Levitiku 8:35 - Emakhuwa Bible

³⁵ Mukhaleke vamulako wa Eheema ya Muthukumano* wa mahuku mathannameeli ootheene mpakaka yeeyo Yave ontthunaawe weera muhikhwe, niwoko ti yeeyo kilamuleliwaaka.”

Levitiku 8:35 Iomraidhean Croise

1 Mamwene 2:3

Mwiiwelele yeeyo Yave Mulukwaanyu ontthunaawe: Mweette mphironimwawe ni mwiiwelele ikanosawe ni soolamulasawe; malamulowaawe ni sootthuneyasawe, ntoko elempwalaaya muNlamuloni na Moisesi. Hiiho itthu sinooweettelani nnenesene mwa sootheene muneeraanyu mpake ni mmapuroni moothemwene muneeranyu murowe.

Okhuma 29:35

Mumpakele Aharoni ni anamwanaawe asilopwana sootheene Miyo koolamulenlaakani, mwaatteelihaka wa mahuku mathannameeli.

Ezekiyeli 43:25

Mmahukuni mathannameeli nyuwo munkhumiheke khula nihuku napunci ntoko yooveleelela yoottheka; munkhumiheketho mwaamombe ni napunci a ikhondoolo. Soopiili iyo sikhaleke soohirakala.

Ezekiyeli 48:11

Ettima eyo ekhaleke ya asaserdoti* ootteelihiwa, eyo tiiyo, ekhapira ya Zadoki, mwa yaawo yaaroromeleiye wookirumeela, ni yahaahapungwe ntoko yaapankaaya aLeevi ehapungweene aYixrayeli.

Levitiku 10:1

Nadabi ni Abihu, anamwane asilopwana a Aharoni, yaakuxa yaahiseriwa erubani*, mwa mwemmo yaapattinghaaya mooro, enahela erubani* ni yaapattiha mooro woohitthuniheriwa vamaithoni wa Yave, ehilamuleliwe.

Levitiku 14:8

Mutthu aneera atteelihiwe akatthe soowarasawe, ametthe mayihi ni mapururu, arapeke ni vahoolowaya onookhala ootteela. Aamalihakaru opaka yeeyo, owo avoloweke okonelingwe, mene akhaleke okerekhere wa eheemaawe wa mahuku mathannameeli.

Levitiku 8:30

Woottharelana Moisesi aakuxa makhura vakhaani a ottikitthelano ni ephome vakhaani yaari valtaarini*, anammiserano Aharoni ni soowarasawe sa esaserdoti ni anamwanaawe asilopwana ni soowarasaya sa esaserdoti. Hiiho aamutteeliha Aharoni ni soowarasawe sa esaserdoti ni anamwanaawe asilopwana ni soowarasaya sa esaserdoti.

Levitiku 8:34

Yeeyo epakeiye olelo elamuleliwe ni Yave weera yooreherereleni wiiwanana ni Yoowo.

Levitiku 8:36

Vano Aharoni ni anamwane asilopwana yaapaka sootheene Yave aalamulenlaawe mwa Moisesi.

Nuumeru 19:12

Iitteeliheke ni maahi awo munihukuni nanaararu ni nanaathannameeli. Hiiho owo onookhala ootteela. Vaheera, aahiitteeliha munihukuni nanaararu ni nanaathannameeli, khatteela.

Nuumeru 3:7

Awosa emurumeeleke Aharoni ni muloko wootheene, ekwaniheraka miteko sintthuneya opakiwa Muheemani ya Muthukumano*.

Nuumeru 9:19

Nihutte naakhalaaya vasulu etabernaakulu* mweehuhuni yincipale, aYixrayeli yiiwelela olamula wa Yave ni khayaattimula.

2 aKorinto 7:1

Oosiveleya, woonaka weera nookhalano soororomelihiwa iya, niirapihe mwa sootheene simvaliha erutthu ni munepa, nikwaniheraka ntteelihonahu niwoko na omoova Muluku.

Deuteronomiyo 11:1

Munsivele Yave Mulukwaanyu mwiiwelelaka soorumasawe, ikanosawe, malamulowaawe ni sootthunasawe mahuku ootheene.

1 Timootheyo 1:18

Timootheyo mwanaka, kinoovaha nlamulo nna nintthara masu oyeeheriwaawo weyo weera ottharaka, owane owana wooreera,

1 Timootheyo 5:21

Miyo kingwooperera vamaithoni wa Muluku, wa Kristu ni wa andyelo oothanliwa, weera othokorore itthu iya, othorihaka moota woororomeleya ni ohikhalaka ni nthalu.

1 Timootheyo 6:13

Vamaithoni wa Muluku omvaha sootheene okumi, ni wa Kristu Yeesu aakhalenlaawe onamoona wooreera ohoolo wa Ponsiyo Pilatu, miyo kinoowooperera:

1 Timootheyo 6:17

Waaleele yaawo ari oopuha ehuhu ela weera ehikhale oowiixoona, naari ehiroromele mihakhu soohilekela, mene emuroromele Muluku onnivaha sootheene woowaatta weera nihakalale.

1 Timootheyo 6:20

Timootheyo, othokorore yeeyo ovahereriwaawo. Osembe nyaha sa siiyo ni soohitteela ni miruku sa wiittana siniitthaniwa moolokotthani “esuwelo.”

2 Timootheyo 4:1

Vamaithoni wa Muluku ni wa Kristu Yeesu, oneeraawe aathorihe akumi ni akhwiiye, ni kuupuwelelaka wooniherawawe ni omwenaawe, kinoodyoonttelelaxa:

aHeberi 7:28

Vano, nlamulo nnaakhaliha atthu ari oohilipa weera ekhale ahooleli a asaserdoti*, mene nlipelo niphiyale vahoolo wa nlamulo, noomukhaliha Mwaana ookwanela weera akhale Mutokweenexa a asaserdoti* mahuku ootheene.