Levitiku 6:7 - Emakhuwa Bible

⁷ Moota hiiho musaserdoti* onoomurehererela wiiwanana ni Yave, ni owo onooleveleliwa vamaithoni wa Yave yakhalaru etthu ya seiyo opankaawe simutatunxe nanthowa.”

Levitiku 6:7 Iomraidhean Croise

Okhuma 34:7

mwa Yoowo ompwaherera ni waasivelawawe atthu oohaalikeleya, alevelelaka otakhala, ovaanya ni yoottheka. Hata hiiho, khanghiya omuttaruxa nanthowa. Owo onaattaruxa anamwane ni osuulwaaya mpaka ekhapira yanaararu ni yanaaxexe niwoko na soottheka sa asitithaya.”

Yesaya 1:18

Yave oneera: “Ngwe, nuulume mulattu ola. Naari sootthekasanyu siriipaleene phii, nsikhale sootteela ntoko ephepa; naari sixeeraleene zuu, sinootteela ntoko etthabwe.

Ezekiyeli 33:19

Vano mutakhali ahiya yootakhalaawe anapaka yeeyo eri yoororomeleya ni yoowookoleleya, eenre apaka hiiho, onookhala ni okumi.

Levitiku 2:1

Yoole aneera amuruuhele Yave yooveleela ya irooro, yooveleelaawe ekhaleke ya ephepa yooreerela. Vasuluwaya owo amiineleke makhura ni iikaathiki erubani*,

Levitiku 4:20

apakelaka emombe mooteene yoowo aapakenlaaweno emombe ya yooveleelela yoottheka. Moota hiiho musaserdoti* onoorehererela wiiwanana ni Yave, ni owo onooleveleliwa.

Levitiku 4:26

Owo ahiseke makhura ootheene valtaarini* ntoko aahinsaawe makhura a yooveleelela murettele. Moota hiiho musaserdoti* onoorehererela wiiwanana ni Yave wa yoottheka ya mulopwana owo, ni owo onooleveleliwa.

Levitiku 4:31

Owo avenxeke makhura ootheene mooteene yoowo amvenxeriwaaya makhura a yooveleelela murettele. Vanonto musaserdoti* ahiseke seiyo valtaarini* ntoko yooveleela yoowunkhelaxa enimusiveliha Yave. Moota hiiho musaserdoti* onoomurehererela wiiwanana ni Yave, ni mulopwana owo onooleveleliwa.

Levitiku 5:10

Vahoolowaya musaserdoti* amveleeleke mwaapalame mukinoowo ntoko yooveleela yoohisa ni attharihaka soonyesereriha sa sooveleela, amurehererelaka wiiwanana ni Yave niwoko na yoottheka opankaawe, ni owo onooleveleliwa.

Levitiku 5:13

Moota hiiho musaserdoti* onoomurehererela wiiwanana ni Yave wa yakhalaru ya soottheka seiya opankaawe, ni owo onooleveleliwa. Yooveleela eniihale eyo ti ya musaserdoti*, ntoko simpakiwaaya sooveleela sa irooro.’”

Levitiku 5:18

Owo amuruuheleke musaserdoti* napunci a muhuwaawe oohirakala ni oowaakhuleliwa ntoko yooveleelela nthowa. Moota hiiho musaserdoti* onoomurehererela wiiwanana ni Yave mwa yootapanya opankaawe mweerisani ni owo onooleveleliwa.

Levitiku 6:8

Yave aamweerela Moisesi:

Levitiku 7:2

Mwaamunama oomveleelela nthowa iiveliweke vanipuroni siniiveliwaayawo sooveleela soohisa ni ephomaaya eyeeheriweke mukerekhere wa altaari*.

Mikeyasi 7:18

Ii! Muluku, khawoworu muluku mukina ntoko Nyuwo, munttiwala soottheka ni ovaanya wa yaawo anghalahala a mmulokonimwanyu! Nyuwo khamunnyoonyiwa wa mahuku ootheene, mene munghakalalela woowoonihera murima wooreera.

Matheyo 12:31

Tivawo, Miyo kinooleelaakani: soottheka sootheene ni oveiha wootheene onuuleveleliwe wa atthu, mene yoowo omveiha Munepa kharwa aleveleliwa.

1 Yohaane 1:7

Hiyo vano neetta ngwaarani ntoko Muluku oraawe ngwaarani, ninkhalano wiiwanana mukina ni mukhwaawe, ni ephome ya Yeesu Mwanawe, ennitteeliha wa soottheka sootheene.

1 Yohaane 1:9

Vaheera nalapa sootthekasahu, Muluku ti oororomeleya ni oothoriha nnene – onoolevelela sootthekasahu ni onoonitteeliha sa sootakhala sootheene.