Levitiku 24:7 - Emakhuwa Bible

⁷ Muhele erubani* yootteela khula musera ntoko mpatta woowuupuwelela vanipuroni na ipaawu ni weera ekhale yooveleela yoomurehererela vayikho Yave.

Levitiku 24:7 Iomraidhean Croise

Epacerero 9:16

Imaara sootheene muura oneeraaya okhumeke mmahutteni, nkiwehe yoowo ni nkuupuwelele wiiraana woohimala variyari wa Muluku ni itthu sa okumi sootheene sinkhala mweelaponi ya vathi.”

Okhuma 12:14

Nihuku nno nikhaleke noowuupuweleliwa nyuwosa ni ekhapiraanyu. Khula eyaakha vanihukuni nno mmuupuwelele mumpakelaka efesta Yave, ntoko nlamulo noohimala.

Okhuma 13:9

Eyo eniyookhaleleni eneneero mmatatanimwanyu ni yoowuupuwelela vayuuciwanyu, weera Nlamulo na Yave nikhale vayanoniwanyu, niwoko Yave ohookhumihani wExipitu ni ntatanawe nooweraxa.

Okhuma 17:14

Yave aamweerela Moisesi: “Mulepe yeeyo mulivuruni ntoko etthu yoowuupuwelela ni munthalihere nnenesene Yoxuwa weera awAmaleki nkaakhalihe oottiwaliwa mweelaponi yootheene.

Okhuma 28:12

Vano, mutthukelele mmakhatani mwa mooxikootti ntoko maluku oowuupuxera anamwane asilopwana a Yixrayeli. Aharoni akuxeke masina awo mmakhatanimwawe ntoko eyuupuxero ohoolo wa Yave.

Yesaya 43:23

Khamwaakiruuhenle ikhondoolo sa sooveleela soohisa naari khamwaakittittiminghe ni sooveleelasanyu. Nkoonyesereringheni opaka sooveleela sa etrigu naari nkaatthunne erubani*.

Levitiku 2:1

Yoole aneera amuruuhele Yave yooveleela ya irooro, yooveleelaawe ekhaleke ya ephepa yooreerela. Vasuluwaya owo amiineleke makhura ni iikaathiki erubani*,

Levitiku 2:2

aaroiheleke asaserdoti*, anamwane asilopwana a Aharoni. Mmoha a yaawo anyottoleke ephepa yooreerela, makhura ni erubani* yootheene, ahisereke valtaarini* ntoko eyuupuxero. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave.

Levitiku 2:9

Owo avenxeke mpatta wa eyuupuxero ya yooveleela ya irooro ni ahisereke valtaarini*; ti yooveleela erehereriwe vayikho, yooveleela yoowunkhelaxa enimusiveliha Yave.

Yohaane 6:35

Vano Yeesu aahima: “Miyo ti Yooca ya okumi. Yoole ongwa wa Miyo khawa avoliwa etala ni yoole onkiroromela Miyo khawa avoliwa ntthona.”

Yohaane 6:51

Miyo ti Yooca ya okumi yaakhurungwe wiirimu. Mukina aneera ace Yooca ela, anaakhale ni okumi mahuku ootheene. Yooca ela ti erutthwaaka kineeraaka kivahe weera elapo ya vathi ekhale ni okumi.”

Miteko 10:31

ni aakeerela: ‘Korneliyu, Muluku ohiiwa nivekelonanyu ni ohuupuwelela soovahasanyu.

Miteko 10:4

Oowoopihiweene owo aangweha, anamukoha: “Eheeni, Apwiya?” Ndyelo aamwaakhula: “Mavekelowaanyu ni sooveleelasanyu soowela ntoko yooveleela yoowuupuxera ohoolo wa Muluku.

awEfeso 1:6

Nnimuttottopele niwoko na ovuwa wa mahalaawe, mwa yaawo Owo onivanghaawe mwa Oosiveleya.

aHeberi 7:25

Tivawo, Owo ongweraawe waavuluxa nnenesene yaawo ammwaattamela Muluku mwa Yoowo, niwoko Owo onkhala mahuku ootheene weera aavekeleleke yaawo.