Levitiku 4:18 - Emakhuwa Bible

¹⁸ Vahoolowaya musaserdoti* ahingeke mpatta wa ephome mmanyakani a valtaarini* ari ohoolo wa Yave, Muheemani ya Muthukumano*. Ephome eneera ehale ya emombe eyo ayeeherele vathi wa altaari* a sooveleela soohisa vamulako wa Eheema ya Muthukumano*.

Levitiku 4:18 Iomraidhean Croise

2 Nyaha 29:22

Vano, asaserdoti* yaawiiva aximombe, enamisera ephome valtaarini*; woottharelana, yaapakatho hiiho ni anapunci a ikhondoolo ni iputtiputthi.

Okhuma 29:12

Vano mukuxe mpatta mukina wa ephome ya mwaamombe ni muhinge ni ekatha vamanyakani a altaari*. Vahoolowaya mmiinele yeeyo enghala mukhwipi wa altaari*.

Okhuma 30:10

Emaara emoha vayaakhani Aharoni apakeke wiiraana vamanyakaniwaya. Wiiraanawene weiwo wa khula eyaakha opakiweke ni ephome ya yooveleela mwaha wa yoottheka weera siiraane ikhapira sootheene sa muhoolo. Altaari* awo ti ootteelaxa wa Yave.”

Levitiku 4:25

Vano musaserdoti* ataveke ni ekatha ephome vakhaani ya yooveleelela yoottheka ni ahingeke mmanyakani a altaari* a sooveleela soohisa. Ephome ekina eyo ayeehereke vathi valtaarini*.

Levitiku 4:30

Vano musaserdoti* ataveke ni ekatha ephome vakhaani ya yooveleelela yoottheka, ni ahingeke mmanyakani a altaari* a sooveleela soohisa. Ephome ekina eyo ayeehereke vathi valtaarini*.

Levitiku 4:34

Vano musaserdoti* ataveke ni ekatha ephome vakhaani ya yooveleelela yoottheka ni ahingeke mmanyakani a altaari* a sooveleela soohisa. Ephome ekina eyo ayeehereke vathi valtaarini*.

Levitiku 4:7

Vahoolowaya musaserdoti* ahingeke mpatta wa ephome mmanyakani a valtaarini* a erubani* yoowunkhelaxa eri vamaithoni wa Yave, Muheemani ya Muthukumano*. Ephome eneera ehale ya emombe eyo ayeeherele vathi wa altaari* a sooveleela soohisa vamulako wa Eheema ya Muthukumano*.

Levitiku 5:9

Woottharelana amisereke okhwipi wa altaari* ephome yooveleelela yoottheka. Ephome eniihale eyo ahiyeke ekhwalalelaka vathi wa altaari*. Eyo ti yooveleelela yoottheka.

Levitiku 6:30

Vaheera khula yooveleelela yoottheka ephomaaya eneera eruuhiwe Muheemani mwa Muthukumano weera ereherereliwe wiiwanana ni Yave vaNipuroni Nootteela*, ehikhuuriwe; eyo ehisiweke.

Levitiku 8:15

Moisesi aamuhita mwaamombe, anaxuweya ekatha mphomeni, anahinga manyaka ootheene a altaari* weera aatteelihe. Ephome yaahanle eyo ayeehera vathi wa altaari*. Hiiho ahaarehererela wiiwanana ni Yave.

Levitiku 9:9

Anamwanaawe yaamuruuhela ephome ni owo aaxuweyamo ekathaawe, anahinga manyaka a valtaarini*; ephome yaahanle eyo aayeehera vathi valtaarini*.