Levitiku 4:32 - Emakhuwa Bible

³² Owo aruuha eputtiputthi ntoko yooveleelela yoottheka, ekhaleke ethiyana yoohirakala.

Levitiku 4:32 Iomraidhean Croise

Okhuma 12:3

Mulamule muloko wootheene wa aYixrayeli weera vanihukuni nanaamuloko na mweereene yoola khula mutthu a nyuwosa athanle eputtiputthi emoha hoye hoye epuri wa emusaawe; emoha wa khula etthoko.

Okhuma 12:5

Mwaamunama oothanliwa akhaleke mulopwana a eyaakha emoha oohirakala hata ekhalaka eputtiputthi naari epuri.

Yesaya 53:7

Owo oohasuliwa ni oohooxiwa, mene khaahunle eyanowaawe; ntoko eputtiputthi eronghiwaka owiiviwani ni ntoko ekhondoolo emmaalaaya ohoolo wa anamametthaaya, hiihotho Owo khaahunle eyanowaawe.

Levitiku 1:3

Yooveleela yakhala yoohisa, mutthu owo amuruuheke mwaamunama mulopwana oohirakala. Owo amuruuheke vamulako wa Eheema ya Muthukumano* weera aakhuleliwe ni Yave.

Levitiku 4:28

Owo oonelela yootthekaawe, aruuheke ntoko yooveleelelaawe yoottheka epuri ethiyana yoohirakala.

Levitiku 5:6

Owo amuruuheleke Yave ekhondoolo hoye hoye epuri ethiyana ya muhuwaawe ntoko nlivo niwoko na yoottheka opankaawe, eyo tiiyo yooveleelela yoottheka. Vano musaserdoti* onoomurehererela wiiwanana ni Yave wa yootthekaawe.

Luuka 1:35

Ndyelo aamwaakhula: “Munepa Wootteela onimoorweelani ni ikuru sa Musulusulu nsookhuneeleni ni erungwaawe. Hiiho, Yoole Ootteela anaayariwe, aniitthaniwe Mwaana a Muluku.

Yohaane 1:29

Oxaawaya Yohaane aamoona Yeesu amwaattamelaka ni aaheera: “Moone – Eputtiputthi ya Muluku emvenxa soottheka sa elapo ya vathi.

Yohaane 1:36

Amoonakaru Yeesu aviraka, aaheera: “Mmoone – Ola Eputtiputthi ya Muluku!”

awEfeso 5:27

ni weera yiixoonihere wa Yoowo mwaneenaawe ntoko ekerexa yoovuwa woohikhala malepa, naari makunyantta, hoye hoye etthu yoolikana, mene yootteela ni yoohikhala ni nthowa.

aHeberi 7:26

Vano, ti Mutokweenexa a asaserdoti* ntoko Ola hiyo nnimuhaawelaahu: ootteela, oohikhala ni nthowa, oohittheka, oomwalamwalihiwa ni anamattheka, ni awelihiweene wiirimu woopwahaxa.

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.

1 Pedru 2:22

“Owo khaatthenke, ni hata yoolokottha emoha khayaaphwanyiwe mmwaanomwawe.”

1 Pedru 2:24

Owo mwaneenaawe aavilela mweerutthuni sootthekasahu vamuttandani weera hiyo nikhwe wa soottheka, mene nikhale ni okumi wa ekhaikhai ya Muluku. Niwoko na makhwattaawe nyuwo moolamihiwa.

1 Pedru 3:18

Vano, Kristutho aahaawa emaara emoharu niwoko na soottheka, oohittheka wa anamattheka, weera aneettihe anironghaka wa Muluku. Owo aahiiviwa mweerutthuni, mene oohokoleela okhala ni okumi mukuruni sa Munepa,

Ethupululo 5:6

Kaahoona Eputtiputthi yaakhala ntoko yoowiiviwa, yeemenleene eriyari ya ehice yaarukureeriwe ni ikhalelo ixexe sa okumi ni asitokweene. Eyo yaarino manyaka mathannameeli ni maitho mathannameeli ari minepa mithannamiili sa Muluku soorumiheliwa elapo yootheene.