Levitiku 7:12 - Emakhuwa Bible

¹² Mukina apaka yeeyo atthapelaka, vano vamoha ni yooveleelaawe ya otthapela aveleeleketho iboolu soohikhalano eferementu sooweetheliwa makhura, ipaawu sikhaanene soohikhalanotho eferementu ni soottikittheliwa makhura, ni iboolu sa ephepa yooreerela yooweetheiwa nnenesene ni yooweetheliwa makhura.

Levitiku 7:12 Iomraidhean Croise

2 Nyaha 29:31

Vano Hezekiya aaheera: “Mweenre mwiitteeliherasa Yave, muruuhe sooveleela ni soovaha sootthapela Empa ya Yave.” Hiiho, muloko waakuxa sooveleela ni soovaha sootthapela, ni yaakuxatho sooveleela soohisa ni otthunawaya.

2 Nyaha 33:16

Vahoolowaya, aahaareherera altaari* a Yave, anapakelawo sooveleelela murettele ni soovaha sootthapela, aalamulelaka aYuda weera emurumeele Yave, Muluku a oYixrayeli.

Nehemiya 12:43

Vano nihuku nne ereene oohakalaleene, yaavaha sooveleela sincipale, niwoko Muluku aahaasariha ohakalala otokotoko. Asithiyana ni asinamwanetho yaahakalalasa ni oruma wa ohakalala wa oYerusaleemu waamwiiwayeya ottai.

Icipo 107:8

Awosa emutthapele Yave niwoko na osivelawawe woohimala ni mitekosawe sootikhiniha aapakenlaawe atthu.

Icipo 116:17

Kinimoopakelani yooveleela ya otthapela, kinimwiitthana Nsina na Yave.

Icipo 50:23

Yoole ompaka sooveleela sootthapela onkittittimiha Miyo ni owo onreherera ephiro weera kimoonihere ovuluxa wa Muluku.

Yeremiya 33:11

masu a otthapa ni a ohakalala, masu a namatthomera ni namatthomeriwa, ni masu a yaale anruuha soovaha sootthapela wa Empa ya Yave yeeraka: Muntthapele Yave a ikuru sootheene, niwoko Owo ti ooreera, osivelawawe woororomeleya khoommala. Vano Miyo kinooceendya oreereliwa wa elapo ela ntoko khalayi,’ onghima Yave.

Hoxeya 14:2

Oreherere yoohima ni ohokoleele wa Yave. Mumvekele ha: “Mulevelele sootthekasahu sootheene ni mukhararinimwanyu munaakhulele weera noovaheeni sootthapela sa iyanosahu ntoko imombe simveleeliwa.

Levitiku 2:4

Nyuwo mwaruuha yooveleela ya irooro yoowooxiwa vayikho, eyo ekhaleke ya ephepa yooreerela: iboolu soopakiwa woohikhalano eferementu ni sooweetheeliwa makhura, hoye hoye ipaawu sikhaanene soohikhalano eferementu ni soottikittheliwa makhura.

Levitiku 2:5

Yooveleelaanyu ya irooro yarehereriwa munooxeriwa, eyo ekhaleke ya ephepa yooreerela yooweetheeliwa makhura yoohikhalano eferementu.

Levitiku 22:29

Mwaampakelaka Yave yooveleela ya otthapela, mpake yooveleeleene yeeyo moota wooweera mwaakhuleleliwe.

Levitiku 6:16

Aharoni ni anamwanaawe asilopwana eceeke yooveleela enghala eyo, mene eceeke yoohikhalano eferementu vaNipuroni Nootteela*; vanipuwani na Eheema ya Muthukumano.

Levitiku 7:15

Enama ya yooveleelela murettele ya otthapela ekhuuriweke nihuku nenenenno emveleeliwaaya; ehikone.

Amosi 4:5

Muhise epaawu yookhalano eferementu ntoko yooveleela yootthapela ni mwiikuxerereno soovahasanyu sootheene sa otthunawanyu, nyuwosa aYixrayeli, niwoko ti yeeyo munsivelaanyu opaka,” onghima Yave onlamula sootheene.

Nuumeru 6:15

vamoha ni yooveleelaawe ya irooro ni soowura ni mpapara wa ipaawu soohikhalano eferementu, iboolu soopakeliwa ephepa yooreerela yooweetheeliwa makhura ni ipaawu soozazaala soottikittheliwa makhura a sooliveira*.

Luuka 17:16

Aamukokhorela ohoolowawe Yeesu ni aamutthapela. Vano, aari muSamariya.

Luuka 17:18

Khaawo mukina aahokolongwe ni aamutthapenle Muluku, ahikhanle namarwa ola?”

aRooma 1:21

Vano, emusuwelaka Muluku, khayaamvuwihale ntoko Muluku, hata khayaamutthapenle, mene soowuupuwelasaya saathatuwa sa siiyo, ni mirimasaya sa ololo saathatuwa epiphi.

awEfeso 5:20

muntthapelaka mahuku ootheene Muluku Atiithi wa itthu sootheene mwa Nsina na Apwiyaahu Yeesu Kristu.

aHeberi 13:15

Niwoko na Yeesu, nimvahe Muluku mahuku ootheene yooveleela ya ottottopeliwa, eri yoowiima ya iyano sinlapa Nsinanawe.

1 Pedru 2:5

Nyuwotho, ntoko maluku makumi, mutekiwe mpaani mwa mmunepani weera mukhale osaserdoti* wootteela, muvahaka sooveleela sa mmunepani sowaakhuleliwa ni Muluku niwoko na Yeesu Kristu.