Levitiku 6:11 - Emakhuwa Bible

¹¹ Vahoolowaya aceendyeke soowara ni arongheke ettuura okhwipi wa okonelingwe vanipuroni noothanliwa ntoko nootteela.

Levitiku 6:11 Iomraidhean Croise

Okhuma 29:37

Ngwiiraanyihe altaari* wa mahuku mathannameeli mwaatteelihaka. Vano altaari* eniikhale ootteelaxa ni eniyaataveru eniikhale yootteela.

Ezekiyeli 44:19

Yaakhumelaka vanipuwani na omokoni, weiwo onkhalaayawo muloko, eruleke ikuwo seiyo yaarumeelaayano ni ehiyeke mukwaartuni sootteelihiwa, ni ewareke ikuwo ikina weera ehitteeliheno muloko ikuwosaya sa esaserdoti.

Levitiku 16:27

Emombe ni napunci wa sooveleelela soottheka, mwa seiyo ephomaaya eruuhiwe vaNipuroni Nootteelaxa* weera erehererele wiiwanana ni Yave, eroihiweke okhwipi wa okonelingwe; ixapalasaya, ethai ni marupwaaya sihisiweke.

Levitiku 24:9

Iyo ti sa Aharoni ni anamwanaawe asilopwana mwa yaawo eneera eceleke vaNipuroni Nootteela*, niwoko ti mpatta wootteelaxa wa mipattasaya sa khula nihuku sa sooveleela soomurehererela vayikho Yave. Ti ekano yoohimala.”

Levitiku 4:12

eyo tiiyo sootheene sineera sihale sa emombe, owo akhumihereke vaate okhwipi wa okonelingwe aroihaka vanipuroni nootteelihaxiwa, attharihaka soonyesereriwasaya sa mapuro ootteela. Ti nipuro nenenenno ettuura enriheliwaayawo. Vano itthu seiyo sihisiweke vasulu ikhuuni sivarelaka yuukeliwaayawo ettuura.

Levitiku 4:21

Vanonto owo akhumihereke emombe vaate wa okonelingwe ni ahiseke ntoko aahinsaawe emombe yoopacera. Ela ti yooveleelela yoottheka ya muloko.

Levitiku 6:10

Vano musaserdoti* awareke ikuwo sa eliinyu* ni kaputtulaawe campuwa a eliinyu*, akhupeke ettuura ya yooveleela yoohisa yaalalihiwa ni mooro wa altaari* ni iikaathiki mukerekhere wa altaari*.

Levitiku 6:12

Ohicipihiweke mooro valtaarini* opwaherereke ovarela. Khula oxeexelo musaserdoti* aandyeerereke ikhuuni ni iikaathiki vayikho sooveleela soohisa, ni ahiserekewo makhura a sooveleelela murettele.

Levitiku 6:20

“Nihuku na ottikittheliwa wa Aharoni ni anamwanaawe asilopwana, awosa emuruuheleke Yave yooveleela ela: iliitru* piili sa ephepa yooreerela ntoko yooveleela ya irooro – vakhaani oxeexelo ni vakhaanitho oxekuwa.

Levitiku 6:22

Khula mwaana mulopwana a Aharoni aneera amurandele ntoko musaserdoti* oottikittheliwa, areherereke yooveleela eyo. Ti mpatta wa Yave mukanoni yoohimala ni ehisiweke woomalela.

Levitiku 7:6

Asilopwana ootheene a mweemusini ya musaserdoti* eceeke yeeyo, mene eceliweke yeeyo vaNipuroni Nootteela*, niwoko ti yootteelaxa.