho ohinimusivela munneiye, khawiiye wa Muluku.