Levitiku 4:21 - Emakhuwa Bible

²¹ Vanonto owo akhumihereke emombe vaate wa okonelingwe ni ahiseke ntoko aahinsaawe emombe yoopacera. Ela ti yooveleelela yoottheka ya muloko.

Levitiku 4:21 Iomraidhean Croise

Ezera 8:35

Vano anamatthukiwa yaahokolongwe wootthukiwani oBabiloniya yaampakela Muluku a aYixrayeli sooveleela soohisa: imombe ilopwana muloko ni piili wa aYixrayeli ootheene; anapunci miloko mithannamixexe ni athannamosa; iputtiputthi ilopwana miloko mithannamiili niithannapiili ni, ntoko yooveleelela yoottheka, ipuri ilopwana muloko ni piili. Sootheene iye saari sooveleela soohisa wa Yave.

Okhuma 29:14

Wa soothesene, enama, exapala ni mpuule wa mwaamombe sihisiweke okhwipi wa okonelingwe. Ti yooveleela niwoko na yoottheka.

Ezekiyeli 45:22

Nihuku nno na mPaska*, mwaana a mwene amukhumiheke mwaamombe ntoko yooveleelela yoottheka iixeerelaka muneenaawe vamoha ni muloko wootheene wa mulaponi.

Levitiku 16:15

Woottharelana amwiiveke napunci oomveleelela yoottheka eerelaka muloko ni arongheke ephome wiithela eluttu; apakeleke ephome eyo mooteene yoowo opankaawe ni ya mwaamombe: amisereke ekhuneelelo ni ohoolowaya.

Levitiku 16:21

Owo iikaathereke matataawe oomeeli mmuru mwa napunci mukumi, alapeke sootakhala sootheene ni ovaanya wootheene wa aYixrayeli – sootthekasaya sootheene – ni iikaathiki seiyo mmuru mwa napunci. Vahoolowaya amurumiheleke napunci munikareni awehawehiwaka ni mulopwana othanleliwe yeeyo.

Levitiku 16:27

Emombe ni napunci wa sooveleelela soottheka, mwa seiyo ephomaaya eruuhiwe vaNipuroni Nootteelaxa* weera erehererele wiiwanana ni Yave, eroihiweke okhwipi wa okonelingwe; ixapalasaya, ethai ni marupwaaya sihisiweke.

Levitiku 4:13

Muloko wootheene wattheka mweerisani opakaka yeeyo ekhoottihiwe mwa nakhalaru Nlamulo na Yave, naari ohisuwelaka weera ori ni nthowa, nlelo ori ni nthowa.

Levitiku 4:20

apakelaka emombe mooteene yoowo aapakenlaaweno emombe ya yooveleelela yoottheka. Moota hiiho musaserdoti* onoorehererela wiiwanana ni Yave, ni owo onooleveleliwa.

Levitiku 6:11

Vahoolowaya aceendyeke soowara ni arongheke ettuura okhwipi wa okonelingwe vanipuroni noothanliwa ntoko nootteela.

Levitiku 6:23

Khula yooveleela ya irooro ya musaserdoti* ehisiweke woomalela – eyo ehiciweru.”

Levitiku 8:17

Vaheera mipatta sikina sa mwaamombe ni exapalaaya, ethai ni marupo aahisa okerekhere wa okonelingwe, ntoko Yave aamulamulenlaawe Moisesi.

Nuumeru 15:24

ni eyo yapakiwa mweerisani ni yaahisuweliwa ni muloko, vano muloko wootheene omveleeleke mwaamombe ntoko sooveleela soohisa soowunkhela soomusiveliha Yave. Emveleeleketho vamoha ni yooveleelaaya ya irooro ni yooveleela yoowura, ntoko olamuleliwaaya, nitho napunci a epuri ntoko yooveleelela yoottheka.

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

2 aKorinto 5:21

Niwoko na hiyo Muluku oomutatuxa yoottheka Yoowo ahaasuwenle yoottheka, weera mwa Yoowo hiyo nikhale oowaakheleliwa ni Muluku.

aHeberi 13:11

Mutokweenexa a asaserdoti* onkuxa ephome ya axinama mpaka vaNipuroni Nootteela na Ootteela* ntoko yooveleelela yoottheka, mene irutthusaya singhisiwa okerekhere wa esidade.