Luuka 14:13 - Emakhuwa Bible

¹³ Mwaarehereraka yooca ya efesta, mwaalattule oohaawa, oorakala, ootuthunya ni oohoona.

Luuka 14:13 Iomraidhean Croise

2 Samuweli 6:19

Vano aamvaha khula mutthu a aYixrayeli ootheene – asilopwana ni asithiyana – epaawu emoha, eboolu emoha ya itaamara*, ni eboolu emoha ya iwuuva* soowaarikiwa. Vahoolowaya atthu ootheene yaattimula, khula mutthu arowaka owannyawe.

2 Nyaha 30:24

Hezekiya mwene a oYuda, aavaha muthukumano aximombe macira muloko, ikhondoolo ni anapunci a ipuri macira miloko mathannameeli, ni ahooleli yaavaha muthukumano aximombe macira muloko ni ikhondoolo vamoha ni anapunci a ipuri macira macireene muloko. Asaserdoti* ancipale yaahiitteelihasa.

Nehemiya 8:10

Nehemiya aaweerela: “Mpwahaseke, mwaceeke ni mwawure sooreerela muraanyuno. Mwaameeleke yaawo ahireherenre etthu. Nihuku nna nitteeliheriwe Yave. Muhithanane niwoko ohakalala wa Yave ti ikurusanyu.”

Nehemiya 8:12

Atthu ootheene yaattimula weera yace ni yawure, yaameelaka yaawo yahaareherenre etthu. Yaapaka efesta ehakalalaxaka, niwoko vano yaahiiwexexa masu yaathaliheriwaaya.

Yobi 29:13

Yoowo aahanle vakhaani okhwa aakireeliha, ni miyo kaahakalaliha murima wa naamukhweli.

Masu a Miruku 14:31

Yoowo onimuhooxa oohaawa onimunyoosa Mpattuxaawe vaheera yoowo onimpakela onnene oothoiwa onimuttittimiha Muluku.

Masu a Miruku 22:9

Yoowo ori ookwanela onooreelihiwa niwoko onimmeela yoocaawe oohaawa.

Yesaya 58:10

nyuwosa mwaavaha yooca oovoliwa, mweerera waahakalaliha oohaawa, vano waarawanyu onoomwaleela mpiphini ni ohiyuwaanyu onoothatuwa ntoko othana.

Yesaya 58:7

Otthuka wa ekhaikhai ti omukawela soocasanyu oovoliwa etala ni omvaha oohaawa nipuro noowiitthuuwa, aani waawariha oothaaleliwa mwaaphwannyaanyu ni ohimurera ettuli munninyu.

Matheyo 15:30

Atthu ancipale yaamwaattamela Yoowo, yaakuxaka atthu oorakala, oovulala, oohoona, oohuuluma ni ancipale akina, ni yaahaakilaathiha wa nyettoniwawe. Vano Owo aahaalamiha.

Matheyo 22:10

Arumeiyi yaarowa mmiseweni ni yaahaathukumanya ootheene yaawenraaya waaphwanya – ooreera ni oonanara murima. Nipuro na efesta ya othelana naasareya ni oolattuliwa.

Luuka 11:41

Mwaavahetho yeeyo eri mpuwa wa esasaani oohaawa,ni mmoone weera sootheene moorapiheliwa.

Luuka 14:12

Vano Yeesu aamweerela yoowo aamulattunle: “Nyuwo mwaarehereraka efesta, hoye hoye yooca ya oxekuwa, muhaalattule asinthamwenaanyu, axunninyu, hoye hoye asinaangolo, hata asikhwiinyu anamapuha. Mwaalattula, awotho emaaraaya anoowera woolattulani, ni hiiho mmwitthuveliwe.

Luuka 14:14

Nyuwo mmwikhale ooreelihiwa, niwoko awo khaanono moota woowootthuvelani. Ntthuvelonanyu nniwe moovenyererani wa oowaakhuleliwa ni Muluku.”

Luuka 14:21

Murumeiyi aahokolowa ni aahaaleela apwiyaawe. Vano mwaneene a empa aanyoonyiwa ni aamulamulela murumeiyaawe eeraka: ‘Orowe woowaakuveya mmiseweni ni mmiseweni sikhaaneene, ni waaruuhe wenno oohaawa, oorakala, oohoona ni ootuthunya.’

Miteko 9:39

Pedru aahaahoolela ni aphiyakaru, aaronghiwa mukwartuni mwa empa ya musulu. Asinaamukhweli ootheene yaamurukureera, yiinlaka ni emooniheraka soowara ni ikuwo sikina Dorka aapankaawe nlelo areene vamoha ni yaawo.

Deuteronomiyo 14:29

Hiiho aLeevi ahikhalanne nipuro hoye hoye yoohiyeriwaaya ni anamarwa, akwaasuni ni asinaamukhweli ankhala mmasidadenimwanyu eceeke mpaka ovona ni Yave Mulukwaanyu onimooreelihani mmitekoni mumvaraanyu.

Deuteronomiyo 16:11

Vanonto muhakalale vamaithoni wa Yave Mulukwaanyu vanipuroni Owo aneeraawe athanle ntoko woomakawo Nsinanawe – nyuwosa, anamwaniinyu, arumeiyaanyu asilopwana ni asithiyana, aLeevi ankhala mmasidadenimwanyu, anamarwa, akwaasuni ni asinaamukhweli ankhala variyariwanyu.

Deuteronomiyo 16:14

Muhakalale mufestanimwanyu – nyuwosa, anamwaniinyu, arumeiyaanyu asilopwana ni asithiyana, aLeevi ankhala mmasidadenimwanyu, anamarwa, akwaasuni ni asinaamukhweli ankhala variyariwanyu.

1 Timootheyo 3:2

Ontthuneyatho weera mutokweene onkosoopa* akhale oohikhalano nthowa, mulopwana a mwaara mmoha, oowehaweha, oowiisumaaliha, oottittimiheya, oowaakhela aletto, ni oowera oxuttiha;

1 Timootheyo 5:10

oosuweliwa nnenesene niwoko na mitekosawe sooreera; miteko ntoko waahuwa anamwane, owaakhela matata meeli aletto, orapiha inaawo sa ootteela, waakhavihera yaawo ari mmahooxoni, ni iilevaka opaka miteko sooreera sootheene.

Titu 1:8

Akhale oowaakhela aletto, ootthuna yooreera, a miruku, a ekhaihai, ootteelihiwa, oowiisuumaaliha,

Filemone 1:7

Osivelawanyu wookihakalaliha vancipale ni wookipepesa, niwoko nyuwo, munnaka, moolipihera mirima sa atthu ootteela.

aHeberi 13:2

Muhittiwale oletto, niwoko epakaka yeeyo, akina yaawaakhela andyelo ehisuwelaka.