Luuka 11:4 - Emakhuwa Bible

⁴ Munilevelele sootthekasahu, niwoko hiyo nnaalevelela yaawo annitthekela. Muhinihiye neereriwaka.’”

Luuka 11:4 Iomraidhean Croise

Epacerero 48:16

Aani, ti Mulukweene Yoowo aari ndyelo okivulunxe wa soonanara sootheene. Ekhale oowiitthaniwa mwa nsinanaka ni masina a atithaka Abrahamu ni Isaki nitho ekhalaneke ekhapira etokotoko mweelaponimu.”

1 Mamwene 8:34

vano mwiiwe wiirimu ni mulevelele soottheka sa mulokwaanyu aYixrayeli ni muhokoloxere elapo mwaavanghaanyu makholowaaya.

1 Mamwene 8:36

vano mwiiwe wiirimu ni mulevelele soottheka sa arumeiyaanyu aYixrayeli, mulokwaanyu. Muxuttihe ephiro ya ekhaikhai, murumihele epula elapwaanyu ela mvanghaanyu mulokwaanyu ntoko yoohiyeriwa.

Icipo 121:7

Yave onimoothokororani mwa soonanara sootheene; Owo onookosoopa okumaahu.

Icipo 25:11

Ii! Yave, mulevelele sootthekasaka sirookhalaru sitokotoko, mwaha wa Nsinanaanyu.

Icipo 25:18

Ngwehe soohooxasaka ni othananawaka ni mulevelele sootthekasaka sootheene.

Daniyeli 9:19

Ii! Yave, mwiiwe! Ii! Yave, mulevelele! Ii! Yave, mwiiwe ni mpake. Ii! Mulukwaaka, moosivelanimwanyu muhipise, niwoko esidadaanyu ni mulokwaanyu onkuxa Nsinananyu.”

Hoxeya 14:2

Oreherere yoohima ni ohokoleele wa Yave. Mumvekele ha: “Mulevelele sootthekasahu sootheene ni mukhararinimwanyu munaakhulele weera noovaheeni sootthapela sa iyanosahu ntoko imombe simveleeliwa.

Matheyo 18:35

Hiihotho animoopakani Atithaka ari wiirimu nyuwo ootheene mwaahimulevelela munninyu ni murima wootheene.”

Matheyo 26:41

Mulipelele ni muvekele weera muhivariwe ni yooweereriwa. Munepa ti woolikana, mene erutthu ti yoohilipa.”

Luuka 11:5

Vano aaweerela: “Noone ha weera mmoha a nyuwo akhalanneene nthamwene, ni onoorowa empaawe ohiyu eriyari amweerelaka: ‘Nthamwenaaka, mukoolihe ipaawu tthaaru,

Luuka 13:4

Munuupuwelatho weera atthu muloko ni athannaararu akhwiiye ehuhuweene yeele yaamorenle wa yaawo etoore* ya Silowami yaari ni milattu waapwaha ootheene akina a oYerusaleemu?

Luuka 22:46

Owo aahaakoha: “Heeni munkonaanyu? Mvenye ni muvekele weera muheereriwe.”

Luuka 8:13

Mmiso waamorenle vamalukuni ti yaawo yiiwaka masu anaakhelela ni ohakalala, mene khaanono mikwankhwaari. Anroromela ehuhu ya vakhaani, mene yaaphiyaka ehuhu yooweereriwa, anoohiya.

Yohaane 17:15

Nkindyoonttelela weera mwaavenxe mweelaponi ya vathi, mene weera ngwaakihe wa namatakhala.

1 aKorinto 10:13

Khamweereriwe nyuwo ohikhanle ni sooweereriwa sa omutthu. Muluku ti oororomeleya. Owo khantthunihera weera nyuwo mweereriwe opwaha yeeyo mungweraanyu ovilela. Vano, mweereriwa, Owo onimoovahani moota woowoopowa, weera muwere ovilela yooweereriwa.

aKolosi 3:13

Muvilelaneke mukina ni mukhwaawe ni mulevelele milattu araayano akina ni akhwaaya. Mulevelele ntoko Apwiya yoolevelenlaayani.

2 aTesalonika 3:3

Apwiyatho ti oororomeleya. Awo anoolipiherani ni anoothokororani mwa namatakhala.

2 Timootheyo 4:18

Apwiya eniikivuluxe mwa muteko woonanara wootheene, ni eniikironghe oovuluxiweene moomwenenimwaya wa wiirimu. Wa Yaawo okhale ovuwa mahuku ootheene oohimala. Ame*.

Yakobe 2:13

niwoko yoowo ohimmorela ikharari anaathorihiwe woohimoreliwa ikharari. Ikharari singwina othoriha!

Ethupululo 2:10

Muhoove wa itthu muneeraanyu muhaawe. Miyo kinooleelani: Diyabu* anaavonyere akina a nyuwo mukaliposo weera aweerereni, ni nyuwo mmwihaawe osoondiwa woomalaka mahuku muloko. Mukhale oororomeleya mpaka okhwa ni Miyo nkoovaheeni ecireemba ya okumi.

Ethupululo 3:10

Woonaka weera nyuwo moothokorora maswaaka aneera muvilele, Miyotho nkoothokororeni wa ehuhu yooweereriwa yeeyo ehanle vakhaani ophiyera elapo ya vathi yootheene, weera eweerere yaawo ankhala vathi.