Levitiku 4:4 - Emakhuwa Bible

⁴ Owo amuroihele Yave emombe vamulako wa Eheema ya Muthukumano*. Owo iikaathiki ntata vamuru wa emombe eneera yiiviwe vamaithoni wa Yave.

Levitiku 4:4 Iomraidhean Croise

2 Nyaha 29:23

Vahoolowaya anapunci a ipuri ooveleelela yoottheka yaaronghiwa ohoolo wa mwene ni wa muthukumano, enawiikaatherasa matata.

Yesaya 53:6

Hiyo ootheene nooriheya ntoko ikhondoolo, khula mutthu a hiyo oohapuwa; ni Yave oomureya Yoowo sootakhala sa ootheene hiyo.

Daniyeli 9:26

Siviraleene isimana miloko mithannamosa ni piili sa seiyo, Oottikittheliwa onimwiiviwa ni khakhalanatho etthu. Esidade ni Nipuro Nootteela* nnoophwatiwa ni muloko wa namalamula anaarwe. Ommaleloni onoophiya ntoko mirupi: owana onoopwaherera mpaka ommaleloni ni woolaleiwa oheleya mathala.

Levitiku 16:21

Owo iikaathereke matataawe oomeeli mmuru mwa napunci mukumi, alapeke sootakhala sootheene ni ovaanya wootheene wa aYixrayeli – sootthekasaya sootheene – ni iikaathiki seiyo mmuru mwa napunci. Vahoolowaya amurumiheleke napunci munikareni awehawehiwaka ni mulopwana othanleliwe yeeyo.

Levitiku 4:15

Asitokweene a mulokweene yoowo yiikaathiki matata vamuru wa emombe vamaithoni wa Yave, ni emombe yiiviweke ohoolo wa Yave.

Levitiku 4:29

Owo iikaathiki ntata vamuru wa mwaamunama a yooveleelela yoottheka aneera iiveliwe vanipuroni siniiveliwaayawo sooveleela soohisa.

Levitiku 8:14

Woottharelana aamuruuha mwaamombe wa yooveleelela yoottheka, ni Aharoni vamoha ni anamwane asilopwana yaahiikaathera matata vamuru wa mwaamombe ole.

Nuumeru 8:12

aLeevi yiikaathenreene matata mmuru mwa aximombe, nyuwo mumveleeleke mwaamombe mmoha ntoko yoomveleelela yoottheka ni mukinoowo ntoko yoomveleelela yoohisa weera aareherereleke wiiwanana ni Yave aLeevi.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,