Levitiku 4:3 - Emakhuwa Bible

³ Musaserdoti* oottikittheliwa attheka, aruuhelaka hiiho nthowa muloko, owo amuruuheleke Yave emombe exaana yoohirakala ntoko yooveleelela yoottheka opankaawe.

Levitiku 4:3 Iomraidhean Croise

2 Nyaha 29:21

Yaahaakuxa aximombe athanneeli, anapunci a ikhondoolo athanneeli, iputtiputthi ilopwana ithannapiili ni anapunci athanneeli a ipuri ntoko yooveleelela yoottheka emweerelaka mwene, Nipuro Nootteela* ni oYuda. Mwene aalamulela weera asaserdoti*, a ekhapira ya Aharoni, yaaveleele axinama ale valtaarini* a Yave.

Ezera 8:35

Vano anamatthukiwa yaahokolongwe wootthukiwani oBabiloniya yaampakela Muluku a aYixrayeli sooveleela soohisa: imombe ilopwana muloko ni piili wa aYixrayeli ootheene; anapunci miloko mithannamixexe ni athannamosa; iputtiputthi ilopwana miloko mithannamiili niithannapiili ni, ntoko yooveleelela yoottheka, ipuri ilopwana muloko ni piili. Sootheene iye saari sooveleela soohisa wa Yave.

Okhuma 29:14

Wa soothesene, enama, exapala ni mpuule wa mwaamombe sihisiweke okhwipi wa okonelingwe. Ti yooveleela niwoko na yoottheka.

Okhuma 29:21

Vano mukuxe ephome vakhaani wa altaari* ni makhura vakhaani oottikitthelano ni mummisereno Aharoni ni ikuwosawe ni anamwanaawe asilopwana ni ikuwosaya. Vahoolowaya owo vamoha ni anamwanaawe asilopwana ni ikuwosaya nsitteelihiwe.

Okhuma 29:7

Vano munghele makhura anttikitthelelaniwa, mmiinelaka mmuru mwa Aharoni.

Okhuma 30:10

Emaara emoha vayaakhani Aharoni apakeke wiiraana vamanyakaniwaya. Wiiraanawene weiwo wa khula eyaakha opakiweke ni ephome ya yooveleela mwaha wa yoottheka weera siiraane ikhapira sootheene sa muhoolo. Altaari* awo ti ootteelaxa wa Yave.”

Ezekiyeli 40:39

Mpithela* mwa mulako, yaakhala meesa meeli wa khula mpatta, mwa weiwo siiveliwaayawo sooveleela soohisa, sooveleelela yoottheka ni sooveleelela nthowa.

Ezekiyeli 43:19

Nyuwo mwaavaheke mwaamombe asaserdoti* ari aLeevi, a emusi ya Zadoki, mwa yaawo ankhuveela weera erumeele ohoolowaka, onghima Yave onlamula sootheene.

Ezekiyeli 44:27

Vanihukuni aneeraawe avolowe vanipuwani na mpuwa wa Nipuro Nootteela* weera arumeelemo, musaserdoti* iiveleeleleke yooveleelela yoottheka, onghima Yave onlamula sootheene.

Levitiku 1:10

Yooveleela yakhala yooveleela yoohisa ya ikhondoolo, ekhalaka ekhondoolo hata epuri, mutthu owo amveleeleke mwaamunama oohirakala.

Levitiku 1:3

Yooveleela yakhala yoohisa, mutthu owo amuruuheke mwaamunama mulopwana oohirakala. Owo amuruuheke vamulako wa Eheema ya Muthukumano* weera aakhuleliwe ni Yave.

Levitiku 16:11

Aharoni amuruuheke mwaamombe ntoko yooveleelela sootthekasawe weera iirehererele yoowo ni emusaawe wiiwanana ni Yave ni owo amwiiveke ntoko yooveleelela yootthekaawe.

Levitiku 16:3

Vano Aharoni avolowe nipuro nenenenno moota ola: amukuxe mwaamombe ntoko yooveleelela yoottheka ni napunci ntoko yooveleela yoohisa.

Levitiku 16:5

Owo aakheleke wa aYixrayeli ipuri ilopwana piili ntoko yooveleelela yoottheka ni napunci ntoko yooveleela yoohisa.

Levitiku 16:6

Aharoni amwiiveke mwaamombe ntoko yooveleelela sootthekasawe iirehererelaka owo ni emusaawe wiiwanana ni Yave.

Levitiku 4:14

Owo waasuwelaka weera woottheka, vano muthukumano oruuheke emombe exaana ntoko yooveleelela yoottheka, arongheke mpaka ohoolo wa Eheema ya Muthukumano*.

Levitiku 4:23

Owo oonelela yootthekaawe, amuruuheke napunci oohirakala ntoko yooveleelelaawe.

Levitiku 4:28

Owo oonelela yootthekaawe, aruuheke ntoko yooveleelelaawe yoottheka epuri ethiyana yoohirakala.

Levitiku 4:5

Vano musaserdoti* oottikittheliwa akuxeke ephome vakhaani ya emombe aroihaka Muheemani ya Muthukumano*.

Levitiku 5:6

Owo amuruuheleke Yave ekhondoolo hoye hoye epuri ethiyana ya muhuwaawe ntoko nlivo niwoko na yoottheka opankaawe, eyo tiiyo yooveleelela yoottheka. Vano musaserdoti* onoomurehererela wiiwanana ni Yave wa yootthekaawe.

Levitiku 6:18

Paahi ekhapira ya asilopwana ootheene a Aharoni ti eneera eceeke yeeyo. Ti mpattaaya wa sooveleela soomveleelela Yave soorehereriwa vayikho. Ti ekano yoohimala wa ikhapira sa muhoolotho. Ootheene eniitave seiyo anoothatuwa ootteela.’”

Levitiku 8:12

Aamiinela mmuru mwa Aharoni makhura oottikitthelano, anamutteeliha.

Levitiku 9:2

Aamweerela Aharoni: “Munkuxe mwaamombe mulopwana wa yooveleelela yoottheka ni napunci wa yooveleela yoohisa, ooweeli oohirakala, muruuheke vamaithoni wa Yave.

Levitiku 9:3

Vahoolowaya mwaaleele aYixrayeli: ‘Munruuhe napunci wa yooveleelela yoottheka, mwaamombe ni eputtiputthi, soopiili iyo sa eyaakha emoha ni soohirakala wa sooveleela soohisa,

Nuumeru 16:22

Vaheera Moisesi ni Aharoni yaahuuramihelasa ekhove vathi, enamwaakhula: “Ii Muluku, Muluku onaavaha okumi ootheene, munoonyoonyeriwa muloko wootheene atthenkeene mutthu mmoha paahi?”

Nuumeru 8:8

Woottharelana awosa emuruuheke mwaamombe ni sooveleela sa irooro sa ephepa yooreerela yooweetheeliwa makhura, ni nyuwo munruuheke mwaamombe anaaveeli ntoko yooveleelela yoottheka.

aRooma 8:3

Yeeyo nlamulo nahaaweraaya opaka niwoko naaraaya nookhulumuliweene ni erutthu, Muluku oopaka, amurumihaka Mwanawe muneenaawe ntoko yooveleelela yoottheka alikanaka ni namattheka. Ni hiiho aathoriha yoottheka mweerutthuni,

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aHeberi 5:3

Tivawo ontthuneyaaya weera owo avahe sooveleela niwoko na sootthekasawe nitho na soottheka sa muloko.

aHeberi 9:12

Owo aavolowa emaara emoharu paahi mwa nootteela na ootteela*, ohikhanle ni ephome ya ipuri, naari ya imombe ixaana, mene ni ephomaawe mwaneenaawe, ni hiiho aakwanihera ovuluwa woohimala.