Luuka 10:42 - Emakhuwa Bible

⁴² Vanonto, entthuneya etthu emoha paahi. Mariya oothanla mpatta wooreera, ni owo khoowa ovenxiwa wa yoowo.”

Luuka 10:42 Iomraidhean Croise

Icipo 119:111

Ikanosanyu ti yoohiyeriwaaka ya mahuku ootheene; ti ohakalala wa murimaaka.

Icipo 119:173

Ntatananyu nirwe nikikhavihere, niwoko koothanla ikanosanyu.

Icipo 119:30

Koothanla ephiro ya ekhaikhai; koolakela otthara ikanosanyu.

Icipo 142:5

Miyo kinookhuwelelani Nyuwo Yave, keeraka: “Nyuwo ti Wootthawelawaka; mweelaponi ya akumi kinoororomelani Nyuwo paahi.”

Icipo 17:15

Wa miyo – keenre kiroromeleya, kinimoona ekhovaanyu. Miyo kaavenyaka, kinoohakalala niwoko kohoona ekhalelowaanyu.

Icipo 27:4

Koomvekela Yave etthu emoha ni ti yeela kinaasaaka: kintthuna okhala Mpaani mwa Yave mahuku ootheene a okumaaka weera koone oreera wa Yave ni kamwaase Mpaanimwawe.

Icipo 73:25

Khawowo mukina kiraakano wiirimu muhikhanle Nyuwo. Mweelaponi kheewoworu kinghaawelaaka ohikhanle okhala ni Nyuwo.

Namalaleiya 12:13

Vano, seenre siiwiwa sootheene, emaliherowaaka ti ela: Mmoove Muluku ni mwiiwelele malamulowaawe, niwoko eyo ti yootthuneyaxa wa mutthu.

Marku 8:36

yooreera heeni mutthu owina elapo yootheene, ayeleelakatho okumaawe?

Luuka 10:39

Mariya, munneiye Marta, aakilaathi vanaawoni sa Apwiya iiwaka masu a Yeesu.

Luuka 11:1

Nihuku nimoha Yeesu eera avekelaka vanipuroni nimoha. Amalihaka, mmoha a oohuseraawe aamweerela: “Apwiya, munixuttihe ovekela ntoko Yohaane aaxuttinghaawe oohuseraawe.”

Luuka 12:20

Wa sootheene, Muluku aamweerela: ‘Mulolo! Ohiyuweene yoola munimookhwa. Vano, anaahalane taani ni yeeyo mureherenraanyu?’

Luuka 12:33

Muthumihe murinaanyu ni mvahe samahala. Mwiipakele mahottha ahinrowa othaala yaaviraka ehuhu, aani muhakhu woohimala wiirimu, weiwo khaawo namwiiya onkhuveela, hata tthumpwiha ohintthumpwihaawemo.

Luuka 16:2

Vano namapuha aamwiitthana ni aamukoha: ‘Yeeyo kiniiwaaka mwaha wa weyo ekhaikhai? Okithalihere mukhalelo wa owehawehawawo, niwoko khoongwera opwaherera okhala namawehaweha.’

Luuka 16:25

Abrahaamutho aamwaakhula: ‘Mwaana, muupuwelele weera mookuminimwanyu, nyuwo mwaahaakhela itthu sooreera, Lazarutho itthu soonanara. Wa soothesene, owo ori vaanaano oopepesiwa, ni nyuwo muri moohaawani.

Luuka 18:22

Iiwaka yeeyo, Yeesu aamweerela: “Yohoohaleelani etthu emoha. Mwathumihe sootheene murinaanyu ni mwaavahe musurukhu oohaawa, ni mmwikhaleno muhakhu wiirimu. Vahoolowaya, ngwe ni mukitthare.”

Luuka 8:18

Tivawo, muupuwele nnenesene moota woowiiwa nyuwo. Owo orino, onoovahiwatho. Vaheera owo ohikhalanne, mpaka yeeyo onuupuwelaawe weera ookhalano, onimwaakhiwa.”

Yohaane 11:1

Vano, mulopwana mmoha iitthaniwa Lazaru aamvoreiwa. Aakhala oBetaniya, muttetthe wa Mariya ni munneiye Marta.

Yohaane 11:19

ni aYuda ancipale yaarowa omuxekura Marta ni Mariya weera yaapepese niwoko na oriheya wa murokoraya.

Yohaane 12:3

Vano Mariya aakuxa mukoomba woosareya makhura ooreera a enardu* yaari makhura oorikaxa. Aattikitthela inaawo sa Yeesu ni aamuukuttha ni mayihaawe. Ni empa yaasareya ni wunkhela wa makhura ale.

Yohaane 17:3

Okumi woohimala ti ola: weera awo yoosuweleni Nyuwo, Muluku mmoharu a ekhaikhai, ni emusuwele Yeesu Kristu mwaamurumihalaanyu.

Yohaane 4:14

Vaheera yoole ongwura maahi Miyo kinimvahaaka, kharwaru avoliwa ntthona. Ohiyanawaya, maahi kineeraaka kimvahe, eniithatuwe naattuuttu akhumiheraka maahi a okumi woohimala.”

Yohaane 5:24

Miyo kinoororomelihani: Yoowo oniiwa maswaaka ni anaaroromela Yaawo aakirumihale, ookhalano okumi woohimala ni kharwa athorihiwa, mene oolapuwa mookhwaani aphiyaka mpaka mookumini.

Yohaane 6:27

Muhivarele muteko yooca emmala, mene yooca enkhala mpaka mookumini woohimala, mwa yeeyo Mwaana a mutthu anoovaheeni. Muluku Atiithi aamvaha Yoowo eneneero ya waakhuleleya.”

1 aKorinto 13:3

Hata miyo kivahaka sootheene kiraakano, ni kinnyereraka erutthwaaka weera ehisiwe, mene kaahikhalano osivela, sootheene seiyo nsikhale sa siiyo.

aGalata 5:6

Vano, mwa Kristu hata wiineliwa, hata ohiineliwa wookhala mureerelo, mene aani nroromelo nniixoonihera moosivelani.

Deuteronomiyo 30:19

Wiirimu ni vathi ti anamoonaaka olelo weera koowooniherani okumi ni okhwa; mareeliho ni malapho. Vano muthanle okumi weera nyuwosa ni anamwaniinyu mukhaleke ni okumi,

Yoxuwa 24:15

Wa soothesene, waahoosivelakani omurumeela Yave, vano munthanleke olelo taani muneeraanyu munrumeele – saari miluku yaarumeelaaya makholowaanyu okhopela wEfrates hoye hoye miluku sa awAmori a elapweene yeela munkhalaanyumo. Vaheera miyo ni emusaaka nnimurumeela Yave.”

Yoxuwa 24:22

Vano Yoxuwa aaweerela: “Nyuwosa muniikhalela onamoona muroothanlaru omurumeela Yave.” Awosa yaaheera: “Aani, nri anamoona.”