Levitiku 25:43 - Emakhuwa Bible

⁴³ Muhaalamule muhaamorelaka ikharari, mene mmoove Mulukwaanyu.

Levitiku 25:43 Iomraidhean Croise

Epacerero 42:18

Ommaleloni wa mahuku mararu ale Yoseefe aweerela: “Miyo kimmoova Muluku. Tivawo mwatthuna wuurela okumaanyu, mweereke ha:

2 Nyaha 28:10

Vanonto nyuwosa muntthuna waapaka ipottha asilopwana ni asithiyana a oYuda ni oYerusaleemu! Nyuwosa mookhalanotho nthowa na omutthekela Yave, Mulukwaanyu.

Yobi 31:13

Kaakhoottiyeene waapakela ekhaikhai arumeiyaaka alopwana ni athiyana awosa yiittaandawulenlaaya wa miyo,

Yobi 31:14

nkipakeni miyo Muluku aakithorihaka? Nkaakhuleni kaakohakohiwaka?

Okhuma 1:17

Wa soothesene, anamayariha yaamoova Muluku ni khayiiwelenle malamulo a mwene a wExipitu. Yaahaahiya ni okumi anamwane asilopwana.

Okhuma 1:21

Yeenre anamayariha yaamoovaka Muluku, aahaavahera oyara weera ekhalaneke emusaaya.

Okhuma 2:23

Vahoolo wa ehuhu yincipale, aahookhwa mwene a wExipitu. aYixrayeli yanniixiinlela ekhuwelaka niwoko na opottha. Ni Muluku aahiiwa okhuwelawaya.

Okhuma 3:7

Yave aaheera: “Vekhaikhai kohoona ohasuliwawaya mulokwaaka wExipitu. Kohiiwa okhuwelawaya niwoko na anamahooxa ni koosuwela ohaawawaya.

Okhuma 3:9

Vanonto, okhuwela wa aYixrayeli wookiphwanya. Kohoona moota awExipitu anaahasulaaya.

Okhuma 5:14

Ahooleli a aYixrayeli a muteko yaathanliwe ni anamahasula a Farawu* yannaawaxula ekohakohiwaka: “Muhikwaniherenle heeni osilo ni olelo waattawene weiwe wa indyerwa wa mahuku a khalayi?”

Yesaya 47:6

Kaanyoonyeriwa mulokwaaka kinanarihaka yoohiyeraaka; kaawinnyerera mmatatanimwanyu ni nyuwo, Babiloniya, khamwaamorenle ikharari. Mpaka mwaawiikaathera yoolemelaxa anamuuluvala.

Yesaya 58:3

Awosa ankoha: Hiyo naatthukaka heeni muhinoonelani? Hiyo niiyevihaka, muhimpwatthelani?” Wa soothesene, vanihukuni na otthukawanyu nyuwosa mumpaka yeeyo muntthunaanyu muhaapwatthelaka anamutekwaanyu ootheene.

Ezekiyeli 34:4

Nyuwosa khamulipihenre yoohilipa, hata khamulaminghe yoovoreiwa, naari khamutthunke nikhwattanaya. Nyuwosa khamuhokolonxe soothweelela naari khamwaasaanse sooriheya. Nyuwosa munuumela murima mooxililini.

Levitiku 25:17

Mpakelaneke ekhaikhai mmoovaka Mulukwaanyu. Miyo ti Yave Mulukwaanyu.

Levitiku 25:42

Yeenre aYixrayeli ekhalaka arumeiyaaka Miyo kaakhumihalaaka wExipitu, awosa ehithumihiwe ntoko ipottha.

Levitiku 25:44

Ipotthasanyu ilopwana ni ithiyana sikhaleke sa miloko sinkhala mukhwipimwanyu; mwa seiyo muthumeke ipotthasanyu.

Levitiku 25:46

Muntthuniheriwa waahiyera anamwaniinyu ntoko yoohiyeriwa ni muntthuniheriwa waatatuxa ipottha wa mahuku ootheene, mene mwaha wa aYixrayeli, muhaalamule muhaamorelaka ikharari.

Levitiku 25:53

Owo ooneliweke ntoko namuteko onliviwa vayaakhani; mwiipasoope weera pwiiyawe ahimulamule ahimmorelaka ikharari.

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

awEfeso 6:9

Nyuwo asineene, mweetteleke mooteene yoowo ni ipotthasanyu. Musuwelaka weera Apwiyaaya ni Apwiyaanyu ari wiirimu, ni awo khaanono nthalu ni atthu, muhoopopihe ipotthasanyu.

Deuteronomiyo 25:18

Mwaakhulumuwansaanyu ooveleene, awo yaahoottharani ottuliwanyu yaawananaka ookhulumuwa. Awo khayaamoomve Muluku.

aKolosi 4:1

Asineene, mvahe wa ipotthasanyu yeeyo eri ya ekhaikhai ni yootthuneya, musuwelaka weera nyuwotho mookhalano Apwiyaanyu ari wiirimu.