Luuka 11:18 - Emakhuwa Bible

¹⁸ Satana iikawanyiha muneenaawe, moota heeni omwenaawe oneeraaya okhale? Miyo kinghima yeeyo niwoko mweenraanyu weera Miyo kinoomola minepa soonanara ni ekhavihero ya Beelzebuli.

Luuka 11:18 Iomraidhean Croise

Matheyo 10:25

Oohusera ori ntoko muhusihaawe paahi, ni murumeiyi ntoko yoowo onimurumeelaawe. Mwaneene vaate iitthaniwa Beelzebuli, wootepaxa atthu a emusaawe!

Matheyo 12:26

Satana amoomola Satana, ori ookawanyeiya muneenaaweru. Vano, onuupwaherere hai omwenaawe?

Matheyo 4:10

Yeesu aamwaakhula: “Osuse Satana! Niwoko yoolempwa: ‘Mwaalapeke Apwiya Mulukwaanyu, ni mwaarumeeleke Yaawo paahi.’”

Matheyo 4:24

Saahuulummwa sa Yoowo ni elapo yootheene ya oSiriya. Yannangwiihera atthu ootheene yaahaawa ni iretta sincipale soonanara. Akina yaarino minepa soonanara; akina yaarino ecilecile, ni akinatho yaari ooheetta. Vano Yeesu aahaalamiha ootheene.

Luuka 11:15

Akinatho a yaawo yaaheera: “Owo ongwera woomola minepa soonanara ni ekhavihero ya Beelzebuli, mwaneene a minepa soonanara.”