Levitiku 8:23 - Emakhuwa Bible

²³ Vanonto Moisesi aamwiiva napunci, anahinga ephome naaru noolopwana na Aharoni, vakathani etokweene yoolopwana ni ya nnaawonawe noolopwana.

Levitiku 8:23 Iomraidhean Croise

Okhuma 29:20

Munghite, mukuxe ephome ni munghinge okhwipi wa naaru na woolopwana na Aharoni ni anamwanaawe asilopwana. Munghingetho vakathani etokweene ya mmatatani ya moono mulopwana ni mwetto mulopwana wa Aharoni ni anamwanaawe asilopwana. Vahoolowaya mmisere ephome enghala mukhwipi moothemwene wa altaari*.

Okhuma 29:21

Vano mukuxe ephome vakhaani wa altaari* ni makhura vakhaani oottikitthelano ni mummisereno Aharoni ni ikuwosawe ni anamwanaawe asilopwana ni ikuwosaya. Vahoolowaya owo vamoha ni anamwanaawe asilopwana ni ikuwosaya nsitteelihiwe.

Levitiku 14:14

Musaserdoti* ahingeke ephome ya yooveleelela nthowa okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana.

Levitiku 14:17

Woottharelana musaserdoti* aheletho makhura ahanle mmatatanimwawe okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana vasulu wa ephome ya yooveleelela nthowa.

Levitiku 14:25

Musaserdoti* iiveke eputtiputthi wa yooveleelela nthowa, akuxeke ephome vakhaani ni ahingeke okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana.

Levitiku 14:28

Owo ahingekeno makhura a muntatanimwawe mmapuronimwene mwemmo ohingaawe ephome ya yooveleelela nthowa – okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana.

Levitiku 7:37

Vano iya ikano mwaha wa yooveleela yoohisa, yooveleela ya irooro, yooveleelela yoottheka, yooveleelela nthowa, yooveleela ya ottikittheliwa ni yooveleelela murettele.

aRooma 12:1

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

aRooma 6:13

Muhiveleele mipatta sa irutthusanyu wa yoottheka ntoko mipatta sa soonanara. Ohiyanawaya, mwiivaherere wa Muluku, ntoko atthu aruuhiwe wa okhwa mpaka okumi. Mveleele mipatta sa irutthusanyu wa Yoowo, ntoko mipatta sa ekhaikhai.

aRooma 6:19

Kinuuluma yeeyo ni mikhalelo sa omutthu, niwoko khamuniiwexexa itthu sootheene. Hiiho ntoko nyuwo mwaavahereraanyu mipatta sa irutthusanyu weera sikhale ipottha sa ohitteela ni onanara onrongha wootepa onanara, vano mvaherere iyo weera sikhale ipottha sa ekhaikhai enrongha wa ntteeliho.

1 aKorinto 1:2

Wa ekerexa ya Muluku eri oKorinto; wa ootteelihiwa mwa Kristu, ni oowiitthaniwa weera ekhale ootteela, vamoha ni ootheene yaale aniitthana mipatta sootheene Nsina na Apwiyaahu Yeesu Kristu, Apwiyaaya ni awihu.

1 aKorinto 1:30

Mwa yeeyo, ti niwoko na Muluku nyuwo muraanyu mwa Kristu Yeesu, Yoowo othatungwe wa hiyo miruku sa Muluku, eyo tiiyo, waakhuleliwawahu, ntteelihonahu ni ovuluxiwawahu,

1 aKorinto 6:20

Nyuwo moothummwa ni mutteengo. Tivawo, mumvuwihe Muluku ni erutthwaanyu.

aFilipi 1:20

Kingweherera ni murima wootheene ni kinroromela weera nkirwa kuuliwa muru ni yakhalaru etthu. Ohiyanawaya, kinroromela weera ntoko ehuhu yootheene, hiiho vaanaano vaava Kristu anunnuwihiwe mweerutthunimwaka: okhalaka mookumini, hoye hoye mookhwaani,

aFilipi 2:17

Wa soothesene, hata kirihiwaka ntoko yooveleela yoowura vasulu wa yooveleela ni muteko onrweela wa nroromelonanyu, koohakalala ni kootteeliwa murima ni nyuwo ootheene.

1 aTesalonika 5:22

Mususe wa soonanara sootheene.

aHeberi 2:10

Aweettihaka ancipale a anamwanaawe wa ovuwa, waatthuneya wa Muluku, Apwiya ni Mpattuxa a itthu sootheene, oomutatuxa Namapacera a ovuluwawaya ookwanela, aviraka moohaawani.

aHeberi 5:8

Aarookhalaru Mwaana, Owo aaxuttera wiiwelela niwoko na yeeyo aahaangwaawe.