Levitiku 8:25 - Emakhuwa Bible

²⁵ Aakuxa makhura, mwiila wooneneva, makhura ootheene anghuruwela marupo ni makhura animuhuruwela hapa ni miso miili nitho makhura anghuruwela etakhwi yoolopwana.

Levitiku 8:25 Iomraidhean Croise

Okhuma 12:9

Muhikhuure enama ekithi hata yoowaapeiwa, mene yoowooxiwa – muru, nyetto ni marupo.

Okhuma 29:13

Vanonto mukuxe makhura ootheene anrukureera marupo – hapa ni miso miili – vamoha ni makhura ari vasuluwaya ni muhise vasulu wa altaari*.

Masu a Miruku 23:26

Mwanaka, okivahe murimaawo; maithwaawo ewehexexe iphirosaka,

Yesaya 53:10

Hata hiiho waari otthuna wa Yave omuhonona ni omuhooxa ni, Yave aaroopakaru okumaawe yooveleelela nthowa, Owo onimoona ekhapiraawe ni animwaandyeerereya mahukwaawe ni otthuna wa Yave onimweetteleya nnenesene mmatatanimwawe.

Levitiku 3:9

Wa yooveleelela murettele eyo, owo amuruuhele Yave yooveleela erehereriwe vayikho: makhuraaya, mwiila wooneneva woothikiliwa nnenesene ni makhura ootheene anghuruwela marupo elumbaanneene,

Levitiku 8:24

Moisesi aalamulelatho weera anamwane asilopwana a Aharoni ekhuveele ni khula mmoha a yaawosa aamuhinga ephome naaru noolopwana, vakathani etokweene yoolopwana ni ya nnaawonawe noolopwana. Vano ephome yaahanle eyo aayeehera mukhwipi wa altaari*.

Levitiku 8:26

Mumpaparani orino ipaawu soohikhalano eferementu waari vamaithoni wa Yave, aakuxa epaawu yoohikhalano eferementu, epaawu yooheliwa makhura ni epaawu yoozazaala, aniikaathi vamakhurani ni vatakhwini yoolopwana.