Levitiku 26:30 - Emakhuwa Bible

³⁰ Kinoophwata mapurowaanyu ootteela vasulu mattumuxa, kaapwexaka altaaraanyu* a erubani* ni kinoothukumanyiha mittembosanyu vasulu wa milukusanyu soolokottha soohikhalano okumi ni kinimoothanyani.

Levitiku 26:30 Iomraidhean Croise

Epacerero 19:13

niwoko nihanle vakhaani ophwata nipuro nenenenna. Soowoothera sipakeleiye muloko ola sootepa waatta moota wooweera Yave onirumihenlaawe ophwata esidade.”

1 Mamwene 13:2

Aahaakhuwelela altaari* mwa Nsina na Yave eeraka: “Ii! Altaari*, altaari! Yave oneera ha: ‘mwaana mulopwana aniitthaniwa Yosiya anaayariwe mukhapirani mwa Davide. Owo anaapake sooveleela sa asaserdoti* a miluku sikina, mwa yaawo anghisa erubani* va ni makhuva a atthu eniihiseriwe vasulu valtaarini* ala.’”

1 Mamwene 13:32

Mutthengaawe aahimalaawe mwa Nsina na Yave mwaha wa altaari* a oBeteli ni mapuro ootteela a mmanttumuxani mmittettheni sa oSamariya, vekhaikhai onookwaniheriwa.”

2 Mamwene 23:16

Vano Yosiya awehaka mukhwipi, aahoona mahiye yaari vanttumuxani. Aalamulela okhumihiwamo makhuva yaari mmahiyeni weera ehisiwe valtaarini*. Hiiho aananariha attharihaka masu a Yave yaahimmwale khalayi mwa mulopwana a Muluku sihinaaye itthusene seiye.

2 Mamwene 23:20

Yosiya aawiiva asaserdoti* ootheene a mattumuxa ootteeliheriwa ale, ahisakamo makhuva a atthu. Vahoolowaya aahokoleela oYerusaleemu.

2 Mamwene 23:8

Yosiya aahaaruuha asaserdoti* ootheene a mittetthe sootheene sa oYuda, anaveiha mattumuxa ootheene ootteeliheriwa miluku sikina, mwa weiwo asaserdoti* yaahiseraayamo erubani*, okhuma oGeba mpaka oBerxeba. Aahaaphwata altaari* a miluku sikina yaari mmilakoni vamoha ni altaari* yaari vamulako wa Yoxuwa, guvernadori a esidade, waari mpatta wa moono woothiyana wa mulako wa esidade.

2 Nyaha 23:17

Vano muloko wootheene waarowa mpaani mwa Bahali*, enakurumula. Yaahaapwexakasa altaari* ni miluku, enamwiiva Matani, musaserdoti* a Bahali*, ohoolo wa altaari*.

2 Nyaha 31:1

Emanleene efesta, aYixrayeli yaari ofestani yaakhumelasa musidadeni sa oYuda, enapwexakasa maluku ootteeliheriwa, enaphwata nyiri soothipeleliwa sa Axera. Awosa yaahaaphwata altaari* a miluku soowootha sa oYuda ni oBenyamini wootheene nitho wEfrayimi ni oManaxe. Ephwanteene sootheene, yaahokoleela musidadenimwaya, khula mutthu arowaka owannyawe.

Icipo 106:40

Tivawo Yave aanyoonyeringwaawe mulokwaawe, athanyaka yoohiyeraawe.

Icipo 89:38

Vaheera Nyuwo moomukhootta, moomuramusa, moomunyoonyeriwaxa oottikittheliwaanyu.

Yesaya 27:9

Hiiho nthowa na Yakobe nnoomalihiwa ni soowiima sookwanela sa ovenxiwa wa sootthekasawe nsikhale ha: owo aapwexa altaari* a maluku ootheene mpaka othatuwa ntthupi khasihala nyiri soothipeleliwa Axera, hata altaari* a erubani*.

Yeremiya 14:19

Nyuwo moomuhiya Yuda moota woomalela? Nyuwo moomuramusa Siyoni? Heeni munihasunlaanyu moota wooweera khaningweratho olama? Naaweherera murettele, mene khanoonneru. Naaweherera ehuhu ya olama, mene oriwo otteenguwa paahi.

Yeremiya 16:18

Kinimwaattaruxa moota woopwahaxa wa sootakhalasaya ni sootthekasaya, niwoko awosa yaaveiha elapwaaka ni icaambulosaya sa mwiikho ni aasariha yoohiyeraaka ni milukusaya sa mwiikho.”

Ezekiyeli 16:39

Vahoolowaya, Miyo kinoowinnyererani mmatatani mwa yaawo munaasivelaanyu, ni awosa animwaakurumula altaaraanyu a miluku sikina, ephwateke mapurowaanyu oolapa oorakamela. Awosa anoowaakhani soowarasanyu yaakuxeke axiveevaanyu ooreeraxa ni yoohiyekeni tiriya.

Ezekiyeli 43:7

Owo aakeerela: “Mwaana a mutthu, nna ti nipuro na ehicaaka ya emwene ni noonyikalihera inaawosaka. Va kinookhala mahuku ootheene eriyari ya aYixrayeli. Muloko wa aYixrayeli khoovalihatho Nsinanaka Nootteela, hata aYixrayeli, naari mamwenaaya kheevaliha ni opuutaaya ni miluku soohikhalano okumi sa mamwenaaya mmattumuxanimwaya ootteeliheriwa miluku sikina.

Ezekiyeli 6:13

Awosa anoosuwela weera Miyo ti Yave mulokwaaya waataleliwaka wookhweene eriyari ya milukusaya, muxerexere altaaraaya*, mmattumuxani ootheene oorakamela ni mutthomelani sootheene sa nyaako, vathi wa nyiri sootheene soopombaxa ni khula mwiri wa ekarivalyu* yoosareya makukhu – mmapuroni moothemwene mwa mwemmo yaahiseraayamo miluku erubani* yoowunkhelaxa.

Hoxeya 10:2

Mirimasaya ti soolokottha, ni vano ontthuneya othatela nthowanaya. Yave onimwaakurumula altaaraaya ni onimwaaphwata amarimbwaaya ootteeliheriwa.

Levitiku 20:23

Muhitthare ikhovelelo sa miloko seiyo kineeraaka koomole ohoolowanyu. Woopaka itthusene seiyo sa mwiikho, koothanya miloko iyo.

Levitiku 26:11

Kinookhaliha woomakawaka variyariwanyu ni nkirwa kooramusani.

Levitiku 26:15

ni mwaahoonela ikanosaka muramusaka malamulowaaka ni mooceela okwanihera soolamulasaka, mveihaka hiiho wiiraanawaka,

Amosi 6:8

Yave onlamula sootheene ohiilipela! Yave, Muluku a ikuru sootheene, oneera ha: “Onkihiira wiixoona wa Yakobe, ni kinthanya impasawe sa emwene; kinimwinnyerera esidade ni sootheene sirimo.”

Amosi 7:9

Vaheera mapuro oolapa a Isaaki anooheliwa nthala, ni mapuro ootteela a Yixrayeli anoophwatiwa; Miyo kinoovenyera ekhapira ya Yerobowami kikuxaleene ekatana.”

Deuteronomiyo 32:19

Yave aahoona yeeyo, anaakhootta, niwoko aatannyiwa ni anamwanaawe asilopwana ni asithiyana.