Luuka 11:34 - Emakhuwa Bible

³⁴ Maitho ari waara wa erutthu. Maithwaanyu yaakhalaka ooreera, erutthwaanyutho eniisareiye waara. Maithwaanyutho yaakhalaka oonanara, erutthwaanyutho eniisareiye epiphi.

Luuka 11:34 Iomraidhean Croise

Epacerero 19:11

Vahoolowaya atthu yaari vamulako yaakhalihiwa evaasi, okhuma asimiravo mpaka asitokweene, moota wooweera yaahooceela woona mulako.

Icipo 119:18

Muhuleke maithwaaka weera koone sootikhiniha sa malamulowaanyu.

Icipo 81:12

Tivawo kiinnyerenraaka mirimasaya soowuuma weera etthare soovaanelasaya.

Masu a Miruku 21:4

Okumi wa yoottheka ya atakhali onooneya mmaweheroni moota woowiixoona ni mmurimani woowiikuxa.

Masu a Miruku 28:22

Namilili onaakuvela mihakhu, ni khansuwela weera ohaawa onoongweherera.

Yesaya 29:10

Yave ohootannyerani okonaxa; Owo oophuta maitho a maprofeeti; Owo ookuttelela nyuru sa anamoonihera*

Yesaya 42:19

Oohoona taani ahikhanle murumeiyaaka ni oohiiwa ntoko namutthenga kimurumihalaaka? Oohoona taani ntoko yoole kitteeliheriwaaka, oohoona ntoko murumeiyi a Yave?

Yesaya 44:18

Awosa khaansuwela etthu, khaaniiwexexa etthu; maithowaaya aakhuneeleya weera ehoone ni soowuupuwelasaya soowaleya weera ehiiwexexe.

Yesaya 5:20

Ii! Anoohaawa yaale aneerela yoonanara yooreera ni yooreera yoonanara, yaale aneerela epiphi waara ni waara epiphi, yoowaawa yoocoocowa ni yoocoocowa yoowaawa.

Yesaya 6:10

Muumihe mirima sa muloko owo; mwaattiyanihe maaruwaaya ni mwaawale maithwaaya. Mwaahipaka yeeyo, owo onimoona ni maithowaaya, onimwiiwa ni maaruwaaya ni onimwiiwexexa ni mirimasaya, ni vano onoorukunuwa ni onoolamihiwa.”

Yeremiya 5:21

Mwiiwe yeeyo muloko wa ololo ni woohimiruku orino maitho, ohoonaka ni maaru, ohiiwaka:

Marku 4:12

weera: ‘hata yoonaka, khaanoonexexa, ni yiiwaka, khaaniiwexexa, weera ehirukunxe murima ni ehileveleliwe.’

Marku 7:22

wiinlela mihakhu, soonanara murima, soolokottha, soohiisuumaaliha, nrima, waapa, wiixoona ni ololo.

Marku 8:18

Nyuwo mookhalano maitho, vano khamunoona? Mookhalano maaru, vano khamuniiwa? Khamunuupuwelela?

Luuka 11:35

Tivawo, mwiipasoope weera waara ori mpuwamwanyu ohikhale epiphi.

Miteko 13:11

Musuwele vano weera Apwiya ti mwiittanaanyu, ni nyuwo mmwikhale oohoona, muhiweraka woona waara wa nsuwa wa ehuhu ekina.” Woowaakuveya yaamukhuruwela ewiriphi, ni owo, aapapelaka, aamwaasa mukina weera amuhoole ni ntata.

Miteko 2:46

Mahuku ootheene yannapwaherera othukumana Mpaani mwa Muluku. Yannakawana sooca mmawannyaya ni yannaca vamoha ni ohakalala ni murima wootheene,

Miteko 26:18

weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

2 aKorinto 11:3

Yeeyo miyo kinoovaaka ti ela: ntoko enowa yaamulokontthaaya Eva ni mirukusaya soonanara, nkintthuna weera soowuupuwelasanyu sihapuxiwe mwa nthitinanyu wa Kristu na ekhaikhai ni nootteela.

2 aKorinto 4:4

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

awEfeso 1:17

Kimvekela weera Muluku a Apwiyaahu Yeesu Kristu, Atiithi oovuwaxa, yoovaheeni munepa wa miruku ni wa eyoonihero weera munsuwele nnenesene.

awEfeso 6:5

Ipottha, ngwiiweleleke asineene a nyuwo a vathi ni nttittimiho, woova, ni murima wootheene, ntoko wa Kristu.

aKolosi 3:22

Ipottha, ngwiiweleleke asineene a vathi mwa sootheene, khoohiyono paahi weera mwaasivelihe, naari awo yoowehexexakani, mene ni murima wa ekhaikhai ngwoovaka Apwiya.