Levitiku 26:9 - Emakhuwa Bible

⁹ Miyo kinookhala ni nyuwosa ni kinimoorelanyihani; kinoowaattihani kipwahererihaka wiiraanawaka ni nyuwosa.

Levitiku 26:9 Iomraidhean Croise

Epacerero 1:28

Muluku aahaareeliha ni aaweerela: “Mwaandyeereraneke. Musareyeke ni mulamuleke elapo ya vathi yootheene. Mulamuleke ihopa mphareiyani; ipalame sa wiirimu ni inama sootheene sa mweelaponi ya vathi.”

Epacerero 17:20

Vano mwaha wa Iximayeli, kohiiwa nivekolonanyu. Nkimureelihe ni nkimuvahe ekhapira etokotoko. Anaakhale tiithi a mahimo muloko ni meeli, ni mwa yoowo nkikhalihe muloko mutokotoko.

Epacerero 22:17

vano vekhaikhai Miyo nkooreeliheni. Ekhapiraanyu eniikhale yoowaattaxa ntoko ithenyeeri sa wiirimu ni muhaava wa mukerekhere wa ephareiya. Aani, ekhapiraanyu eniiwine isidade seiyo sineera siittane ni yeeyo.

Epacerero 26:4

Vano nkaandyeerere ekhapiraanyu ntoko ithenyeeri sa wiirimu, nitho nkivahe ilapo sootheene iya. Mwaha wa ekhapiraanyu miloko sootheene sa elapo ya vathi nsireelihiwe,

Epacerero 28:14

Ekhapiraanyu eniikhale ntoko ntthupi na etthaya ni eniimake okhuma ninkhuma nsuwa mpaka ninkela nsuwa, nitho oottuttuwani mpaka ohitto wa elapo, ni mwa miloko sootheene sa mulaponi nsireelihiwe niwoko na nyuwo ni ekhapiraanyu.

Epacerero 28:3

Muluku a ikuru sootheene ooreelihe ni oovahe ekhapira yoowaatta, moota wooweera mwa weyo siphattuwe miloko sincipale.

Epacerero 48:4

akeerelaka: “Kinimoovahani ekhapira etokotoko ni mwa nyuwo nsikhumelele miloko sincipale. Nkivahe ekhapiraanyu elapo ela ntoko yawaya wa mahuku ootheene.

Epacerero 6:18

Vano kinookhaliha wiiraana ni nyuwo. Ontthuneya ovolowa munikulani nyuwo vamoha ni amwaarinyu, anamwaniinyu ni axaarayatho.

1 Mamwene 3:8

Murumeiyaanyu ori va eriyari ya muloko muthanlaalaanyu – muloko woohaalikeleya.

2 Mamwene 13:23

Wa soothesene, Yave aawoonihera murimaawe wooreera, aamorelaka ikharari aapwatthaka niwoko na wiiraanawawe ni Abrahaamu, Isaki ni Yakobe. Mpaka olelo Owo khantthuna waaphwata hata owoomola vamaithoniwawe.

Nehemiya 2:20

Miyo kaawaakhulasa: “Muluku a wiirimu onooneettihera nnene. Hiyo, arumeiyaawe, nnoopacera otekatho. Vaheera nyuwo khamunono mpatta, hata nsu muYerusaleemu, niwoko khamumpatta nnyahanimwaya.”

Nehemiya 9:23

Mwaahaakhaliha anamwanaaya asilopwana oowaattaxa ntoko ithenyeeri sa wiirimu ni mwaahaavolonghasa mweelaponi, mwa yeeyo mwaaroromelinghaanyu asitithaya.

Icipo 107:38

Aahaareeliha ni awosa yaahaattaxa; Owo khaatthunihera weera mihuwosaya sivukuwe.

Icipo 89:3

Mweenre: “Koopaka wiiraana ni oothanliwaaka; koomuroromeliha murumeiyaaka Davide ni nlipelo:

Okhuma 1:7

Wa soothesene, aYixrayeli yaayarana enaandyeererana vancipalexa mpaka osareya mweelaponi.

Okhuma 2:25

Muluku aahaaweha aYixrayeli, anaatthukuruwela.

Okhuma 6:4

Vahoolowaya kookhaliha wiiraanyihawaka ni yaawo weera kaavahe elapo ya oKanaani, mwa weiwe yaamankaaya ntoko anamarwa.

Yesaya 55:3

Mwiiwe ni nkarwani wa Miyo; mukiiwe weera munepaanyu okhale ni okumi. Kinoopaka wiiraana woohimala ni nyuwo ntoko wiiraanawene weiwe kaapankaaka ni Davide.

Yeremiya 23:3

Miyo muneenaaka kinimwaathukumanyiha yaawo ahalahanle a muhuwaaka mweelaponi sootheene kiwoomolenlaakawo ni kinimwaahokoloxera yaacaayamo. Wu animunnuwa erelaneke.

Yeremiya 23:4

“Kinimwaakhalihera akukhuli eneera yaakosoope ni awosa khayoovatho naari kheetteenguwa ni khaawo anaahaleele,” onghima Yave.

Yeremiya 33:3

‘Mukikhuwelele Miyo ni kinoowaakhulani kiwooniherakani itthu sitokotoko ni soohaalikeleya nyuwo muhisuwenlaanyu.’

Ezekiyeli 16:62

Tivawo kineeraaka kikhalihe wiiraana ni nyuwo, ni nyuwo munoosuwela weera Miyo ti Yave.

Ezekiyeli 36:9

Kinootthukuruwelasani nyuwo, ni nkoowehaseni ni murima wooreera; nyuwosa mmwittipurasiwe ni mmwaaliwe,

Levitiku 26:15

ni mwaahoonela ikanosaka muramusaka malamulowaaka ni mooceela okwanihera soolamulasaka, mveihaka hiiho wiiraanawaka,

Luuka 1:72

weera ewoonihere ikhararisawe makholowaahu ni yuupuwelele wiiraanawaya wootteela,

Deuteronomiyo 28:11

Owo onooweettiherelani nnene oovahakani anamwane, axaana a mihuwosanyu ni soohepha mweelaponi aaroromelinghaawe makholowaanyu woovahani.

Deuteronomiyo 28:4

Anamwaniinyu eniireelihiwe, hiihotho soohepha sa imattasanyu ni sikhaani sa mihuwosanyu – axaana a imombesanyu ni iputtiputthi sa ikhondoolosanyu.

Deuteronomiyo 7:13

Owo onimoosivelani, onimooreelihani ni onoowaandyeererani. Onimoovahani anamwane ancipale, soohepha sincipale sa etrigu, eviinyu enyowani ni makhura ni muhuwo wa imombe ni wa ikhondoolo mweelaponi Owo aalipelenlaawe makholowaanyu woovahani.

aHeberi 8:9

Khoorwa okhala ntoko wiiraana kaapankaaka ni makholowaaya nihuku kaavarenlaaka ni matata weera kaavenxe wExipitu. Niwoko awo khayaapwaherenre ngwiiraanyihanimwaka, Miyo koosusa wa yaawo, anghima Apwiya.