Levitiku 5:11 - Emakhuwa Bible

¹¹ Wa soothesene aahikhalano meerelo ooveleelela aximasiya meeli hoye hoye makhinda meeli, aruuheke ntoko yooveleelela yoottheka ikiilu* piili sa ephepa ya etrigu yooreerela weera aveleelele yootthekaawe. Owo ahimiinelewo makhura naari ahiikaathi erubani*, niwoko ti yooveleelela yoottheka.

Levitiku 5:11 Iomraidhean Croise

Okhuma 16:18

Eringakaru ni waatta wa ikiilu* piili yaawo yaakhumpe yincipale khayaahanle, ni yaawo yaakhumpe vakhaani yaakwanela. Khula mutthu aakhupa aatthunelaawe.

Okhuma 16:36

Vano miringo yaakhupelaya khula nihuku ti mpatta wanaamuloko wa efa*.

Levitiku 1:14

Yooveleela yakhala yooveleela yoohisa ya ipalame, owo aruuheke mwaansiya hoye hoye nikhinda.

Levitiku 12:8

Owo aahikhalano meerelo oophwanya eputtiputthi, aruuheke aximasiya meeli hoye hoye makhinda meeli – nimoha wa yooveleela yoohisa ni nikina wa yooveleelela yoottheka. Moota hiiho musaserdoti* onoomurehererela wiiwanana ni Yave, ni onookhala ootteelihiwa.’”

Levitiku 14:21

Vaheera mukina akhala namahaawa ahiweraka oliva itthusene seiyo, akuxeke eputtiputthi elopwana emoha ntoko yooveleelela nthowa eniinainiheriwa weera amurehererele wiiwanana ni Yave, vamoha ni iliitru* piili sa ephepa yooreerela yooweetheeliwa makhura ntoko yooveleela ya irooro, nitho nttikha na eliitru* emoha ya makhura,

Levitiku 27:8

Yoowo onroromeliha akhala oohaawaxa ahiweraka oliva nlivo nenenenno, owo amwaattameleke musaserdoti* ni musaserdoti* owo onoomuleela nlivo attharihaka yeeyo mulopwana ongweraawe oliva.

Levitiku 5:12

Owo amuruuhele yeeyo musaserdoti*, ni musaserdoti* anyottoleke vakhaani ntoko mpatta wa eyuupuxero, ni eyo ahisereke valtaarini* vasulu wa sooveleeleliwa Yave soorehereriwa vayikho. Eyo ti yooveleelela yoottheka.

Levitiku 5:6

Owo amuruuheleke Yave ekhondoolo hoye hoye epuri ethiyana ya muhuwaawe ntoko nlivo niwoko na yoottheka opankaawe, eyo tiiyo yooveleelela yoottheka. Vano musaserdoti* onoomurehererela wiiwanana ni Yave wa yootthekaawe.

Levitiku 5:9

Woottharelana amisereke okhwipi wa altaari* ephome yooveleelela yoottheka. Ephome eniihale eyo ahiyeke ekhwalalelaka vathi wa altaari*. Eyo ti yooveleelela yoottheka.

Levitiku 6:20

“Nihuku na ottikittheliwa wa Aharoni ni anamwanaawe asilopwana, awosa emuruuheleke Yave yooveleela ela: iliitru* piili sa ephepa yooreerela ntoko yooveleela ya irooro – vakhaani oxeexelo ni vakhaanitho oxekuwa.

Nuumeru 5:15

owo amurongheke wa musaserdoti*. Mulopwana akuxeke yoovaha ya ikiilu* piili sa ephepa ya esevada* amweerelaka mwaariye. Ahiyeehere makhura hata ahihele erubani* vaphepani niwoko ti yoovaha ya irooro mwa ehace weera yoonihereye ekhaikhai ya yoottheka.

Nuumeru 7:13

Yoveleelaawe yaari esasaani ya eparatha* ya ixekeli* ncira ni miloko miraru ni ebasiya ya eparatha* wa soomiserano ya ixekeli* miloko mithannamiili, soopiili iyo siringiweene ottharihiwaka moota wa exekeli* ya Nipuro Nootteela*. Soopiili soosareya ephepa yooreerela yooweetheeliwa makhura, ntoko yooveleela ya irooro;

Luuka 2:24

Yaamuronghatho weera evahe yooveleela ntoko ninghimaaya nlamulo na Apwiya: “Masiya meeli, hoye hoye ikhunda piili.”

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aHeberi 9:22

Mwa yeeyo, nlamulo ninnyesereriha weera itthu sootheene sitteelihiwe ni ephome, ni ohikhanle ovuuviha wa ephome, kheewowo elevelelo.