Levitiku 4:2 - Emakhuwa Bible

² “Mwaaleele aYixrayeli: ‘Mukina attheka mweerisani apakaka yeeyo ekhoottihiwe mwa nakhalaru Nlamulo na Yave, apakeke ha:

Levitiku 4:2 Iomraidhean Croise

Epacerero 20:9

Vahoolowaya Abimeleki aamwiitthana Abrahaamu, anamweerela: “Onipankeni? Kootthekenle eheeni okiruuhelaka nthowa ntokotoko miyo vamoha ni omwenaaka? Yeeyo okipankaawo kheehiyono etthu yooreera omupaka mukhwaawo.”

Icipo 19:12

Taani onsuwela sootapanyasawe sootheene? Mukilevelele sootapanya seiyo kihisuwenlaaka.

Icipo 19:13

Mukihiihe wa soottheka sa emwayiini weera sihikilamule. Hiiho kinookhala ookwanela ni oohinthowa.

Namalaleiya 5:6

Muhitthunihere eyanowaanyu wootthekihani. Muhimweerele namutthenga a Empa ya Muluku: Kootapanya opaka nlipelo nna.’ Omunyoonyihera heeni Muluku ni yeeyo munghimaanyu, ni omuhiyera heeni aphwataka yeeyo mpankaanyu?

Levitiku 22:14

Mukina aca woohilakela yooveleela yootteelihiwa, owo aliveleke yooveleela ya musaserdoti* ni aandyeereretho mpatta wanaathanu wa ociiyaawe.

Levitiku 4:1

Yave aamweerela Moisesi:

Levitiku 4:13

Muloko wootheene wattheka mweerisani opakaka yeeyo ekhoottihiwe mwa nakhalaru Nlamulo na Yave, naari ohisuwelaka weera ori ni nthowa, nlelo ori ni nthowa.

Levitiku 4:22

Mutokweene mmoha attheka mweerisani, apakaka yeeyo ekhoottihiwe mwa nakhalaru Nlamulo na Yave Mulukwaawe, onookhalano nthowa.

Levitiku 4:27

Mmoha a muloko attheka mweerisani, apakaka yeeyo ekhoottihiwe mwa nakhalaru Nlamulo na Yave, owo onookhalano nthowa.

Nuumeru 35:11

mwathanle isidade sikina sikina, weera sikhale isidadesanyu sootthawela aneeraawe atthawelekemo mukina omwiivale mutthu mweerisani.

Deuteronomiyo 19:4

Ti ala meerelo mwaha wa mulopwana anaamwiive mukina anaatthawelewo iivuluxaka: yoowo anaamwiive mukhwaawe mweerisani, woohilakela, yahiittanneene.

1 Timootheyo 1:13

Aani, kaarookhalaru khalayi namaveiha, namasoonda ni namawana, vano koophwanya omoreliwa ikharari, niwoko kaapaka yeeyo kihisuwelaka ni kihiroromelaka.

aHeberi 5:2

Hapo owo ori oohilipatho, onoowera waamorela ikharari yaawo ahisuwenle ni anghapuwa.

aHeberi 9:7

Wa soothesene, mutokweenexa a asaserdoti* paahi aavolowa ekwartu yanaaveeli emaara emoha paahi vayaakhani. Khaavolowa woohikhala ephome, mwa yeeyo owo aaveleelela sootthekasawe ni wa soottheka muloko waapakaaya niwoko na ohisuwelawaya.

Yakobe 3:10

Wa eyanoweene yeeyo anrweela mareeliho ni olapha. Axunnaka, yeeyo kheentthuneya!

1 Samuweli 14:27

Vaheera Yonatani khaasuwenle nlipelo atithawe yaapakenlaaya anakhotto, moota wooweera aahookolela okhwipi wa ekopo aakuxalaawe, anaxuweya wancerepheni. Acaakaru, aahoona kakhamu.