Levitiku 23:32 - Emakhuwa Bible

³² Ti eSaabadu ya wiitthuuwa wa nyuwo ni muntthuneya wiiyeviha. Okhuma oxekuwa wa nihuku nanaathannamaxexe na mweeri owo mpaka oxekuwa wa waaxiiye muntthuneya ottittimiha eSaabadu eyo.

Levitiku 23:32 Iomraidhean Croise

Nehemiya 13:19

Nyunttuusi sa oxekuwa siikitthaaya milako sa oYerusaleemu, ekhuveelaka eSaabadu, kaalamulela weera iyo siwaliweke sihuliweke paahi evinreene eSaabadu. Kaawiikaathi akina a atthwaaka oororomeleya mmilakoni weera ohikhaleru murindi weera ovolonghiwe nihuku na eSaabadu.

Icipo 35:13

Vaheera, awosa yaavoreiwaaya, miyo kaawarela sa olalamika, kiiyevihaka ni otthuka, kaavekelelaxaka.

Icipo 51:17

Sooveleela Muluku ontthunaawe ti munepa woosareya olapa; Nyuwo, Muluku khamunramusa murima woorukunuwa ni woowiiyeviha.

Yesaya 57:15

Vano Oosulusuluxa, Yoowo onkhala ni okumi wa mahuku ootheene, Nsinanawe Ootteela, oneera ha: “Miyo kinkhala vanipuroni noosuluxa ni nootteela, menetho ni yoowo orino murima woothananaxa ni wooyevihiwa mmunepani weera kikakamuxe munepa wa oowiiyeviha ni opepesa murima wa oothanana.

Yesaya 61:3

kaakosoope yaale aniinla oSiyoni kaavahaka ecireemba yooreera vanipuroni na ettuura, makhura a ohakalala vanipuroni na olalamika ni mukaandyo wa ottottopela vanipuroni na munepa wooriipiwa. Awosa animwiitthaniwa ikaravalyu* sa ororomeleya soophatteiwa ni Yave ntoko eyoonihero ya ovuwawawe.

Levitiku 16:29

Ekanowaanyu yoohimala ti ela: vanihukuni nanaamuloko na mweeri wanaathannamiili mwiiyevihe ni muhivareru muteko – akhalaka muYixrayeli xaxaxa hoye hoye namarwa onkhala variyariwanyu,

Levitiku 16:31

Ti eSaabadu ya wiitthuuwa ni mwiiyevihe; ti ekano yoohimala.

Levitiku 23:27

Nihuku nanaamuloko na mweeri wanaathannamiili ti nihuku na orehererela wiiwanana ni Yave. Mpakeke muthukumano wootteela, mwiiyevihe ni mumveleelele Yave yooveleela yoorehereriwa vayikho.

Levitiku 23:31

Muhivareru muteko. Nna nikhale nlamulo noohimala wa ikhapirasanyu sootheene mmapuroni ootheene muneeraanyu mukhale.

Levitiku 23:33

Yave aamweerela Moisesi:

Matheyo 5:4

Ooreelihiwa ti yaale aniinla, niwoko eniimaalihiwe.

1 aKorinto 11:31

Vano, hiyo nahiithoriha, khanaathorihiwe.

aHeberi 4:11

Tivawo, nilipihere ovolowa wiitthuuwawene weiwo weera ahikhale mukina aneera amore, attharaka ethoonyero ya yaale yahiiwelenle.

aHeberi 4:3

Hiyo ninroromela, ti hiyo nimvolowa ngwiitthuuwani wu, ntoko Muluku eenraawe: “Hiiho kaalipela moonyoonyiwanimwaka: awo kheerwa evolowa ngwiitthuuwanimwaka.” Aaheera yeeyo, naamwi mitekosawe simalihiweene okhuma ephattuwelo ya elapo.