Levitiku 26:5 - Emakhuwa Bible

⁵ Khaweemeleleya oveera mpaka ohepha wa iwuuva* ni ohepha wa iwuuva* onoopwaherera mpaka ehuhu ya waala, ni munimooca mpaka ovona mukhalaka oolipeene mweelaponimwanyu.

Levitiku 26:5 Iomraidhean Croise

Icipo 144:13

Matathaahu anoosareya ni sooreerela soohiyanahiyana. Mihuwosahu sinimwaatta macira macireene mmattamwahu.

Icipo 90:1

Yave Nyuwo ti Ntthawelonahu wa ikhapira sootheene.

Okhuma 16:8

Moisesi aaweerelatho: “Yave onimoovahasani enama yookhuura waaxekuwaka, ni sooca muntthunelaanyu oxeexelo, niwoko ohiiwa omuttaandawulawanyu. Hiyo taani? Khamunnikhupanya hiyo, mene Yave.”

Masu a Miruku 1:33

vaheera yoowo anaakiiwe onookhala oolipeene ni oomaaleleya, ahoovakaru yakhalaru yoonanara.

Masu a Miruku 18:10

Nsina na Yave ti Nipuro Noolipaxa nootthawelamo; oororomeleya antthimakela weiwo, enakhala oolipeene.

Yesaya 1:19

Nyuwosa mwakhala oolikaneene wiiwelela, munimooca soowiima sooreerela sa elapo ela;

Yesaya 30:23

Owo onimooruuhelanitho epula wa mmiso muneeraanyu mwaale ni etthaya enooruwera yooca yoowaatta. Vanihukuni nenenenno mihuwosanyu sinimooca moowaatta.

Yeremiya 23:6

Mmahukunimwawe oYuda onoovuluxiwa ni oYixrayeli onookhala woolipeene. Ni nsina aneeraawe iitthaneliwe ti nna: ave ti Ekhaikhaiyaahu.

Hoxeya 2:18

Vanihukuni nno, kiweerelakani nyuwo, kinoowiiraanano axinama a ntuphini, ipalame sa wiirimu, mpakatho axinama aniipurula. Kinoovenxa mulaponi muura, ekatana ni ekhotto, weera ootheene ewere okhala oolipeene.

Hoxeya 2:20

Miyo kinimoothelani moororomeleyani, ni nyuwo munoomusuwela Yave.

Yoweli 2:19

Yave onaakhula: “Kinimooruuhelani etrigu, eviinyu enyowani ni makhura mancipale mpaka sineeraaya sookwaneeni. Nkirwatho kitthunihera weera miloko sikina sootthebweeni.

Yoweli 2:22

Axinama a ntuphini, muhoove, niwoko malaxi muncaanyu eneera ephuwaka. Nyiri sineera siimaka; aani nyiri sa efiigu* ni imatta sa iwuuva* siri nyeya nyeya.

Yoweli 2:26

Munimooca mpaka ovona ni munootthapela Nsina na Yave Mulukwaanyu, mwa Yoowo oopakenleni sootikhiniheya. Mulokwaaka khoorwa oyevihiwatho.

Amosi 9:13

“Anoophiyera mahuku,” onghima Yave, “namahepha aneeraawe aphwanyiwe ni namattipura, ni namwaala aphwanyiwe ni namavotta iwuuva*. Enoottonya eviinyu enyowani mmanyaakoni ni enoopiluwa mmattumuxani moothemwene.

Matheyo 23:37

Yerusaleemu, Yerusaleemu, weyo ongwiiva maprofeeti ni onaavonya maluku yaawo onrumiheliwaawo! Hapo kaatthuna waathukumanya anamwanaawo ntoko nttehi nnaathukumanyaaya axaanaaya vathi wa mapuphaaya, mene khawaatthuna!

Miteko 14:17

Wa soothesene, Owo khaakhanle woohikhala onamoona: ohoonihera oreerawawe oovahakani epula, soohepha wa ehuhu yootthuneya, oovahakanitho yooca yoowaatta ni mirima soosareya ohakalala.”

Deuteronomiyo 11:15

Elapo eyo enookhalano woocihamo mihuwosanyu ni nyuwo munimooca mpaka ovona.

1 Timootheyo 6:17

Waaleele yaawo ari oopuha ehuhu ela weera ehikhale oowiixoona, naari ehiroromele mihakhu soohilekela, mene emuroromele Muluku onnivaha sootheene woowaatta weera nihakalale.

1 Pedru 1:5

muri oowaakihiwa ni ikuru sa Muluku niwoko na nroromelo mpaka wa ophiya ovuluxiwa, mwa weiwo oneera wooniheriwe ehuhu yoomalihera.