Levitiku 27:28 - Emakhuwa Bible

²⁸ Wa soothesene ehikhaleru etthu orinaawe mutthu ni omutteelihenraawe Yave, okhuma mutthu, etthu eri ya mulopwana omutteelihenre Yave – akhalaka mutthu, mwaamunama hoye hoye ettima yawaweene eneera ethumihiwe naari eniyoopoliwe; itthu sootheene sitteelihingwe ti sootteelaxa wa Yave.

Levitiku 27:28 Iomraidhean Croise

2 Nyaha 31:14

Kore, mwaana mulopwana a muLeevi Imena, namalipelela a mulako wa mpatta ninkhuma nsuwa, ti aawehaweha soovaha ni otthuna saapakeliwe Muluku, akawaka micaango aatteeliheriwaawe Yave ni soovaha sootteelaxa.

Okhuma 22:20

Akhalaru mutthu aneera apakele sooveleela wakhalaru muluku mukina omuhiya Yave, aphwatiweke.

Ezekiyeli 44:29

Awosa eceeke sooveleela sa irooro, sa yoottheka ni sa nthowa. Vano sootheene sa oYixrayeli sineera sitteeliheriwe Yave, ti sawaya.

Ezekiyeli 48:14

Awosa ehithumiheke, hata ehaakakhanyiheke ni etthu ekina ya yeeyo. Ettima ela ti yooreerela ya elapo yootheene, ni ahivahiweru mutthu mukina, niwoko ti yootteela wa Yave.

Levitiku 21:22

Owo aceeke yooca yootteelaxa ya Mulukwaawe nitho yooca yootteela ekina.

Levitiku 27:21

Ettima yaatapuxiwa vaYaakhani ya Otthapa, enoothatuwa yootteela, ntoko ettima yootteeliheriwa Yave; enoothatuwa ettima ya asaserdoti*.

Levitiku 27:27

Akhala mmoha a mwaamunama oohitteela, owo oopoliweke ni nlivo nna nikhalihingwe waandyeereriwaka mpatta wanaathanu wa nlivo nno. Owo aahoopola, mwaamunama owo athumihiwe ni nlivo nikhalihingwe.

Levitiku 27:29

Mutthu otteeliheriwe ophwatiwa; ahoopoliweke; owo iiviweke.

Nuumeru 18:14

Sootheene sa aYixrayeli sineera sitteeliheriwe Yave ti sawinyu.

Matheyo 25:41

Vano Owo anaaweerele yaawo a moono muthiyana: ‘Oolaphiwa! Mususeke wa Miyo mpaka mmooroni woohimala oreherereliwaawe Satana ni andyelowaawe.

aRooma 9:3

Vano miyo koolikana, mpaka kaahaawela weera kilaphiwe ni kimwalanyihiwe ni Kristu niwoko na osivela wa axunnaka, yaawo a mulokwaaka,

1 aKorinto 16:22

Akhala mukina ohinaasivela Apwiya, akhaleke oolamphwa. Ewe Apwiya!

aGalata 3:10

Yaawo ootheene anroromela miteko sa malamulo alaphiwa, niwoko yoolempwa: “Oolaphiwa ootheene yaale ahinkwanihera itthu sootheene silempwe mulivuruni ya malamulo.”

aGalata 3:13

Kristu oonivuluxa munlaphoni na malamulo, athatuwaka nlapho vanipuroniwahu, niwoko yoolempwa: “Oolaphiwa ti ootheene yaale athomeiwale vamuttandani.”

Deuteronomiyo 25:19

Yave Mulukwaanyu aawiitthuuwihakani wa amwiittanaanyu ootheene a mukhwipimwanyu mweelaponi onoovahaaweni weera mwakuxe ntoko yoohiyeriwa, munoomaliha wuupuweleliwa wa awAmaleki mweelaponi yootheene. Muhittiwale!

Deuteronomiyo 7:26

Muhikuxeru etthu eri ya mwiikho muronghaka mpaanimwanyu weera nyuwosa muhiphwatiwetho. Muthanye ni musembe ni murimaanyu wootheene niwoko simwalamwaliheriwe ophwatiwa.

Yoxuwa 6:26

Ehuhuweene yeele Yoxuwa aalipelaxa: “Oolaphiwa akhale yoowo aneera eerere orasela esidade ya oYeriko! Owo ahela mathipelowaaya, ntthaaranawe nnimookhwa, ni arasela maselaaya, etthaakwaawe enimookhwatho.”

Yoxuwa 7:1

Wa soothesene, aYixrayeli khayaaroromeleiye ni itthu sootteeliheriwa. Akani, mwaana mulopwana a Karemi, mwaana mulopwana a Zabedi, mwaana mulopwana a Zera, a epuumba ya Yuda, aahiiya ikina sa seiye. Isara sa Yave saahaaluttuwela aYixrayeli.

Yoxuwa 7:25

Yoxuwa aamukoha: “Munitannyerenle heeni erisa ela? Olelo Yave onimootannyeranitho erisa!” Vano aYixrayeli ootheene yaamvonya maluku ni vahoolowaya yaahaavonya awawe, enaahisa ootheene ni sootheene mmooroni.

Ahooleli 21:11

Waaweerela anakhotto:” Muneeraanyu mwapake ti ela: mwawiive alopwana ni athiyana ootheene yaahikhalaru asimwali oowiikosoopa.”

Ahooleli 21:18

Nihaathelihe anamwaniihu, niwoko hiyo aYixrayeli nilipenle ha: ‘Oolaphiwa yoowo anaamuthelihe mwaniye ni muBenyamini.’”

Ahooleli 21:5

Vano aYixrayeli yaakohana: “Variyari wa ipuumba sa aYixrayeli taani ohirwiiye omuthukumanoni vamaithoni wa Yave?” Yaakohenre hiiho, niwoko waalipeliwa weera yoowo eera ahithukumaneno vamaithoni wa Yave oMizepa aamwiiviwa.

1 Samuweli 15:18

Owo ohoorumihani okhottoni aweerelakani: ‘Murowe ni mwaphwateke woomalela muloko ole wa awAmaleki woohiiwelela. Mwaawaneno mpaka muneeraanyu mwaamalihe.’

1 Samuweli 15:3

Vano murowe ni mwaawaneno awAmaleki mphwataka soothesene siri sawaya. Muhimuurele mutthu; mwawiiveke asilopwana, asithiyana, anamwane, ooyariwa vaanaano, imombe, ikhondoolo, ikamelu* ni abuuru.’”