Levitiku 26:16 - Emakhuwa Bible

¹⁶ vano Miyo kinimoopakani ha: Kinimooruuhelani woova wootutuxereya, ikwerere soohonona, xipwexa soowiipayipa sineera sooruuheleni evaasi, siyavayavihaka okumi. Munimwaala, mene khamphurela etthu niwoko amwiitthanaanyu animooca izosanyu.

Levitiku 26:16 Iomraidhean Croise

1 Mamwene 8:37

Yaavolaka etala hoye hoye nihooxo mweelaponi, hata soowaaliwa suuma niwoko na oviha, naari aaphiyaka nasope hoye hoye axiitthu akina hoye hoye mwiittana mukina awanano musidadenimwaya emoha – nakhalaru nihooxo hoye hoye iretta –

Yobi 18:11

Woopiha ommoopopiha mipatta sootheene ni onimuttharatthara onkhalaawewo.

Yobi 20:25

Owo onookhumihera muupa ottuliwawe; ethoka ya muupa eceremelaka wahapaniwawe; soowoopiha sootepaxa sinimmorela.

Yobi 31:8

vano atthu akina ece yeeyo kaanlaaka, ni seiyo kiphatteiyaaka sipheliwe woomalela.

Icipo 109:6

Awosa aneera: “Munthanle mulopwana oonanara weera amoothere; namoothera eemeleke moonowaawe woolopwana.”

Icipo 73:19

Awosa amphwatiwa wootutuxereya; esareiyeene otteenguwa woomalela!

Icipo 78:33

Tivawo aapakinghaawe mahukwaaya weera eciphe ntoko iphumu ni yaaviriha iyaakhasaya ngwoovani.

Okhuma 15:26

aweerelaka: “Nyuwosa mwamwiiwelela Yave, Mulukwaanyu, ni mwapaka yeeyo onaakhulelaawe ni mwiiwelela malamulowaawe muttharaka ikanosawe sootheene, nkoorumihelasani hata eretta emoha sa seiye kaarumihenlaaka awExipitu, niwoko Miyo ti Yave onoolamihani.”

Masu a Miruku 3:33

Nlapho na Yave nri mpaani mwa atakhali, vaheera owo onreeliha etthoko ya oororomeleya.

Yesaya 10:4

Kheewo muneeranyu mpake ohikhanle wiipitha variyari wa anamatthukiwa hoye hoye omorela eriyari ya anamakhwa. Sirookhalaru sootheene iyo, isara sa Muluku khasihapungwe ni ntatanawe nri etheteeliwo.

Yesaya 62:8

Yave aalipela mwa ntatanawe noolopwana ni moonowaawe wooweraxa: Nkirwa kivaha etrigwaanyu ntoko yooca wa amwiittanaanyu ni anamarwa kheewuratho eviinyu enyowani mwa yeeyo yookhulumunleni.

Yesaya 7:2

Vano mwene aaleeliwa: “awArami aawiiraanano awEfrayimi.” Hiiho murima wa Ahazi ni mulokwaawe waathukumela, ntoko nyiri sa moothakoni siniinihiwaaya ni epheyo.

Yeremiya 12:13

Awosa yaahaala etrigu, mene ahemphe nyiiwa; wohaakhulumula ovara muteko woohiruwera etthu. Vano, awosa anuulihiheya muru ni ohepha niwoko na isara sitokotoko sa Yave.”

Yeremiya 15:3

Kinimwaarumihela nyoota mixexe sa anamaphwata,” onghima Yave, “ekatana weera ewiive, alapwa weera yaapurule ni ipalame sa wiirimu ni axinama a ntuphini weera yaalume ni yaaphwate.

Yeremiya 15:8

Kinoopakiha weera asinaamukhwelaaya yaattaxe opwaha ihaava sa mphareiya. Othana eriyari kinimwaaruuhela asimaayi a amiravowaaya asilopwana namaphwata; wootutuxereya kinimwaaruuhela woova ni otteenguwa.

Yeremiya 20:4

Vano Yave oneera ha: ‘Kinimoopakelani yoowoopihaanyu ni wa asinthamwenaanyu ootheene. Nyuwo munimoona ni maithwaanyu xaxaxa amwiittanaanyu yaawiivaka asinthamenaanyu. Kinimwinnyerera muloko wootheene wa oYuda mmatatani mwa mwene a oBabiloniya mwa yoowo anaaronghe oBabiloniya, awiivaka ni ekatana.

Yeremiya 5:17

Awosa anoomira soohephasanyu ni soocasanyu; animwaamira anamwaniinyu asilopwana ni asithiyana; anoomira imombesanyu ni ikhondoolosanyu, imattasanyu sa iwuuva* ni nyiri sa efiigu*. Awosa anoophwata ni ekatana isidade soolipihiwa mwa seiyo munroromelaanyu.

Ezekiyeli 24:23

Nyuwosa mmwiware eturbante* mmurumwanyu ni ikwakwaatta munaawonimwanyu. Khamulalamika hata khamwiinla, mene munimoondasa niwoko na sootakhalasanyu ni khula mutthu onimwiipulela meekhaawe.

Ezekiyeli 33:10

Mwaana a mutthu, muleele muloko wa oYixrayeli: ‘Nyuwosa muneera: “Soopahulasahu ni sootthekasahu ti yoolemelaahu ni sinnoondiha seiyo. Vano moota heeni nneeraahu nikhale ni okumi?” ’

Amosi 5:11

Nyuwosa munimuhasula oohaawa munnyesererihaka woovahani etrigu. Tivawo, murootekaru impa sa maluku, khamukhalamo; muroophatteyaru imatta sa iwuuva* soopomba, khamuwura eviinyuwaaya.

Mikeyasi 6:15

Nyuwosa mmwiphatteye, mene khamuhepha; mmweeke makhura, mene khamuttikitthelana; mmwaame iwuuva* mene khangwura eviinyu.

Axewu 1:6

Nyuwosa munnaphatteyaxa, vaheera munghepha vakhaani. Nyuwosa munnaca, mene khamumvona. Munnawura, mene khamunkwaneya. Munnawara, mene khamumviherana. Munnaakhela nlivonanyu, munahela munrupani woothorowa.”

Zakariya 14:12

Nihooxo mwa nenno Yave aneeraawe attaruxele miloko sootheene singwananne Yerusaleemu ti nna: irutthusaya sinimuntta yeemelelo; maithwaaya animuntta mpuurunimwaya ni malumaaya animuntta mmwaanomwaya.

Malekiya 2:3

Niwoko na nyuwosa, Miyo kinoohiiha ekhapiraanyu; kinoottikitthela owiithowanyu mahiloka a axinama ampakeliwa sooveleela mfestanimwanyu, koovonyerasekeni vaate vamoha ni mahiloka.

Deuteronomiyo 28:51

Oniwaamalihe axaana a mihuwosanyu ni sooruwera sa mulaponimwanyu mpaka muneeraanyu mphwatiwe. Awosa khayoohiyeraniru etrigu, eviinyu enyowani hoye hoye makhura naari axaana a imombe hata iputtiputthi sa ikhondoolosanyu mpaka muneeraanyu muhononiwe.

Deuteronomiyo 32:25

Anamwanaaya animwiivakasiwa mmiseweni ni ekatana; mmatthokonimwaya anoosareya maririmela. Animookhwa amiravo ni asimwali; anamwane ni anamuuluvala.

aHeberi 10:31

Ti woowoopihaxa omorela mmatatani mwa Muluku mukumi.

Ahooleli 6:11

Ndyelo a Yave ahoorwa, anakilaathi vathi wa mwiri wa ekarivalyu* wOfera waari wa Yowaxi, ngwAbiyezeri. Vano mwanawe Gidiyoni eera eepetthaka etrigu munttankhini saamiwa iwuuva* weera awiipithihe aMidiyani.

1 Samuweli 2:33

Ekhapiraanyu yeeyo kineeraaka kihimalamalihe valtaariniwaka* eniyuureleliwe weera ewiinleleni ni weera yoothananeleni. Aani ekhapiraanyu yootheene eniikhwe eri ekithi.