Levitiku 7:2 - Emakhuwa Bible

² Mwaamunama oomveleelela nthowa iiveliweke vanipuroni siniiveliwaayawo sooveleela soohisa ni ephomaaya eyeeheriweke mukerekhere wa altaari*.

Levitiku 7:2 Iomraidhean Croise

Yesaya 52:15

hiihotho miloko sincipale sinootikhina ni mamwene animuumiwa owanoni niwoko na yoowo. Vano yeeyo awosa yahaaleeliwaaya, animoona ni yeeyo yahiiwalaaya animwiiwexexa.

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Ezekiyeli 40:39

Mpithela* mwa mulako, yaakhala meesa meeli wa khula mpatta, mwa weiwo siiveliwaayawo sooveleela soohisa, sooveleelela yoottheka ni sooveleelela nthowa.

Levitiku 1:11

Owo iiveliweke mpatta wa ottuttuwani wa altaari* vamaithoni wa Yave ni asaserdoti*, anamwane asilopwana a Aharoni, emisereke ephomaawe mipatta sootheene sa altaari*.

Levitiku 1:3

Yooveleela yakhala yoohisa, mutthu owo amuruuheke mwaamunama mulopwana oohirakala. Owo amuruuheke vamulako wa Eheema ya Muthukumano* weera aakhuleliwe ni Yave.

Levitiku 1:5

Vano owo amwiiveke mwaamunama vamaithoni wa Yave ni asaserdoti*, anamwane asilopwana a Aharoni, erongheke ephome ni emisereke mipatta sootheene sa valtaarini* vamulako wa Eheema ya Muthukumano*.

Levitiku 14:13

Owo iiveleke eputtiputthi vaNipuroni Nootteela* siniiveliwaayawo sooveleelela soottheka ni soohisa. Hiiho ntoko simpakiwaaya sooveleelela soottheka, hiihotho sooveleelela nthowa ti sa musaserdoti*; ti sootteelaxa.

Levitiku 3:2

Owo iikaathiki ntata vamuru wa mwaamunama a yooveleela yoohisa aneera iiveliwe vamulako wa Eheema ya Muthukumano*. Asaserdoti*, anamwane a Aharoni, emisereke ephome mipatta sootheene sa altaari*.

Levitiku 3:8

Owo iikaathiki ntata vamuru wa mwaamunama aneera iiveliwe ohoolo wa mulako wa Eheema ya Muthukumano*. Vano anamwane asilopwana a Aharoni emisereke ephome mipatta sootheene sa altaari*.

Levitiku 4:24

Owo iikaathiki ntata vamuru wa napunci aneera iiveliwe vanipuroni siniiveliwaayawo sooveleela soohisa vamaithoni wa Yave. Ela ti yooveleelela yoottheka.

Levitiku 4:29

Owo iikaathiki ntata vamuru wa mwaamunama a yooveleelela yoottheka aneera iiveliwe vanipuroni siniiveliwaayawo sooveleela soohisa.

Levitiku 4:33

Owo iikaathiki ntata vamuru wa mwaamunama aneera iiviweke ntoko yooveleelela yoottheka vanipuroni siniiveliwaayawo sooveleela soohisa.

Levitiku 5:16

Owo areherereketho yeeyo ooceelenlaawe opaka mwaha wa itthu sootteeliheriwa; aandyeerere mpatta wanaathanu wa mutteengo ni amulive musaserdoti* mutteengo vamoha ni mpatta wanaathanutho. Vano musaserdoti* onoomurehererela wiiwanana ni Yave amvarelaka muteko napunci ntoko yooveleelela nthowa ni owo onooleveleliwa.

Levitiku 5:7

Owo aahikhalano meerelo a yooveleela ya eputtiputthi, amuruuheleke Yave aximasiya meeli hoye hoye makhinda meeli ntoko yooveleelela yoottheka – nimoha wa yooveleelela yoottheka ni nikina nno wa yooveleela yoohisa.

Levitiku 5:9

Woottharelana amisereke okhwipi wa altaari* ephome yooveleelela yoottheka. Ephome eniihale eyo ahiyeke ekhwalalelaka vathi wa altaari*. Eyo ti yooveleelela yoottheka.

Levitiku 6:25

“Mwamuleele Aharoni ni anamwanaawe asilopwana: ‘Ikano mwaha wa sooveleelela yoottheka ti iya: Yooveleelela yoottheka yiiviweke vamaithoni wa Yave vanipuroni eniiveliwaayawo yooveleela yoohisa. Eyo ti yooveleela yootteelaxa.

Levitiku 6:7

Moota hiiho musaserdoti* onoomurehererela wiiwanana ni Yave, ni owo onooleveleliwa vamaithoni wa Yave yakhalaru etthu ya seiyo opankaawe simutatunxe nanthowa.”

Nuumeru 6:12

Owo iitteelihereleke Yave mweehuhuni ya wiimwalanyiherawawe ni aruuheke eputtiputthi ya eyaakha emoha ntoko yooveleelela nthowa. Khayaalikeliwa mahuku a khalayi niwoko oovaliheya mweehuhuni ya omwalanyihereyawawe.

aHeberi 11:28

Munroromeloni aampaka mPaska* ni aalamula weera milako sittikittheliweke ni ephome, weera namaphwata ahitave matthaara a aYixrayeli.

aHeberi 12:24

wa Yeesu, Namawera a wiiraana onyowani ni wa ephome emisiwe, mwa yeeyo enuuluma yooreeraxa opwaha ya Abeli.

1 Pedru 1:2

mwa yaawo Muluku Atiithi aathanlale mootthunanimwawe woohimala, avarelaka muteko Munepa Wootteela ontteeliha, weera emwiiwelele Yeesu Kristu ni emisiwe ni ephomaawe. Mahala ni murettele muvahiwe woowaatta.