Luuka 10:27 - Emakhuwa Bible

²⁷ Owo aamwaakhula: “Mwaasivele Apwiya Mulukwaanyu ni murimaanyu wootheene, okumaanyu wootheene, ikurusanyu sootheene ni muupuwelowaanyu wootheene,” nitho “munsivele mukhwiinyu ntoko muniisivelaanyu muneenaanyu.”

Luuka 10:27 Iomraidhean Croise

Levitiku 19:18

Muhaasaase wiinlela ikukuttula naari muhimunyoonyeriwe mukina a mulokwaanyu, vaheera munsivele mukhwiinyu ntoko muniisivelaanyu. Miyo ti Yave.

Matheyo 19:19

mwaattittimihe atithinyu ni amayinyu,” ni “munsivele mukhwiinyu ntoko muniisivelaanyu.”

Luuka 10:26

Yeesu aamwaakhula: “Eheeni elempwale munlamuloni? Munsoma hai?”

aRooma 13:9

Vano, malamulo ala: “muhiraruwe, muhiive, muhiiye, muhiinlele itthu sa mukhwiinyu” ni malamulo ootheene makina, athukumanyiwe munlamuloni mu: “mmusivele mukhwiinyu ntoko muniisivelaanyu mwaneenaanyu.”

aGalata 5:13

Axunna, nyuwo mwiitthaneliwe weera mukhale maneethi. Oneetheene yoowo ohikhale nthowa na otthara otthuna wa erutthu. Ohiyanawaya, murumeelaneke mukina ni mukhwaawe moosivelani.

Deuteronomiyo 10:12

Vanonto, aYixrayeli, otthuna wa Yave Mulukwaanyu ti weera mmoove Yave Mulukwaanyu, mweette mphironimwawe, munsivele, munrumeele ni murimaanyu ni okumaahu wootheene, ni

Deuteronomiyo 30:6

Yave Mulukwaanyu onimoovahasani ni ekhapiraanyu murima woororomeleya weera munsiveleke ni murimaanyu ni okumaanyu wootheene ni weera mukhaleke ni okumi.

Deuteronomiyo 6:4

Mwiiwe aYixrayeli: Yave Mulukwaahu ti Yave Mmoharu.

Deuteronomiyo 6:5

Munsivele Yave Mulukwaanyu ni murimaanyu wootheene, okumaanyu wootheene ni ikurusanyu sootheene.

aHeberi 8:10

Wu ori wiiraana Miyo kineeraaka kipake ni muloko wa aYixrayeli vahoolo wa mahuku awo, anghima Apwiya: Nkihele malamulowaaka mmuupuwelonimwaya, ni nkilepe yaawo mmirimanimwaya. Nkikhale Mulukwaaya, ni awo eniikhale mulokwaaka.

Yakobe 2:8

Nyuwo mwatthara nlamulo na Mwene nimphwanyeya mwa Yoolempwa* neenre: “Munsivele mukhwiinyu ntoko muniisivelaanyu mwaneenaanyu,” munoopaka moota wooreera.

1 Yohaane 3:18

Anamwane, nihisivele ni masu, naari iyano, mene mmitekoni ni mweekhaikhaiyini.