Levitiku 5:15 - Emakhuwa Bible

¹⁵ “Mukina aatapanya atthekaka mweerisani wa yakhalaru etthu yootteeliheriwa Yave, owo amuruuheleke Yave napunci a muhuwaawe oohirakala oophimiwa mparathani*, ettharaka olemela wa exekeli* ya Nipuro Nootteela*. Eyo ti yooveleelela nthowa.

Levitiku 5:15 Iomraidhean Croise

2 Mamwene 12:16

Wa soothesene, eparatha* yaakheliwa ntoko sooveleelela nthowa ni soottheka khayaaroihiwa Mpaani mwa Yave; yaari ya asaserdoti*.

Ezera 10:19

Ootheenaawo yaaroromeliha owoomola axaaraya ni khula mutthu a yaale amuruuha napunci a muhuwaawe ntoko yooveleelela yoottheka.

Okhuma 30:13

Khula mutthu aalepeliwaka, amuliveke Yave eriyari ya exekeli, eyo tiiyo igrama* ithannamosa, ettharaka exekeli* ya Nipuro Nootteela*, mwa yeeyo enlemela igrama* muloko ni piili. Eriyari ya exekeli* eyo ti yoomveleelela Yave.

Ezekiyeli 40:39

Mpithela* mwa mulako, yaakhala meesa meeli wa khula mpatta, mwa weiwo siiveliwaayawo sooveleela soohisa, sooveleelela yoottheka ni sooveleelela nthowa.

Levitiku 1:10

Yooveleela yakhala yooveleela yoohisa ya ikhondoolo, ekhalaka ekhondoolo hata epuri, mutthu owo amveleeleke mwaamunama oohirakala.

Levitiku 1:3

Yooveleela yakhala yoohisa, mutthu owo amuruuheke mwaamunama mulopwana oohirakala. Owo amuruuheke vamulako wa Eheema ya Muthukumano* weera aakhuleliwe ni Yave.

Levitiku 14:12

Vano musaserdoti* akuxeke emoha ya iputtiputthi ilopwana, ni iiveke ntoko yooveleelela nthowa vamoha ni nttikha na eliitru* emoha ya makhura; owo iinainiheke ohoolo wa Yave ntoko yooveleela yoowiinainihiwa.

Levitiku 27:3

avareleke muteko moota ola: wa asilopana variyari wa iyaakha miloko miili ni miloko mithannamosa okhuma oyariwawaya aliveke ixekeli* miloko mithanu, ettharaka exekeli* ya Nipuro Nootteela*;

Levitiku 4:2

“Mwaaleele aYixrayeli: ‘Mukina attheka mweerisani apakaka yeeyo ekhoottihiwe mwa nakhalaru Nlamulo na Yave, apakeke ha:

Levitiku 5:14

Yave aamweerela Moisesi:

Levitiku 5:16

Owo areherereketho yeeyo ooceelenlaawe opaka mwaha wa itthu sootteeliheriwa; aandyeerere mpatta wanaathanu wa mutteengo ni amulive musaserdoti* mutteengo vamoha ni mpatta wanaathanutho. Vano musaserdoti* onoomurehererela wiiwanana ni Yave amvarelaka muteko napunci ntoko yooveleelela nthowa ni owo onooleveleliwa.

Levitiku 5:18

Owo amuruuheleke musaserdoti* napunci a muhuwaawe oohirakala ni oowaakhuleliwa ntoko yooveleelela nthowa. Moota hiiho musaserdoti* onoomurehererela wiiwanana ni Yave mwa yootapanya opankaawe mweerisani ni owo onooleveleliwa.

Levitiku 6:6

Owo amuruuheleke musaserdoti* yoomveleelela Yave: napunci a muhuwaawe oohirakala ni oowaakhuleliwa.

Levitiku 7:1

Ikano mwaha wa yooveleelela nthowa eri yootteelaxa ti iya:

Levitiku 7:6

Asilopwana ootheene a mweemusini ya musaserdoti* eceeke yeeyo, mene eceliweke yeeyo vaNipuroni Nootteela*, niwoko ti yootteelaxa.

Nuumeru 15:24

ni eyo yapakiwa mweerisani ni yaahisuweliwa ni muloko, vano muloko wootheene omveleeleke mwaamombe ntoko sooveleela soohisa soowunkhela soomusiveliha Yave. Emveleeleketho vamoha ni yooveleelaaya ya irooro ni yooveleela yoowura, ntoko olamuleliwaaya, nitho napunci a epuri ntoko yooveleelela yoottheka.

Nuumeru 5:5

Yave aamweerelatho Moisesi:

Nuumeru 5:8

Vaheera, opahulingwe aahikhalanaru mmusi xaxaxa oowaakhela yooliviwa, eyo enookhala ya Yave ni innyereriweke musaserdoti* vamoha ni napunci ooreherereliwano wiiwanana ni Yave wa nanthowa.

Deuteronomiyo 12:26

Wa soothesene, mukuxe itthusanyu sootteeliheriwa ni seiye mwaaroromelinghaanyu omvaha Yave murowanaka vanipuroni Yave aneeraawe athanle.

1 Samuweli 6:3

Awosa yaawaakhula: “Nyuwosa mwaahokoloxaka Arka* a Muluku a aYixrayeli, muhaarumihe woohikhala etthu, mene murumiheketho yoovaha yooleveleelela nthona. Vano munoolamihiwa ni munoosuwela etthu oohooxenraaweni Muluku.”