Levitiku 26:6 - Emakhuwa Bible

⁶ Kinoovaha mureettele mweelaponi ni munimwiixaatalela ni khaawo aneera awoopopiheni. Kinimwaalakaseiha axinama ooluwa mweelaponi ni ekatana kheevira mulaponimwanyu.

Levitiku 26:6 Iomraidhean Croise

2 Mamwene 2:24

Aarukunuwa, anaaweha, anaalapha mwa Nsina na Yave. Vano ursu* eeli yaakhumasa mutuphini, enaanyaanya amiravo miloko mixexe neeli.

1 Nyaha 22:9

Vaheera nyuwo munoomuyara mwaana mulopwana anaakhale a murettele, ni Miyo kinoopakiha weera owo akhalane murettele ni amwiitana ootheene a mukhwipimwawe. Anaattehiwe Salomoni, ni Miyo kinoomvaha murettele ni mmaaleleyo oYixrayeli mweehuhuni ya olamulawawe.

2 Nyaha 20:30

Omwene wa Yehoxafati waakhala mmuretteleni, niwoko Mulukwaawe, aamvaha murettele mmwiinanonimwaya moothemwene.

Yobi 11:19

Nyuwo munimwiixaatalela, ni khaawo anootannyereni woova, ni ancipale animwaasaasa murimaanyu wooreera.

Yobi 5:23

Vano munimwiiraanano maluku a ntuphini, ni axinama a ntuphini anookhalano murettele ni nyuwo.

Icipo 144:14

Imombesahu sinoolemeliwa ni mirindi sa sooreerela. Elapwaahu kheevoleeliwa, naari hiyo khaniroihiwa wootthukiwani. Khookhala okhuwela wa othanana mmisewenimwahu.

Icipo 147:14

Ti Yoowo ompwahereriha olipa nyiinanosanyu ni onaandyeerera etrigu yooreerela.

Icipo 29:11

Yave omvaha ikuru mulokwaawe; Yave onreeliha mulokwaawe ni murettele.

Icipo 3:5

Miyo kinimwiixaatalela, kinakona ni vano kinoovenya, niwoko ti Yave onkikosoopa.

Icipo 4:8

Kiniixaatalela, kinakona mmuretteleni niwoko ti Nyuwo paahi Yave munkikhaliha oolipeene.

Icipo 85:8

Kinimwiiwa yeeyo Yave Muluku ohimmaawe. Owo onroromeliha murettele wa mulokwaawe; wa oororomeleyaawe. Awosa ehihokoleele iphiro soololo!

Okhuma 23:29

Nkirwa kiwoomola ootheene eyaakha emoha weera elapo ehiheleye mathala ni axinama a ntuphini ehaandyeerereye ewoopopihasakani.

Masu a Miruku 3:24

Wiixaatalelaka, khawoova, ni olohawawo onookhala woomaaleleya.

Masu a Miruku 6:22

Weyo weettaka awo animoohoolela; waakonaka, animookosoopa; waavenyaka, animuuluma ni weyo,

Yesaya 35:8

Ni musewe mutokotoko onookhalawo; onimwiitthaniwa Musewe Wootteela. Yaale oohitteela kheeviramo; onookhala wa yaale paahi aneettamo; alolo kheeviramo.

Yesaya 35:9

Khakhalawo mwatto naari mwaamunama ooluwa. Khawoworu anaaphwanyaneyemo. Oovuluxiwa paahi eneera yeettemo,

Yesaya 45:7

Miyo kimpaka waara ni kinkhaliha epiphi. Miyo kinruuha onnene ni kimpakiha erisa. Miyo, Yave, kimpaka sootheene iyo.

Yesaya 9:7

Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Yeremiya 30:10

‘Tivawo, ohoove, murumeiyaaka, Yakobe! Ii! Yixrayeli! Muhituthuwe,’ onghima Yave. ‘Miyo kinoowoopolani nipuro noorakamela, ni ekhapiraanyu, elapo mutthukeliwaanyuwo. Yakobe onoohokolowa ni onookhala mmuretteleni ni oolipeene; khaawo anooramaramihe.

Yeremiya 31:26

Vanonto, kaavenya, kinaweha mukhwipi. Ikhovesaka saari soosiveleya.

Ezekiyeli 14:15

Hoye hoye Miyo kaarumihela axinama a ntuphini mulaponi mmo ni awosa yahiyasa ehiyanre, ni eyo yathatuwa yoothaamiwa moota wooweera khaawo anaaviremo, awoovaka axinama,

Ezekiyeli 14:17

Hoye hoye Miyo karuuhela ekatana elapo eyo, kineera: ‘Ekatana eviravire elapo yootheene ela,’ ni Miyo kaamalamalihamo amakaaya ni axinama,

Ezekiyeli 14:21

Vano Yave onlamula sootheene oneera ha: Onuutepaxe kaarumihelaka oYerusaleemu mattaruxowaaka oowoopiha maxexe ala: Ekatana, etala, axinama a ntuphini ni nihooxo, weera kaamalamaliheremo amakaaya ni axinamaaya!

Ezekiyeli 34:25

Kinookhaliha wiiraana wa murettele ni seiyo, kihiyeke elapo etapuxeiyeene ni axinama a mutuphini weera ikhondoolosaka siwere okhala soolipeene munikareni ni sikone moothakoni.

Ezekiyeli 34:27

Nyiri sa mutuphini nsiime soowiimasaya, etthaya eniiruwere soohephasaya, ni ootheene eniikhale oolipeene mulaponi. Awosa anoosuwela weera Miyo ti Yave, kaapasaka onyooro wa opotthaaya, kaatapuxaka mmatatani mwa yaale yaahasula.

Ezekiyeli 5:17

Kinimoorumihelani etala ni axinama a ntuphini ni awo eniyoohiyeeni woohikhalano anamwane. Nihooxo ni oyeeheya wa ephome sinimoophwanyani, ni kinimooruuhelani ekatana. Ti Miyo, Yave, kuulumme.”

Hoxeya 2:18

Vanihukuni nno, kiweerelakani nyuwo, kinoowiiraanano axinama a ntuphini, ipalame sa wiirimu, mpakatho axinama aniipurula. Kinoovenxa mulaponi muura, ekatana ni ekhotto, weera ootheene ewere okhala oolipeene.

Hoxeya 2:20

Miyo kinimoothelani moororomeleyani, ni nyuwo munoomusuwela Yave.

Levitiku 25:18

Mutthareke ikanosaka ni mwiiwelele nnenesene malamulowaaka ni munookhala oolipeene mweelaponi.

Levitiku 25:19

Vano elapo enimwiimiha soowiimasaya ni munimooca mpaka ovona, mukhalaka oolipeene.

Levitiku 26:22

Kinimoorumihelani axinama a ntuphini eneera ewiive anamwaniinyu, kimalamalihaka mihuwosanyu, koovukulakani mpaka iphirosanyu sinoowalana.

Levitiku 26:25

Kinimoorumihelani ekatana weera mwiinlele ikukuttula wiiraana. Nyuwosa mwaatthawelasaka musidadenimwanyu, kinimoorumihelani nihooxo ni munimwinnyereriwa mmatatani mwa amwiittana.

Levitiku 26:7

Munimwaattharelela amwiittanaanyu ni awosa animwiiviwa ni ekatana ohoolowanyu.

Mikeyasi 4:4

Khula mutthu onoowera okilaathi vathi wa ivideirasawe ni wa nyirisawe sa ifiigu, ni khakhalaru mutthu anaamuxupe, niwoko uulumale hiiho ti Yave a ikuru sootheene.

Zefaniya 3:13

Oohalahala a oYixrayeli kheepaka yoohiroromeleya; awosa khayootha, hata kheephwanyaniwa mmwaanomwaya yoolokottha. Awosa animooca yiitthuuweke, ahikhalaka anaawoopopihe.”

Axewu 2:9

‘Ovuwa wa Empa enyowani ya Muluku ela, onimunnuwaxa opwaha wa khalayi,’ oneera Yave a ikuru sootheene. ‘Ni kinookhaliha murettele nipuro nna,’ onghima Yave a ikuru sootheene.”

Zakariya 9:10

Owo onoophwata ikaaro sa ekhotto sa wEfrayimi, ikavalu* sa ekhotto sa oYerusaleemu ni nyuura sa ekhotto sinimwintakiwa. Owo onoolaleera murettele wa miloko, alamulaka okhuma ephareiya ni ephareiya; okhuma mooloko Efratesi mpaka ekotenle elapo.

Yohaane 14:27

Kinoohiyerani murettele; murettelaaka kinimoovahani. Miyo nkinoovahani ntoko elapo ya vathi emvahaaya. Sihituthuwe mirimasanyu, hata muhoove.

Miteko 12:6

Ohiyuweene yoowo, nihinaaye nihuku Herodi eeraawe amuthorihe yoowo mwaatthuni, Pedru eera akonaka eriyari ya anakhotto eeli, atthukiweene ni onyooro miili, ni anamalipelela yaalipelela mulako wa mukaliposo.

aRooma 5:1

Vano, naakhuleliweene ni Muluku niwoko na nroromelo, nookhalano murettele ni Yoowo mwa Apwiyaahu Yeesu Kristu.