Levitiku 26:17 - Emakhuwa Bible

¹⁷ Kinoothatuwa Mwiittanaanyu moota wooweera munoowiniwa ni amwiittanaanyu; yaawo anoothanyani animoolamulani ni munootthawa naari muhoomoliwaka.

Levitiku 26:17 Iomraidhean Croise

Epacerero 4:12

Mwaalimaka ematta, kheerwatho eruwera. Mmwikhale namarwa oohikhalano wiitthuuwa mweelaponimu.”

1 Mamwene 8:33

Mulokwaanyu aYixrayeli waawiniwaka ni amwiittanaaya niwoko na wootthekelani Nyuwo, owo wahokoleela wa Nyuwo wiitthanaka Nsinananyu, ovekelaka ni odyoonttelelaka Mpaanimwanyumu,

2 Mamwene 13:3

Isara sa Yave saahaaluttuwela aYixrayeli. Aatthunihera weera ewiniwe ni Hazayeli, mwene a awArami ni mwanawe Beni-Hadadi wa ehuhu yincipale.

2 Mamwene 13:7

Wa anakhotto ootheene a Yehowazi, yaahanle paahi anamweettiha a ikavalu* miloko mithanu, ikaaro sa ikavalu* muloko ni anakhotto macira macireene muloko, niwoko mwene a awArami aahaaphwata akinaawo aaxilaka.

Icipo 44:10

Moonihiya naatthawaka amwiittanaahu ni yaale anithannye aanihuhula.

Icipo 53:5

Moone, aatteenguwaxa oroohiphwanelaru woova. Muluku oommwaramwaxa makhuva a yaale yoowananneni; nyuwo mohaayeviha niwoko Muluku ohaakhootta.

Icipo 53:6

Ii! Weera ovuluxiwa wa oYixrayeli orweele oSiyoni! Muluku aarehereraka mulokwaawe, vano Yakobe ni Yixrayeli anoohakalalaxa!

Masu a Miruku 28:1

Mutakhali ontthawa naari ahitthareleliwaka, vaheera oororomeleya anlipiha murima ntoko mwatto.

Yesaya 30:17

Atthu macira muloko anootthawa woopiha wa mutthu mmoha ni niwoko na woopihiwa wa atthu athanu, ootheene nyuwosa munootthawa mpaka muneeraanyu mwahiiwe ntoko eneneero vamwaako, ntoko ecaambulo vanttumuxani.”

Yesaya 63:10

Waarookhalaru hiiho awosa yaamurukunuwela, enathananiha Munepaawe Wootteela. Tivawo Owo aathatungwaawe Mwiittanaaya ni Owo muneenaawe aahaawanano.

Yeremiya 19:7

Vanipuroni nna kinoonanariha soovaanela sa oYuda ni oYerusaleemu. Kinoopakiha weera yiiviwe ni amwiittanaaya mukatanani; mmatatani mwa yaawo anaattharatthara ni kinoovaha mittembosaya ntoko yooca wa ipalame sa wiirimu ni axinama a ntuphini.

Yeremiya 44:11

Vanonto Yave a ikuru sootheene, Muluku a oYixrayeli, oneera ha: Koolakela wooruuhelani erisa ni omphwata Yuda ootheene.

Icipo Soolalamika 1:5

Awananaawe aathatuwa asitokweenaawe; amwiittaanaawe ahiimaaliha. Yave oomuruuhela othanana niwoko na sootthekasawe sincipale. Anamwanaawe asilopwana aaronghiwa wootthukiwani, anamatthukiwa a awanani.

Icipo Soolalamika 2:4

Ooreherera muuraawe ntoko mwiittana; moonowaawe woolopwana ori woolikaneene. Ntoko mwiittana Owo oohonona sootheene saari soosiveleya woona; ooyeehera isarasawe ntoko mooro muheemani mwa esidade ya oSiyoni.

Ezekiyeli 15:7

Kinoothatuwa Mwiittanaaya. Arookhumaru mmooroni, animooza. Kitathungweene Mwiittanaaya, nyuwosa munoosuwela weera Miyo ti Yave.

Levitiku 17:10

Akhalaru muYixrayeli hoye hoye namarwa onkhala variyariwaya aneera ace yakhalaru ephome ya mwaamunama, vano Miyo kinoothatuwa Mwiittanaawe kimmalamaliheke mmulokonimwawe.

Deuteronomiyo 28:25

Yave onimoopakihani weera nyuwo ngwiniwe ni amwiittanaanyu. Nyuwosa mmwaarowele ephiro emoharu, mene mmwaamwareye, soottiihakani iphumu imwene sootheene sa elapo ya vathi.

Yoxuwa 7:4

Hiiho wookwanaka asilopwana macira miloko miraru yaawana ni wAi, mene kayaawenre waawina asilopwana a wAi, enatthawawo.

Ahooleli 2:14

Isara sa Yave saahaapattela aYixrayeli ni Owo aawinnyerera mmatatani mwa alavilavi, mwa yaawo yaahuhunle. Owo aawinnyerera wa amwiittana a mukhwipimwaya, wa yaawo aYixrayeli yahaawenraaya waawina.

Ahooleli 3:14

aYixrayeli yaalamuliwa ni Egeloni, mwene a oMowabe, wookwana iyaakha muloko niithannatthaaru.

Ahooleli 3:8

Isara sa Yave saahaapattela aYixrayeli moota wooweera Owo aawinnyerera mmatatani mwa Kuxani-Rixatayimi, mwene a wArami-Naharayimi, ni yaamurumeela wa iyaakha ithannatthaaru.

Ahooleli 6:2

Vano aMidiyani yaahaapororiha aYixrayeli, tivawo aYixrayeli yiitekenlaaya mootthawelamo mmanyaakoni, mmakhukuni ni moolipamo.

1 Samuweli 12:15

Vaheera mwaahimwiiwelela Yave muramusaka malamulowaawe, Owo onimoottaruxani, ntoko aapakenlaawe makholowaanyu.

1 Samuweli 31:1

Vano aFilisti yaahaawanano aYixrayeli. aYixrayeli yaahaatthawa ni ancipale yiiviwe vamwaako oGilibowa.

1 Samuweli 4:10

Vano aFilisti yaawana, enaawina aYixrayeli, ni aYixrayeli yaatthawela – khula mutthu muheemanimwawe. Aari noomala mutokotoko. Anakhotto a aYixrayeli yaakhwiiye yaari 30 000.