Levitiku 3:1 - Emakhuwa Bible

¹ Yooveleela ya mukina yakhala yooveleelela murettele, epakiweke ha: owo amveleela mwaamunama a muhuwo – akhalaka mulopwana naari muthiyana; owo amuruuheleke Yave mwaamunama oohirakala.

Levitiku 3:1 Iomraidhean Croise

1 Nyaha 21:26

Iwe, Davide aamutekelawo altaari* Yave, anapakawo sooveleela soohisa ni sooveleelela murettele. Davide aamwiitthana Yave, ni Owo aamwaakhula ni mooro waarweela wiirimu omorelaka valtaarini* a sooveleela soohisa.

Okhuma 20:24

Mwakitekele altaari* a etthaya ni mwa yaawo mukipakeleno sooveleela soohisa ni sa murettele, eyo tiiyo ikhondoolosanyu ni imombesanyu. Weiwo kineeraka kitthunihere ovuwihiwa Nsinanaka, kinimoorweelani ni kinimooreelihani.

Okhuma 24:5

Vahoolowaya aahaarumiha amiravo aYixrayeli yaapanke sooveleela soohisa ni yaawiiva axaana a imombe ntoko sooveleelela murettele wa Yave.

Okhuma 29:28

Mipatta iya eniimvaheke aYixrayeli Aharoni ni anamwanaawe asilopwana. Eyo ti yoowaandyeererihana ni nlamulo eniikhalihe sooveleelasaya. Ti mipatta sa sooveleelela murettele simpakeliwa Yave sintthuneya omvaha Aharoni ni anamwanaawe asilopwana otthuna ni ohitthuna.

Masu a Miruku 7:14

“Kookhalano owaani enama ya yooveleelela murettele, kipankaaka olelo weera kikwanihere soororomelihasaka.

Ezekiyeli 43:27

Emanleene mahuku awo, wookhuma nihuku nanaathannamararu, asaserdoti* epakeke sooveleelasanyu soohisa ni sa murettele valtaarini*. Vano Miyo kinoowaakhulelani, onghima Yave onlamula sootheene.”

Ezekiyeli 45:15

nitho wa khula ikhondoolo macira meeli, ekuxiweke ekhondoolo emoha mwa seiyo sincihiwa munnyepuni woopombaxa wa oYixrayeli. Sootheene iyo sivareliweke muteko wa sooveleela sa irooro, sooveleela soohisa ni sa murettele weera oreherereliwe wiiwanana ni Yave,’ onghima Yave onlamula sootheene.

Levitiku 1:10

Yooveleela yakhala yooveleela yoohisa ya ikhondoolo, ekhalaka ekhondoolo hata epuri, mutthu owo amveleeleke mwaamunama oohirakala.

Levitiku 1:3

Yooveleela yakhala yoohisa, mutthu owo amuruuheke mwaamunama mulopwana oohirakala. Owo amuruuheke vamulako wa Eheema ya Muthukumano* weera aakhuleliwe ni Yave.

Levitiku 17:5

Eyo entthuneya weera aYixrayeli emurongheleke Yave sooveleelasaya ampakelaaya ottai wa okonelingwe. Awosa emuruuheleke musaserdoti*, eyo tiiyo, wa Yave, vamulako wa Eheema ya Muthukumano ni epakeke ntoko sooveleelela murettele.

Levitiku 3:6

Mukina amuruuhela Yave mwaamunama a muhuwo a ekhondoolo ntoko yooveleelela murettele, amuruuheleke ya elopwana hoye hoye ethiyana yoohirakala.

Levitiku 9:18

Aahiiva emombe ni napunci ntoko yooveleelela murettele wa muloko. Anamwanaawe yaamuruuhela ephome ni owo aayeehera mukhwipi wa altaari*.

Levitiku 9:4

ni emombe ni napunci wa yooveleelela murettele weera mveleele vamaithoni wa Yave vamoha ni yooveleela ya irooro sooweetheiwa ni makhura. Niwoko olelo Yave onimwiixoonihera wa nyuwo.’”

Amosi 5:22

Naari nyuwosa mukiruuhelaka sooveleela soohisa ni sa irooro, iyo khasinkisiveliha. Naari mukiruuhelaka sooveleela sooreerela sa murettele, nkimpwatthelaru seiyo.

Malekiya 1:14

“Oolaphiwa akhale yoowo onkilokottha, areeneno mmuhuwoni napunci oohirakala, onroromeliha omveleela, vahoolowaya, anakiveleelela mwaamunama oorakala,” oneera Yave, a ikuru sootheene. “Vano Miyo ti Mwene Mutokweene, ni Nsinanaka nnooviwa eriyari ya miloko.”

Malekiya 1:8

Mweehuhuni yoowaaruuha axinama oohoona weera mwaapake yooveleela, nyuwosa khamunoonaru yakhalaru yoonanara. Mwaaruuhaka axinama oorakala ni oovoreiwa ntoko yooveleela, khamunona weera yoonanara! Mweerere omuvaha hiiho guvernadoraanyu! Weeraka owo onimoohakalalelani? Weeraka onoowaakhulani?” onkoha Yave a ikuru sootheene.

Nuumeru 15:8

Mmoha a nyuwosa aamurehereraka mwaamombe wa yooveleela yoohisa hoye hoye yooveleela weera akwanihere yoororomeliha yooreera hoye hoye ntoko yooveleelela murettele wa Yave,

Nuumeru 6:14

Vano amuruuhelekewo Yave yooveleelaawe: Eputtiputthi elopwana ya eyaakha emoha ni yoohirakala ntoko yooveleela yoohisa, eputtiputthi ethiyana ya eyaakha emoha ni yoohirakala ntoko yooveleelela yoottheka, napunci oohirakala ntoko yooveleelela murettele,

Nuumeru 7:17

ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Nahexoni, mwaana mulopwana a Aminadabi.

Nuumeru 7:59

ni imombe piili, anapunci a ikhondoolo athanu, anapunci athanu ni iputtiputthi ilopwana ithanu sa eyaakha emoha weera siveleeliwe ntoko yooveleelela murettele. Ela yaari yooveleela ya Gamaliyeli, mwaana mulopwana a Pedasuri.

Deuteronomiyo 12:27

Mwapakewo sooveleela soohisa valtaarini* a Yave Mulukwaanyu, eyo tiiyo enama ni ephome. Ephome ya sooveleelasanyu yiittheliweke okhwipi wa altaari* a Yave Mulukwaanyu, mene enama mwakhuureke.

aKolosi 1:20

ni weera niwoko na Yoowo siiraanyihiwe itthu sootheene ni Muluku, sikhalaka sa wiirimu, hata sa vathi. Aawenre yeeyo akhalihaka murettele niwoko na ephomaawe evuuvihiwe vamuttandani.

aHeberi 10:22

Tivawo, nimwaattamele Muluku ni murima wa ekhaikhai ni noosareya ni nroromelo, nikhalanaka mirima soomisiwa sa mathowa, ni nikhalanaka irutthusahu soorapihiwa ni maahi ootteela.

1 Yohaane 1:3

Hiyo ninoolaleerani yeeyo noonnaahu ni niiwalaahu weera nyuwotho mukhale oowiiwanana ni hiyo. Wiiwananawahu ori ni Atiithi ni Mwanaya, Yeesu Kristu.

Ahooleli 20:26

Vahoolowaya aYixrayeli ootheene, yaarowa oBeteli, enakilaathiwo yiinlaka ohoolo wa Yave. Yaatthuka nihuku nne mpaka oxekuwa empakelaka Yave sooveleela soohisa ni sa murettele.

Ahooleli 21:4

Oxaawaya muloko waapeherera ovenya, onaateka altaari* opakaka sooveleela soohisa ni sa murettele.