Luuka 11:40 - Emakhuwa Bible

⁴⁰ Alolo! Yoowo opanke omokoni, khapanketho mpuwa?

Luuka 11:40 Iomraidhean Croise

Epacerero 1:26

Vano Muluku aahiixeerela: “Nimpattuxeke mulopwana niilikanxaka moota wooweera akhalaneke ekhalelowaahu. Alamuleke ihopa sootheene siri mphareiyani; ipalame sootheene sa wiirimu; inama soohuwiwa sootheene ni seiye sootheene siniipurula.”

Epacerero 2:7

Vano Yave Muluku aamoopa mulopwana avarelaka muteko ntthupi na etthaya ni aamwiiseelela mphulanimwawe ngwiya wa okumi ni mulopwana aathatuwa okhala ni okumi.

Icipo 14:1

Mulolo oneera mmurimanimwawe: “Khawowo Muluku.” Ootheene anghapuwa epakaka soonanara; khawoworu ompaka yooreera.

Icipo 33:15

Ti Yoowo opanke mirima sa atthu ni onsuwela sootheene atthu ampakaaya.

Masu a Miruku 1:22

“Nyuwosa muhisuwenle opaka yooreera, mpaka yaakhani muneeraanyu mpwaherere ni ohisuwelawanyu? Nyuwosa anamatthebwa, mpaka yaakhani muneeraanyu muhakalalele otthebwawanyu? Ni nyuwosa alolo, mpaka yaakhani muneeraanyu muhoonele esuwelo?

Masu a Miruku 8:5

Nyuwosa oohisuwela, mphwanye miruku; ni nyuwosa alolo, mukhaleno muupuwelo wooreera.

Yeremiya 5:21

Mwiiwe yeeyo muloko wa ololo ni woohimiruku orino maitho, ohoonaka ni maaru, ohiiwaka:

Zakariya 12:1

Ala ti masu a Yave mwaha wa aYixrayeli. Yave onkunga erimu, ompaceriha mathipelo a elapo ya vathi ni opattunxe munepa wa mutthu mpuwamwawe, vano Owo onghima:

Nuumeru 16:22

Vaheera Moisesi ni Aharoni yaahuuramihelasa ekhove vathi, enamwaakhula: “Ii Muluku, Muluku onaavaha okumi ootheene, munoonyoonyeriwa muloko wootheene atthenkeene mutthu mmoha paahi?”

Matheyo 23:17

Atthu oohoona ni alolo! Ti heeni yootthuneyaxa? Eyuuma yooreeraxa, hoye hoye Empa ya Muluku entteeliha eyuuma eyo?

Matheyo 23:26

aFarisi* oohoona! Murapihe toko mpuwa mwa ekoomixi ni esasaani, weera omokoni orapiheiyetho.

Luuka 12:20

Wa sootheene, Muluku aamweerela: ‘Mulolo! Ohiyuweene yoola munimookhwa. Vano, anaahalane taani ni yeeyo mureherenraanyu?’

Luuka 24:25

Owo aaweerela: “Nyuwo onnoohaleelani wiiwexexa ni munnalekela ororomela sootheene seiyo yaalokolenlaaya maprofeeti.

1 aKorinto 15:36

Mulolo! Yeeyo nyuwo munaalaanyu kheemmela, ohikhanle weera yaahookhwa toko.

aHeberi 12:9

Ohiya toko yeeyo, naakhalano asitithihu a vathi yaanilaka, ni hiyo nannaattittimiha. Wootepaxa ontthuneya weera hiyo niwiiwelele Atiithi a minepasahu, weera hiiho nikhale ni okumi.