Levitiku 26:41 - Emakhuwa Bible

⁴¹ mwa seiyo sikitannyenre owiitta moota wooweera mpaka owoomolela mweelaponi mwa amwiittanaaya. Vano mirimasaya soottiyamaaru siiyeviha ni awosa yaakhulela ottaruxeliwa sootthekasaya,

Levitiku 26:41 Iomraidhean Croise

1 Mamwene 21:29

“Mohoona moota Ahabi iiyevinghaawe ohoolowaka? Eenre iiyeviha, nkirwa kimuruuhela erisa ela moolamulanimwawe, mene aani alamulaka mwaniye.”

2 Nyaha 12:12

Eenre Rehobowami iiyeviha, isara sa Yave saasusa wa yoowo ni owo khaaphwatiwe woomalela. Vekhaikhai oYuda nlelo yaakhala etthu yooreera.

2 Nyaha 32:26

Vano Hezekiya aahiiyeviha, oonelelaka wiixoonawawe, mpakatho muloko wa oYerusaleemu; tivawo isara sa Yave sahaamorenlaaya wa muloko, moolamulani wa Hezekiya.

2 Nyaha 33:19

Mmavekelonimwawe ni waakhula wa Muluku, mpaka sootthekasawe ni ohiroromeleyawawe, ohiya mmapuroni aatenkaawe altaari* a miluku soowootha ni nyiri soothipeleliwa sa Axera ni miluku sikina, ahinaaye wiiyeviha, sootheene iyo, silempwale munamalepelani a nyaha sa anamoonihera*.

2 Nyaha 33:23

Vaheera ovirikanawawe ni atithawe Manaxe, khiiyevinghe ohoolo wa Yave, mene aahaandyeerera nthowanawe.

Ezera 9:13

Seiyo sinikhumelenle ti niwoko na soopakasahu soonanara ni nthowanahu ntokotoko. Hata hiiho, Mulukwaahu, moonittaruxa vakhaani, ohiphiyeraka naaphwanelaahu, munivahaka ahalahanle ala.

Ezera 9:15

Ii! Yave, Muluku a aYixrayeli, Nyuwo ti oororomeleya. Hiyo ninkhala olelo ntoko atthu ahalahanle. Hiyo nri vamaithoniwanyu ni nthowanahu nroosuwelaru weera khawowo a hiyo ongwera okhala vamaithoniwanyu ni nthowa nna.”

Nehemiya 9:33

Mwaari oororomeleya mwa sootheene saanikhumelela. Mweettenle moota woororomeleya naaroohiroromeleyaru.

Icipo 39:9

Kiri emaalelo, kihihulaka eyanowaaka, niwoko ti Nyuwo mpanke yeeyo.

Okhuma 10:3

Moisesi ni Aharoni yaarowa wa Farawu* emweerelaka: “Yave, Muluku a aHeberi eenre ha: ‘Mpaka yaakhani mukhoottaka wiiyeviha ohoolowaka? Muhiyeke mulokwaaka weera wakilape!

Yeremiya 4:4

Mwiixiinele wa Yave, mwiinele mirimasanyu, nyuwosa asilopwana a oYuda ni amaki a oYerusaleemu. Mwaahipaka yeeyo, isarasaka sinoopatta sihiseke ntoko mooro, niwoko na yoonanara mpankaanyu, aani, sinoohisa ni khaawo anaawere ocipiha.”

Yeremiya 6:10

Kimuulumeno ni kimooperere taani? Taani aneera akiiwe? Maaruwaaya aattiyana moota wooweera khaaniiwaru. Awosa anthanya masu a Yave, ehisivelakaru yaawo.

Ezekiyeli 14:23

Nyuwosa munoopepeseya moonaka mweettelowaaya ni makhalelowaaya, niwoko munoosuwela weera nkaasiye opakawo sootheene iye, onghima Yave onlamula sootheene.”

Ezekiyeli 20:43

Wu, nyuwosa munimuupuwelela mweettelo mwaarinaanyu ni mitekosanyu sootheene mwa seiyo nyuwosa mwiivalihansaanyuno, ni munimwiixeettiha murima niwoko na soonanara sootheene mpankaanyu.

Ezekiyeli 44:7

Ohiya soopakasanyu sikina sootheene soohiira, nyuwosa moohaaruuha vaNipuronivaka Nootteela* anamarwa oohiineliwa mmurimani ni mweerutthuni, muhiirihaka Empaaka wookipakela sooveleela sa yooca, makhura ni ephome. Vano, nyuwosa moonanariha wiiraanawaka.

Ezekiyeli 44:9

Yave onlamula sootheene, oneera ha: Ahikhaleru namarwa oohiineliwa mmurimani ni mweerutthuni aneera avolowe vaNipuronivaka Nootteela*, aani, hata vakhaani wa namarwa onkhala eriyari ya aYixrayeli.

Ezekiyeli 6:9

Vano, mmilokoni mmo muneeraanyu muronghiwe ootthukiweene, yaawo eneera yoopowe anookuupuwelela. Animuupuwelela moota kaathananihiwaaka ni mirimasaya sooraruwa sikihingye Miyo, ni maithwaaya yaahaawela milukusaya. Animwiixeettiha murima niwoko na yoonanara apankaaya ni na soopakasaya sootheene soohiira.

Levitiku 26:24

Miyo muneenaaka kinookhala Mwiittananyu koohooxakani imaara ithannapiili niwoko na sootthekasanyu.

Levitiku 26:28

Miyo kinookhala Mwiittananyu koonyoonyeriwakani, koottaruxakani imaara ithannapiili niwoko na sootthekasanyu.

Nuumeru 5:7

Alapeke yoottheka opankaawe, aliveke woomalela, andyeerereke mpatta wanaathanu wa yeeyo olimvaawe ni amvaheke sootheene iyo yoowo ompahunlaawe.

Matheyo 23:12

Vano, khula mutthu oniivuwiha, anaakhale ooyevihiwa, ni khula mutthu oniiyeviha, anaakhale oovuwihiwa.

Luuka 14:11

Ootheene aniivuwiha, eniikhale ooyevihiwa, ni ootheene aniiyeviha, eniikhale oovuwihiwa.”

Luuka 18:14

Miyo kinooleelani weera mulopwana ola, omuhiya muFarisi*, aarowa owaani aakhuleliweene ni Muluku. Vano, ootheene aniivuwiha, eniikhale ooyevihiwa, ni ootheene aniiyeviha, eniikhale oovuwihiwa.

Miteko 7:51

Muloko woohiiwelela, woohiineliwa mmirimanimwanyu ni mmaarunimwanyu! Nyuwo munoolikana ni makholowaanyu – mahuku ootheene munnakhootta Munepa Wootteela!

aGalata 5:6

Vano, mwa Kristu hata wiineliwa, hata ohiineliwa wookhala mureerelo, mene aani nroromelo nniixoonihera moosivelani.

Deuteronomiyo 10:16

Tivawo, siineleye mirimasanyu ni muhikhaletho oottiyamaaru,

Deuteronomiyo 30:6

Yave Mulukwaanyu onimoovahasani ni ekhapiraanyu murima woororomeleya weera munsiveleke ni murimaanyu ni okumaanyu wootheene ni weera mukhaleke ni okumi.

Deuteronomiyo 31:21

Saarweelaka irisa ni makacamiho mancipale, ecipo ela enimwaakhalela onamoona, niwoko ekhapiraaya kheettiwala ela. Koosuwela sootthunasaya, kihinaayeru waavoleiha mweelaponi kaaroromelinghaaka ni nlipelo.”

aFilipi 3:3

Vano, ti hiyo nri wiineliwa, hiyo ninlapaahu mMunepani wa Muluku, hiyo nniivuwihaahu mwa Kristu Yeesu, ni khaninroromela naari etthu emoha mweerutthuni,

aKolosi 2:11

Mwa Yoowo nyuwo mohiineliwatho, khoohiyono wiineliwa ompakiwa mweerutthuni, mene wiineliwa opakiwe ni Kristu, mwa weiwo ori oruliwa wa mukhalelo wootthekeya wa erutthu.