Levitiku 26:25 - Emakhuwa Bible

²⁵ Kinimoorumihelani ekatana weera mwiinlele ikukuttula wiiraana. Nyuwosa mwaatthawelasaka musidadenimwanyu, kinimoorumihelani nihooxo ni munimwinnyereriwa mmatatani mwa amwiittana.

Levitiku 26:25 Iomraidhean Croise

2 Samuweli 24:15

Vano Yave aahaarumihela nihooxo aYixrayeli okhuma oxeexeloweene yoole mpaka emalihero ya ehuhu yoothanliwa. Vano atthu 70 000 okhuma oDani mpaka oBerxeba yaahookhwa.

1 Mamwene 8:33

Mulokwaanyu aYixrayeli waawiniwaka ni amwiittanaaya niwoko na wootthekelani Nyuwo, owo wahokoleela wa Nyuwo wiitthanaka Nsinananyu, ovekelaka ni odyoonttelelaka Mpaanimwanyumu,

1 Mamwene 8:37

Yaavolaka etala hoye hoye nihooxo mweelaponi, hata soowaaliwa suuma niwoko na oviha, naari aaphiyaka nasope hoye hoye axiitthu akina hoye hoye mwiittana mukina awanano musidadenimwaya emoha – nakhalaru nihooxo hoye hoye iretta –

2 Mamwene 17:3

Xalemaneseri, mwene a wAsiriya, aarowa omuwanano Hoxeya aari mpatta wa omwenaawe ni aamuliva musoko.

2 Nyaha 24:24

Yaarookhalaru vakhaani anakhotto awArami, Yave aawinnyerera mmatatanimwayasa anakhotto ancipale. Weenre oYuda wamuhiya Yave, Muluku a makholowaaya, Yowaxi aathorihiwa.

Icipo 94:1

Ii! Yave, Muluku Nakukuttula; Ii! Muluku Nakukuttula – mwaare!

Okhuma 5:3

Awosa yaanyesera: “Muluku a aHeberi aahoorwa okumana ni hiyo. Vano, munitthunihere weetta mukwaha wa mahuku mararu munikareni weera nampakele sooveleela Yave, Mulukwaahu. Naaheera hiiho, Owo onooniruuhela mahooxo hoye hoye ekatana.”

Yesaya 1:20

Vaheera mwakhootta munavaanya, munoonyaanyiwa ni ekatana.” Vano eyano ya Yave ti yeenre yeeyo.

Yesaya 65:12

Miyo kinimoophwatasani ni ekatana ni ootheene nyuwo munimuurama weera muhitiwe. Niwoko koowiitthanani, mene khamukaakhunleru; kohuuluma, mene khamukiiwale. Moopaka soonanara vamaithoniwaka ni moothanla yeeyo ehinkisiveliha.”

Yeremiya 19:7

Vanipuroni nna kinoonanariha soovaanela sa oYuda ni oYerusaleemu. Kinoopakiha weera yiiviwe ni amwiittanaaya mukatanani; mmatatani mwa yaawo anaattharatthara ni kinoovaha mittembosaya ntoko yooca wa ipalame sa wiirimu ni axinama a ntuphini.

Yeremiya 24:10

Kinimwaarumihelasa ekhotto, etala ni nihooxo mpaka eneeraaya emalamalihiwe mulaponi kaavanghaaka awo ni makholowaaya.’ ”

Yeremiya 50:28

Ngwiiwe anamatthawa ni yaale atthangwe ekhumaka oBabiloniya, elaleiyaka oSiyoni moota Yave, Mulukwaahu, iinlenlaawe ikukuttula, aani iinlenlaawe Empaawe.

Yeremiya 51:11

Munone nyuupa, mukuxe ixikudu! Yave ohaatannya mamwene a oMediya, eerelaka ophwata oBabiloniya. Yave onimwiinlela ikukuttula ophwatiwa wa Empaawe!

Yeremiya 9:16

Kinimwaamwaraxela variyari wa miloko awosa naari makholowaaya yahaasuwenlaaya ni kinimwaarumihela ekatana mpaka kineeraaka kaaphwate.”

Icipo Soolalamika 2:21

Amiravo ni asitokweene aamorela mmiseweni. Amirovowaaka ni asimwalaaka ahiiviwa ni ekatana. Moowiivakasa vanihukuni na isarasanyu mwaanyaanyaka woohaamorela ikharari.

Ezekiyeli 14:17

Hoye hoye Miyo karuuhela ekatana elapo eyo, kineera: ‘Ekatana eviravire elapo yootheene ela,’ ni Miyo kaamalamalihamo amakaaya ni axinama,

Ezekiyeli 20:37

Kinoowaalikelani mwaavirasaka vathi wa ekopo ya mukukhuli, kooruuhekeni moonyesererihani mwa wiiraana.

Ezekiyeli 29:8

Vanonto, Yave onlamula sootheene oneera ha: Kinooruuha ekatana yoowoowananani nyuwo, kiwiiveke atthwaanyu ni axinamaanyu.

Ezekiyeli 33:2

“Mwaana a mutthu, muulume ni axunninyu ni ngweerelase: ‘Miyo, Yave, kaaruuhelaka ekatana mulaponi emoha, ni muloko wa elapo eyo wamuthanla mutthu weera akhale namalipelela,

Ezekiyeli 5:17

Kinimoorumihelani etala ni axinama a ntuphini ni awo eniyoohiyeeni woohikhalano anamwane. Nihooxo ni oyeeheya wa ephome sinimoophwanyani, ni kinimooruuhelani ekatana. Ti Miyo, Yave, kuulumme.”

Ezekiyeli 6:3

ni mweere: ‘Ii! Nyaako sa oYixrayeli, mwiiwe masu a Yave onlamula sootheene. Oneerela ha Yave onlamula sootheene, nyaako ni mattumuxa, maxaapwa ni mareyareya: Kihanle vakhaani wooruuhelasani ekatana; kinimwaaphwata altaaraanyu* mwa mwemmo munlapaanyu miluku soowootha.

Hoxeya 11:6

Ikatana sinooceremela mmasidadenimwaya, sinimwaaphwata anampattika a maselaaya ni sinoomalamaliha soovaanelasaya.

Levitiku 26:6

Kinoovaha mureettele mweelaponi ni munimwiixaatalela ni khaawo aneera awoopopiheni. Kinimwaalakaseiha axinama ooluwa mweelaponi ni ekatana kheevira mulaponimwanyu.

Amosi 4:10

“Kaahoorumihelasani mahooxo ntoko kaapakenlaaka wExipitu. Kaawiiva amiravo ni ekatana; kaahiya sivariwaka ikavalusanyu*. Kaahunkhihaxa mphulanimwanyu ni wunkha wa anamakhwa mwaakonenlaanyuwo, mene waarookhalaru hiiho, nyuwosa khamuhokoleenle wa Miyo,” ongima Yave.

Habakuki 3:5

Mahooxo onrumihela ohoolowawe; iretta soowoopiha sintthara ottuliwawe.

Nuumeru 14:12

Miyo kinimwaavulalihasa ni nihooxo ni kinimwaaphwatasa, mene kinimoopakasani muloko mutokotoko ni woolipaxa waapwaha yaawosa.”

Nuumeru 16:49

Yaawo yaakhwiiye ni nihooxo nne yaari 14 700, waahiya yaale yaakhwiiye mwaha wa Kora.

Nuumeru 31:3

Vano Moisesi aaheerela muloko: “Mwaareherere asilopwana akina akina variyariwanyu weera erowase okhottoni waawanano aMidiyani ni omwiinlelela ikukuttula Yave yaawosa.

Luuka 21:11

Onuukhale otetereya otokotoko, itala ni ikwerere mmapuroni oohiyanahiyana. Nsikhaletho sookhumelela soowoopiha ni ineneero sitokotoko siweelaka wiirimu.

Deuteronomiyo 28:21

Yave onimoorumihelasani mahooxo a iretta mpaka ophwatiwawanyu mweelaponi muneeraanyu mwavolowe weera mwakuxe.

Deuteronomiyo 32:25

Anamwanaaya animwiivakasiwa mmiseweni ni ekatana; mmatthokonimwaya anoosareya maririmela. Animookhwa amiravo ni asimwali; anamwane ni anamuuluvala.

Deuteronomiyo 32:35

Ntthuvelo ti nawaka; aani ti Yoomi kinrulela ikukuttula. Mweehuhuni yootthuneya sinooserenguwa inaawosaya. Nihuku na ophwatiwawaya nookhuveela ni emaliherowaaya ennaarweela.

Deuteronomiyo 32:41

kaanonaka ekatanaaka yoowaara kivarelaka mmatatani weera kithorihe, kinoowiinlela ikukuttula amwiittanaaka kaathorihaka yaawo ankithanya.

Ahooleli 15:11

Vano asilopwana macira miloko miraru a oYuda yaarowa onikhukuni vamwala wa wEtami, enamweerela Samesoni: “Nyuwo moosuwela weera aFilisti ti annilamula. Mohoona munipakenlaanyu?” Owo aawaakhula: “Kaapanke yeeyo paahi akipakenlaaya.”