Levitiku 26:33 - Emakhuwa Bible

³³ Kinimoomwaraxelani variyari wa miloko ni kinimootheteelani ekatanaaka. Elapwaanyu enoothaamiwa ni isidadesanyu sinookhala ittuxoru.

Levitiku 26:33 Iomraidhean Croise

1 Mamwene 8:46

Onoowereya aYixrayeli wootthekelani, niwoko khaawo ohinttheka. Yootthekelani, Nyuwo munimwaanyoonyeriwa ngwinnyereraka mmatatani mwa amwiittana weera yaavare ootthukiweene yaaronghaka elapwaaya – ekhalaka ya ottai hoye hoye ya vakhiviru.

2 Mamwene 25:9

Aahisa Empa ya Yave, empa ya emwene, ni impa sootheene sa oYerusaleemu. Aahisatho soopakiwa sootheene sootthuneyaxa.

2 Nyaha 7:19

Vaheera nyuwo mwasusa, munahiya ikano ni malamulo koovanghaakani, munakokhorela miluku sikina ni munalapa,

Nehemiya 1:3

Awo yaakaakhula: “Yaawo ahanle vahoolo wa ehuhuweene yeele annahaawa vancipale ni annayevihiwa. Exiri ya oYerusaleemu yookurumuliwa ni maselaaya aahisiwa.”

Nehemiya 1:8

Vano, muupuwelele mwaamweerenlaanyu murumeiyaanyu Moisesi: ‘Nyuwo mwaahiroromeleya, Miyo kinimoomwaramwaxelani variyari wa miloko.

Exteri 3:8

Vanonto Hamani aamweerela Ahaxeveroxi: “Wookhala muloko woomwalamwaleya variyari wa miloko sikina mweelaponi sootheene sa omwenaanyu mwa yoowo ikhovelelosaya soovirikana ni sa miloko sootheene sikina. Atthu a muloko owo khaaniiwelela malamulo a mwene. Khoophwanenle waahiya epakaka seiyo.

Icipo 106:27

ni onoomwaraxela ikhapirasaya variyari wa miloko ni ilapo sikinatho.

Icipo 44:11

Mooninnyerera weera ninyaanyiwe ntoko ikhondoolo ni moonimwaraxela variyari wa miloko.

Icipo 44:12

Moothumiha mulokwaanyu wa musurukhu vakhaani muhiwinaka moothumihanimwanyu.

Yesaya 1:7

elapwaanyu yoophwatiwa; isidadesanyu soohisiwa ni mooro; imattasanyu soohuhuliwa ni anamarwa vamaithoniwanyu; siphwatiwaka ntoko sinkuxiwaaya ni anamarwa.

Yesaya 6:11

Vano miyo kaamukoha: “Ii! Yave, mpaka yaakhani?” Ni Owo aakaakhula: “Mpaka isidade sineeraaya siheleye nthala woohimakiwamo, mpaka impa othaamiwa ni imatta oheleya nthala woomalela,

Yeremiya 13:24

“Kinimoomwaraxani ntoko makamba amvavihiwa ni epheyo ya munikareni.

Yeremiya 15:4

Miyo kinimwaapaka yaawo etthu yoowoopiha wa omwene wootheene wa mweelaponi, niwoko na yeeyo Manaxe, mwaana mulopwana a Hizekiya, mwene a oYuda, opankaawe oYerusaleemu.

Yeremiya 31:10

Ii! Miloko, mwiiwe masu a Yave, ni mulaleiye mucirumbani soorakamela: ‘Yoole aamwaranxe aYixrayeli onimwaathukumanyiha ni, onoowehaweha muhuwaawe ntoko mukukhuli.’

Yeremiya 4:7

Mwatto ookhuma munyattanimwawe; namaphwata a miloko oovenya. Owo ookhuma munyattanimwawe weera aphwate elapwaanyu. Mittetthesanyu sinoohala ittuxoru soothaamiwa.

Yeremiya 7:34

Kinoomalamaliha okhuwela wa ohakalala ni otteeliwa murima nitho masu a namatthomeriwa ni namatthomera mmittettheni sa oYuda ni mmiseweni sa oYerusaleemu, niwoko elapo ela enooheleya mathala.’”

Yeremiya 8:3

Ootheene ahalahanle a muloko owo anoothanla wiiviwa ohiya okhala ni okumi mmapuroni ootheene mwa weiwo kineeraaka kiwoomolele, onghima Yave a ikuru sootheene.’”

Yeremiya 9:16

Kinimwaamwaraxela variyari wa miloko awosa naari makholowaaya yahaasuwenlaaya ni kinimwaarumihela ekatana mpaka kineeraaka kaaphwate.”

Icipo Soolalamika 1:1

Moota eheleiyaaya nthala esidade, khalayi yaari yoosareiya atthu! Moota enlikanaaya ni naamukhweli mwa yeeyo khalayi yaari etokotoko eriyari ya miloko! Khalayi yaari pwiyamwene variyari wa ilapo sootheene, vano yoothatuwa epottha.

Icipo Soolalamika 1:3

Moothananani ni mmitekoni soonyesereriwa, Yuda ooronghiwa wootthukiwani. Onkhala eriyari ya miloko ahiphwanyaka wiitthuuwa. Yaamuttharelela ootheene yaamvarasa moohaawanimwawe.

Icipo Soolalamika 4:15

“Mususeke! Nyuwosa khamutteenle!” muloko onaakhuwelelasa yaawosa! “Mususe, muhinitave!” Awosa yaatthawaka ni yeettaka oothweeleleene, miloko sa ilapo sikina sineera: “Awosa ehimakase va.”

Icipo Soolalamika 4:16

Yave muneenaawe ohaamwaraxasa; Owo khanaakosoopasatho. Khawoworu onaattittimiha asaserdoti* hata ahooleli.

Ezekiyeli 12:20

Isidade simakingwe sinoophwatiwa ni elapo enoothaamiwa. Hiiho nyuwosa munoosuwela weera Miyo ti Yave.’”

Ezekiyeli 20:23

Kitheteiyeene ntata, kaalipelatho wa yaawo munikareni weera kaamwaamwaraxela eriyari ya miloko ni kangwoomolela ilapo sikina,

Ezekiyeli 22:15

Kinoowoomolani eriyari ya miloko koomwaraxelekeni mulaponi; kinoomaliha woomalela ohitteelawanyu.

Ezekiyeli 5:2

Emanleene mahuku a oriciwa wa esidade, muhisere mmooroni mpatta wanaararu wa mayihi musidadeni mmo. Mukuxe mpatta wanaararu ni muthikile ni ekatana muxerexere wa esidade yootheene. Mpatta wanaararu mukinoowo, mmwaraxele mpheyoni. Vano Miyo kinimwaattharelela ni ekatana yoohululiwa munluwoni.

Hoxeya 9:6

Munootthawaru ophwatiwa, wExipitu onimoothukumanyihani ni oMemfesi onimoovithani. Mihakhusanyu sa eparatha* sinoomeleliwa oyele ni miraambela sinoovitikelela woomalela iheemasanyu.

Amosi 9:4

Naari eronghiwaka wootthukiwani elapo ekina ni amwiittanaaya, kinoolamulelawo ekatana weera ewiive. Kinimwaawehaweha weera kaaruuhele erisa ohikhanle mpuha.”

Zakariya 7:14

‘Kaahaamwaraxela muyuupuruni variyari wa miloko, mwa weiwo yaakhalaayawo ntoko anamarwa. Elapo yaahiiwa yoothaamiweene moota wooweera khaawo aawera ophutulamo. Ti hiiho yaatatunxaaya milepe elapo yooreera.’”

Luuka 21:24

Akina eniyiiviwe ni ikatana, ni akina eniironghiwe okaliposo mweelaponi sootheene. oYerusaleemu onuunyikaliwe ni amalapo mpaka ihuhusaya sineeraaya sikwaniheriwe.

Deuteronomiyo 4:27

Yave onimoomwaraxelani variyari wa miloko, eniihale paahi akina akina a nyuwosa variyari wa miloko mwa weiwo Yave aneeraawe awoomoleleni.

Yakobe 1:1

Ya Yakobe, murumeiyi a Muluku ni a Apwiya Yeesu Kristu, wa ipuumba muloko ni piili simwaramwareiye variyari wa miloko: Salaama!