Luuka 10:28 - Emakhuwa Bible

²⁸ Yeesu aamwaakhula: “Mohaakhula nnene. Mpake yeeyo, ni munookhala ni okumi.”

Luuka 10:28 Iomraidhean Croise

Nehemiya 9:29

Nyuwo mwaawooperera weera ehokoleele Nlamulonanyu, mene awosa yaahiixoona ehiiwelelaka malamulowaanyu. Yaatthekela ikanosanyu, mwa seiyo sintthuneya wiiwelela weera ekhale ni okumi. Ni murima woowuuma yaahoorerani ettuli, ekhalaka attiyamaaru, ehitthunaka owiiwani.

Masu a Miruku 19:16

Yoowo oniiwelela malamulo onuurela okumaawe, vaheera yoowo ohinoonelamo iphirosawe onimookhwa.

Ezekiyeli 20:11

Miyo kaahaavaha ikanosaka kinaasuweliha malamulowaaka, niwoko yoowo aniiwelele yaawo, onookhala ni okumi mwa yaawo.

Ezekiyeli 20:13

Orookhalaru weera yoowo aniiwelele malamulo awo anaakhale ni okumi, aYixrayeli yaakivaanya munikareni. Khayeettenle ikanosaka, mene yaakhootta malamulowaaka, ehiirihaka iSaabadusaka. Tivawo keenraaka weera kaamwaayeehera isarasaka kaaphwateleke munikareni.

Ezekiyeli 20:21

Orookhalaru weera yoowo aniiwelele malamulo awo anaakhale ni okumi, anamwanaaya yaakivaanya. Khayeettenle ikanosaka, khayiipasoompe woowiiwelela malamulowaaka, ni aahiiriha iSaabadusaka. Tivawo keenraaka weera kaamwaayeehera isarasaka ni kamwaanyoonyeriwa munikareni.

Levitiku 18:5

Mutthareke ikanosaka ni malamulowaaka. Vano yoowo aneera iiwelele onookhalela yaawo. Miyo ti Yave.

Matheyo 19:17

Yeesu aamwaakhula: “Heeni munkikohaanyu ya yooreera? Ori mmoha paahi ooreera. Mwatthuna ovolowa mookumini woohimala, mwiiwelele malamulo.”

Marku 12:34

Uupuwelaka weera owo aahaakhula ni miruku, Yeesu aamweerela: “Khamukhanle ottai wa omwene wa wiirimu.” Evenyero vaavaale mpaka muhoolo, khaawo yeerenre omukohatho.

Luuka 7:43

Simeyoni aamwaakhula: “Kinuupuwela weera ti yoole oleveleliwe idinaariyu* macira mathanu.” Yeesu aaheera: “Ti hiiho paahi.”

aRooma 10:4

Moone, Kristu ti ommaleloni wa nlamulo, akwaniheraka waakhuleliwa ni Muluku wa ootheene anroromela.

aRooma 3:19

Noosuwela weera sootheene nlamulo ninghimaaya, ninaaleela yaale alamuliwe ni nne, weera iyano sootheene simaale, ni elapo ya vathi yootheene ekhale yoothorihiwa ni Muluku.

aRooma 7:10

Kohoonelela weera nlamulo nenne, nivaheriwe oruwera okumi, vekhaikhai nooruwera okhwa.

aGalata 3:12

Malamulo khaankhuma wa nroromelo, ohiyanawaya, “Yoowo ompaka itthu iya, onkhala niwoko na seiyo.”

Deuteronomiyo 6:24

Yave aanilamula wiiwelela ikano sootheene iya ni omoova Yave Mulukwaahu weera nireereliwe mahuku ootheene wuureliwaka okumaahu, ntoko nraahu olelo.